Marco 12:26 - Tachi Ak'õre Pedea

²⁶ ¿Mãrapa chi piudaadarã chok'ae p'irabaridai k'orea chi Moisé k'art'ade eda jaradawẽk'ãra? Tachi Ak'õrepa pak'uru jeeda urua nɨbɨ k'orea Moisea jarasima: “Mɨ Abrahán Pajãnepema Ak'õrepɨ, Isá Pajãnepema Ak'õrepɨ mãɨnepa Jacó Pajãnepema Ak'õrepɨ”.

Marco 12:26 ပူးပေါင်းရင်းမြစ်များ

Marco 12:10

Mãrapa ¿Tachi Ak'õre pedea eda jaradawẽk'ãra? Nãɨya jara bɨma: “Chi te oopataɨrãpa mawara amaanana pada, mãɨ mawara chi atepe piipará beesima.

Marco 12:25

Ũrit'ɨ. Chok'ae p'irabariutade, ẽpẽerãpa k'ima waa atadaiwẽma wa wẽra ɨmɨk'ĩrá teadaiwẽma, mãɨpari Tachi Ak'õrepa ɨt'aripa peedaɨrã jĩra p'ananaipɨ.

Luca 20:37

Mãɨ awara Moisepa pak'uru jeeda urua nɨbɨ k'orea k'art'ade bɨside k'awapisima piudaadarã chok'ae p'irabaridait'a. Ichia Tachi Chipari nãɨya t'ɨ̃ jarasima: “Chi Abrahán Pajãnepema Ak'õre, Isá Pajãnepema Ak'õre mãɨnepa Jacobo Pajãnepema Ak'õre”.

Juan 20:17

Jesupa jarasima: —Mɨ jitarãse mɨ Ak'õremá waidi wãwẽa bɨ pẽra. Mɨ ũpẽarãmá wãk'ari jarase mɨ Ak'õremá wãrut'a. Ichi mãra Ak'õrepɨ. Mãɨ mɨ Tachi Ak'õrepɨ mãɨnepa mãra Tachi Ak'õrepɨ.

Romano 11:2

Tachi Ak'õrepa naena israel ĩjũanepemarã jɨrɨ atasima ichi p'uuru bamẽrá. Mãɨpuru ãchi itu bɨwẽa bɨma. Mãrapa Tachi Ak'õre pedeade Elía k'orea bɨda k'awa p'anɨma. Eliapa Tachi Ak'õrea israel ĩjũanepemarã k'orea nãɨya piawẽa pedeasima.