Marco 13:9 - Tachi Ak'õre Pedea

⁹ »Jĩrak'aua p'anat'ɨ. Mãra chi ak'ɨpataɨrãmá ateewãnak'ari maapae judiorã ará pedeapataɨ tede soapa p'edaipɨ. Mɨne ĩjãa p'anɨ k'orea ãchia mãra chi poro chaarearã k'ĩrari mãɨnepa chi poro jũra jɨ̃parí jɨ̃ p'anɨrã k'ĩrari ateewãnaipɨ. Mãɨne mãrapa mɨ k'orea ãchi k'ĩrari pedeadaipɨ.

Marco 13:9 ပူးပေါင်းရင်းမြစ်များ

Mateo 5:22

Maamina mɨa jararuma: abaɨpa chĩara ome k'ĩruusira Tachi Ak'õrepa ɨtɨaipɨ. Abaɨpa chĩará k'ĩra piawẽa bɨade arupara, mãɨ chi chaarearãpa ɨtɨadaima. Ichiaba abaɨpa chĩará k'achia pedeasira, Tachi Ak'õrepa t'ɨpɨ tau uruadea wãpiipɨ.

Marco 1:44

—Pɨ jɨpa beeda mi ãpia pida abaɨa jararãse. Mãɨpari p'aaremá wãse pɨ jɨpa beesit'a unumẽrá. Maapae Tachi Ak'õre k'ĩrari pia beei k'orea Moisepa jarada jĩra ne tease. Mãɨya ẽpẽerãpa k'awadaipɨ pɨ piarã jɨpa beesit'a.

Marco 13:5

Mãɨne Jesupa jarasima: —Jĩrak'aua nipat'ɨ abaɨa pida mãra seapiemaapa.

Marco 13:8

Ĩjũa aba bɨ ĩjũa awaraɨ ome k'ĩruupik'a nɨbaipɨ. Ichiaba tua abaɨdepema poro jũra jɨ̃parí jɨ̃ bɨ tua awaraɨdepema poro jũra jɨ̃parí jɨ̃ bɨ ome k'ĩruupik'a nɨbaipɨ. Tuacha iurumia wãipɨ mãɨnepa jarra minachia baipɨ. Maamina mãɨ chi ɨ̃rapuru ãpia minachia mĩanaidepemapɨ, wẽra warra p'ua bɨ jĩra.

Marco 6:11

Maamina ãchia mãrá pia chesidade adaepɨra mãɨnepa mãra pedea ũri k'ɨ̃rianaepɨra, mãmãɨpa wãt'ɨ. Wãutade yooro jora mãra jĩrunepema jãrap'et'at'ɨ, Tachi Ak'õrepa mãɨ k'ɨ̃riawẽa bɨt'a ãchiá unupidai k'orea.

Luca 9:5

Maamina p'uurudepemarãpa mãrá pia chesidade adaepɨra mãmapema wãt'ɨ. Wãutade yooro jora mãra jĩrunepema jãrap'et'at'ɨ, Tachi Ak'õrepa mãɨ k'ɨ̃riawẽa bɨt'a ãchiá unupidai k'orea.

Juan 15:20

K'ɨ̃risiat'ɨ mɨa nãɨ jarada: “Abaɨ pida ichi chipari pae pari mimiaparí ichi chipari k'aepẽra atepe bɨwẽma”. Mãɨpa jara bɨma ẽpẽerãpa mɨ pedea oo p'anɨpɨra, mãra pedea sida oodaipɨ. Maamina ãchia mɨ ẽp'ẽ p'anɨpɨra, mãra sida ẽp'ẽnaipɨ.

Juan 16:2

Judiorãpa mãra ãchi ará pedeapataɨ tedepema ãyá jerek'oadaipɨ. Mãɨ awara mãra peadai ewari paipɨ. Mãra peautade ãchia k'ɨ̃risiadaipɨ “Tachi Ak'õrepa k'ɨ̃ria bɨ oo p'anɨane” adait'a.

Hecho 21:11

Tai ak'ɨde cheside chi Pablo k'ɨrrɨde jɨ̃parí ẽrak'ari ara ichi jĩru mãɨnepa jua jɨ̃k'ari nãɨya jarasima: —Tachi Ak'õre Jaorepa nãɨya jara bɨma: Jerusalenepema judiorãpa nãɨ k'ɨrrɨde jɨ̃parí chipari nãɨya jɨ̃naipɨ. Maapae judiorãwẽa ichi teadaipɨ.

Hecho 7:54

»Mãɨ pedea ũrisidaɨde chi judiorã minachia k'awa p'anɨrã Esteban ome minachia k'ĩruutapa ãchi k'ida k'osterrea p'aneesidama.

Hecho 9:16

Mɨa ichiá k'awapiipɨ sãmaasã́ mĩai bɨt'a mɨnepema pedeai k'orea.

P'ilipense 1:29

Ichi piadepa mãra t'ɨ̃é pasima abapuru Cristode ĩjãa p'ananamẽrá, mãɨpari t'ɨ̃sima Cristo k'orea minachia mĩanamẽrá.

2 Tesalonicense 1:5

Mãɨpa k'awapi bɨma Tachi Ak'õrepa ichi jĩp'a bɨdepa ẽpẽerã ɨtɨaparit'a. Mãɨya ichia mãra pia unu bɨma ichi juade ua bai k'orea. Mãɨ k'orea idiapae ãarea mĩa p'anɨma.

2 Juan 1:8

Jĩrak'aua p'anat'ɨ mãɨrãpa mãra seadaemaapa. Mãɨya mãrapa chi Tachi Ak'õre pae oopataɨ ichia teada atuadaiwẽma, mãɨpari jõma oodaipɨ.

Apocalipsi 1:9

Mɨ mãra ũpẽa Juanpɨ. Tachi Jesucristo ome p'anɨ pẽra mɨ mãra ome Tachi Ak'õre juadepemapɨ, mãra ome minachia mĩa bɨma, mãɨnepa mãra ome ãarea choa bɨma. Tachi Ak'õre pedea jaratea bɨ k'orea mãɨnepa chi Jesú pedea piarãane a bɨ k'orea mɨ chi p'usade ĩjũa ãpia p'ɨrra bɨ Patmodea ateepisidama.

Apocalipsi 2:10

Mãra ewari tãaraawẽa bɨde minachia mĩanait'a wap'earãt'ɨ. ¡Ũrit'ɨ! Tiorepa eda mãranepema jɨ̃a nɨbɨipɨ mãɨ wapida ĩjãa p'anɨ k'awayá. Minachia mĩanaipɨ ewari k'ak'o diez ãarea. Mãra peautamisa ĩjãa p'anat'ɨ. Maapae mɨa mãrá poro jũra jɨ̃parí tearude, ewaricha chok'ae bapiipɨ.

Apocalipsi 2:13

»Mãrapa oo p'anɨt'a mɨa k'awa bɨma. Mãɨnepa k'awa bɨma ara mãra p'anapatamá tiore chi ichi suak'a beeparí auk'ará bɨde suak'abari bɨt'a. Maamina mãra mɨ paara wapida p'anɨma. Maamina chi tioredepemarãpa ũpẽa Antipa peasidaɨde mɨ k'orea piarã pedeada pẽra, mɨne ĩjãa p'anɨt'a itu bɨdaé pasima.