Marco 14:1 - Tachi Ak'õre Pedea

¹ Ewari ume parude judiorãpa Egitodepa wãnana k'ɨ̃risiapataɨ ewari oodai pasima. Mãɨ arapaapataɨ ewaride p'ana ooropiparí newẽa k'opatama. Mãɨne p'aarerã chi mãɨrã chaarearãpa mãɨnepa Moisepa bɨda jarateapataɨrã ome k'ɨ̃risia jɨrɨ p'anasidama Jesú k'ĩup'ea jitadak'ari peapidai k'orea.

Marco 14:1 ပူးပေါင်းရင်းမြစ်များ

Mateo 12:14

Ara mãɨne p'ariseorã tajatá wãnak'ari, pedea aumaa p'aneesidama Jesú peapidai k'orea.

Mateo 6:2

Pɨa nenea k'edea ne tearude seat'a Tachi Ak'õrene ĩjãapataade apataɨrãpa oopata jĩra oorãse. Ãchia ne teautade, mãɨ k'orea jarapatama judiorã ará pedeapataɨ tede mãɨnepa p'uurude pida jõmãɨrãpa ãchi k'orea pia pedeadamẽrá. Mɨa piarã jararuma: ẽpẽrarãpa ãchi k'orea pia pedeadait'a k'ɨ̃ria p'anɨ pẽra, mãɨ ãchi k'orea pedea pia pedeadada puru nepia uru p'anɨma. Mãɨt'u Tachi Ak'õrenepa mi ãpia pida nepia uru p'anɨwẽma.

Marco 14:12

Judiorã p'ana ooropiparí newẽa k'opataɨ arapaapataɨ ewari pasima. Tomioama mãɨya k'opachidama mãɨnepa chi naapema ewaride oveja chak'e peadak'ari k'opachidama. Mãɨ ewaride chi Jesú ome p'ɨrrɨapataɨrãpa ichiá idisidama: —¿Pɨa sãma k'ɨ̃ria bɨma taipa chik'o k'odayá oode wãnait'a?

Marco 14:2

Maamina jarasidama: «Arapaapataɨ ewaride jitadaiwẽma ẽpẽerã k'ĩruupidaemaapa».

Juan 11:47

Mãɨpuru p'ariseorã mãɨnepa p'aarerã chi chaarearãpa ara ãchi paara t'ɨ̃ peedak'ari, pedea ausidama. Nãɨya jarasidama: —Tachia ¿k'ãre oodaima? Mãɨ ẽpẽrapa ne p'ue oodak'apɨ́ minachia oo bɨma.

Juan 13:1

Egitodepa wãnana k'ɨ̃risiapataɨ ewari pai naena Jesupa k'awa basima ichi ewari pasit'a, nãɨ ĩjũa ameek'ari ichi Ak'õremá wãi k'orea. Jesupa jõma ichidirã nãɨ ĩjũane be minachia k'ɨ̃ria bada pẽra ichia mãɨrã k'ɨ̃ria basima ichi piui ewaridea.

Hecho 12:4

Pedro jitapik'ari eda jɨ̃a nɨbɨpisima. Maapae papaká berã diecisei k'ik'imãria bɨk'ari, Pedro pia ak'ɨpisima. Herodepa k'ɨ̃risia basima ãareaɨrã k'ĩrari Pedro nepɨra ak'ɨit'a, judiorã Egitodepa wãnana k'ɨ̃risiapataɨ jõru ewaride.