Marco 13:26 - Tachi Ak'õre Pedea

²⁶ »Mãɨ ewaride mɨ, chi Ẽpẽra Warra, mɨ jua chaareadepa jɨ̃ararãne cheit'a mãɨnepa k'ĩrawãrea bɨt'a ununaipɨ.

Marco 13:26 ပူးပေါင်းရင်းမြစ်များ

Mateo 16:17

Jesupa jarasima: —Pɨ sõpia bɨma, Simón, Joná warra. Ẽpẽra abaɨ pida pɨá mãɨ k'awapié pasima, mãɨpari mɨ Ak'õre pajãne bɨpa mãɨ k'awapisima.

Mateo 16:27

Piarã mɨ, chi Ẽpẽra Warra Tachi Ak'õrepa ɨt'aripa peedarã ome cheipɨ mɨ Ak'õre jua chaareadepa ẽpẽerã ɨtɨai k'orea. Mãɨne pia oopataɨrã́ mɨa pia bɨipɨ, ichiaba nemietá oopataɨrã́ nepɨra pará bɨipɨ.

Mateo 16:28

Mɨa piarã jararuma: chi eda waapẽarã nãma p'anɨ piudai naena ununaipɨ chi Ẽpẽra Warrapa ichidirã ichi juade ua bait'a.

Mateo 24:30

Mãɨne pajãne ne ununaipɨ. Mãɨ mɨ, chi Ẽpẽra Warra cherudepemapɨ. Mãɨ unuutade jõma nãɨ ĩjũane berã p'uuru jẽanaipɨ chi p'erapa. Mɨ jɨ̃arane jua chaareadepa cheru mãɨnepa k'ĩrawãrea achiterrea bɨ ununaipɨ.

Mateo 25:31

»Mɨ, chi Ẽpẽra Warra jõma Tachi Ak'õrepa ɨt'aripa peedarã ome k'ĩrawãrea cherude, mɨ poro jũra jɨ̃parí jɨ̃ bɨ suak'a beeparí k'ĩrawãrea bɨde suak'abari beeipɨ ẽpẽrarã ak'ɨi k'orea.

Marco 14:62

Jesupa p'anoosima: —Ãjã, mɨpɨ. Mãrapa mɨ, chi Ẽpẽra Warra ununaipɨ Tachi Ak'õre chi Ne Ãarea P'ue Bɨ juaraari suak'abari bɨt'a mãɨnepa jɨ̃arane cherut'a.

Marco 8:38

Abaɨpa nãɨ ĩjũane nemietá oo be t'ãena mɨ mãɨnepa mɨ pedea atua bɨade aipɨra, mɨ, chi Ẽpẽra Warra jua chaarea pará bɨ cherude mãɨ ẽpẽra atua bɨade aipɨ. Mãɨ ewaride mɨ Ak'õre jua chaarea bɨdepa cheipɨ, chi ichia ɨt'aripa peedaɨrã pia berã paara».

Marco 9:1

Mãɨnepa Jesupa jarasima: —Mɨa piarã jararuma: chi eda waapẽarã nãma p'anɨ piudai naena ununaipɨ Tachi Ak'õrepa ichidirã ichi juade ua bait'a, ichi jua chaareadepa.

Luca 21:27

Mãɨneepuru ununaipɨ mɨ, chi Ẽpẽra Warra jɨ̃arane jua chaareadepa cherut'a, mãɨnepa k'ĩrawãrea achiterrea bɨt'a.

Hecho 1:11

Mãɨ ẽpẽerãpa nãɨya jarasidama: —Galileadepemarã, ¿k'ãre k'orea pajãnea ak'ɨ p'anɨma? Ara mãɨ Jesú pajãnea wãna mãicha cheipɨ ara machia pajãnea wãru ununana jĩra.

1 Tesalonicense 4:16

Mãɨ k'aepẽra Tachi Chipari pajãnepa cheipɨ. Tachi Chipari pedearu jĩk'ua ũrinaipɨ mãɨnepa chi Tachi Ak'õrepa ɨt'aripa peeda chi minachia k'awa bɨ pedearu ũrinaipɨ. Ichiaba chi Tachi Ak'õre ãnimara k'achu chaaru jĩk'ua ũrinaipɨ. Mãɨne chi Cristode ĩjãapataɨrã piudaadarã naa chok'ae p'irabaridaipɨ.

2 Pedro 1:16

Tachi Chipari Jesucristo jua chaarea k'orea mãɨnepa ichi mãicha chei k'orea taipa mãrá jarateasidaɨde ara tachi k'ɨ̃risiadepa jaradada jarateadaé pasima. Mãɨpari Tachi Chipari Jesú k'ĩrawãrea achiterrea ununana pẽra mãɨya jarateasidama.

Apocalipsi 1:7

Ak'ɨt'ɨ. Cristo jɨ̃arane cheipɨ. Mãɨne jõmãɨrãpa ununaipɨ. Chi ichi sudada pida ununaipɨ. Ichi unuutade jõma nãɨ ĩjũanepema jẽanaipɨ. Piarã mãɨya baipɨ.