Marco 14:11 - Tachi Ak'õre Pedea

¹¹ Mãɨ ũrisidaɨde ãchi arapaadak'ari Judá erreara teadayade asidama. Mãɨne Judapa jɨrɨpachima sãmaasã́ Jesú jitapiit'a.

Marco 14:11 ပူးပေါင်းရင်းမြစ်များ

Mateo 26:14

Juda Iscariote apataɨ Jesupa doce peedaɨrãnepema pasima. Mãɨ Juda p'aarerã chi mãɨrã chaarearãmá wãsima.

Mateo 26:15

Ichia nãɨya idisima: —Mɨa mãrá Jesú jita teaipɨra, ¿mãrapa mɨá jõmasã́ teadaima? Mãɨne ãchia erreara tau treinta teasidama.

Marco 14:10

Juda Iscariote Jesupa doce peedaɨrãnepema pasima. Mãɨ Juda p'aarerã chi mãɨrã chaarearãmá wãsima Jesú jitapii k'orea.

Marco 14:12

Judiorã p'ana ooropiparí newẽa k'opataɨ arapaapataɨ ewari pasima. Tomioama mãɨya k'opachidama mãɨnepa chi naapema ewaride oveja chak'e peadak'ari k'opachidama. Mãɨ ewaride chi Jesú ome p'ɨrrɨapataɨrãpa ichiá idisidama: —¿Pɨa sãma k'ɨ̃ria bɨma taipa chik'o k'odayá oode wãnait'a?

Luca 22:3

Mãɨya bɨde tiorepa Juda Iscariote k'ɨ̃risia p'uesima. Mãɨ Juda Jesupa doce peedaɨrãnepema pasima.

1 Timoteo 6:10

Erreara awaa bɨdeepuru ne k'achia unuparima. Ara mãɨ awaa p'anɨnepa waapẽarãpa Cristode ĩjãa p'anana itu bɨsidama. Mãɨya ãchi minachia mĩa p'aneesidama.

Juda 1:11

¡Miachupuri p'anɨma chi nemietaade nipapataɨrã! Caínpa ooda jĩra oopatama. Erreara k'ɨ̃ria p'anɨnepa Balaampa ooda jĩra piawẽa oo nipapatama. Corepa Moisé itu bɨda jĩra ara mãɨya Tachi Ak'õre itu bɨ p'anɨ pẽra ãchi sida ɨtɨaipɨ.