Marco 13:3 - Tachi Ak'õre Pedea

³ Maapae Olivo eyadea wãsidama, chi Tachi Ak'õre te minachia bɨ k'ĩrari. Jesú mãma suak'abari baside Pedropa, Santiagopa, Juanpa mãɨnepa Andrepa ãchi tuaba ichiá idisidama:

Marco 13:3 ပူးပေါင်းရင်းမြစ်များ

Mateo 13:10

Maapae Jesú ome p'ɨrrɨapataɨrãpa ichi orrobaridak'ari idisidama: —¿K'ãre k'orea ẽpẽrarã́ nepɨrɨ bɨdepa jarateaparima?

Mateo 13:36

Maapae Jesú ẽpẽrarã ome bada tedea wãsima. Ichi ome p'ɨrrɨapataɨrã chedak'ari idisidama: —Ne uu mietá uudada k'orea taiyá k'awapise.

Mateo 17:1

Ewari k'ak'o sei pak'ari Jesupa Pedro, Santiago mãɨnepa chi ũpẽa Juan ãchi tuaba awara eya ɨt'ɨ bɨmá ateewãsima.

Mateo 21:1

Jerusalén k'ait'a cheutade Betp'aké p'uurude chesidama, Olivo eya k'ait'a. Mãɨne Jesupa ichi ome p'ɨrrɨapataɨrã ume p'uurudea peesima.

Mateo 24:3

Jesú Olivo eyade suak'abari baside ichi ome p'ɨrrɨapataɨrã ichimá wãnak'ari ãchi tuaba nãɨya idisidama: —Taiyá jarase, Tachi Ak'õre te minachia bɨ ¿sãapae mãɨ ãriima? ¿K'ãrenepa k'awadaima pɨ cheit'a? Mãɨnepa ¿k'ãrenepa k'awadaima mãɨ jõi ewari k'ait'a parude?

Marco 10:35

Zebedeo warrarã Santiago mãɨnepa Juan Jesumá chedak'ari jarasidama: —Jarateaparí, taipa k'ɨ̃ria p'anɨma chi taipa idiutat'a pɨa taiyá teait'a.

Marco 13:4

—Taiyá jarase: Tachi Ak'õre te minachia bɨ ¿sãapae mãɨ ãriima? ¿K'ãrenepa k'awadaima mãɨ ewari k'ait'a parude?

Marco 14:33

Maapae Pedro, Santiago mãɨnepa Juan awara ateewãsima. Ichi mãɨya bai bɨẽra, k'ĩra piawẽa beek'ari, sõp'ua beesima.

Marco 4:34

Nepɨrɨwẽa jarateak'a pasima. Maamina ichi ome p'ɨrrɨapataɨrã ãchi tuaba ará p'anɨne ãarea jarateapachima.

Marco 5:37

Maapae Jesupa Pedro, Santiago mãɨnepa Santiago ũpẽa Juan mãɨ Jairo tiidá ateewãsima. Chi waapẽarã itu wãpié pasima.

Marco 9:2

Ewari k'ak'o sei pak'ari Jesupa Pedro, Santiago mãɨnepa Juan ãchi tuaba eya ɨt'ɨ bɨmá ateewãsima. Mãma ãchi k'ĩrari Jesú k'ĩra awara unupisima.