Marco 11:25 - Tachi Ak'õre Pedea

²⁵ Mãɨnepa mãrapa Tachi Ak'õrea ɨt'aa chiidiutade abaɨ ome k'ĩruu p'ananapɨra, mãɨ ẽpẽrapa ne piawẽa ooda naa k'ɨ̃risia atuat'ɨ, mãrapa ne piawẽa oodada mãra Ak'õre pajãne bɨpa ichiaba k'ɨ̃risia atuamẽrá.

Marco 11:25 ပူးပေါင်းရင်းမြစ်များ

Mateo 5:23

»Mãɨpuru pɨ Tachi Ak'õre pae ne paapataɨdea ateerude, pɨ ũpẽa pɨ ome nepɨra uru bɨ k'ɨ̃risiasira, pɨa ãnimara Tachi Ak'õre pae paai pada paatearãse.

Mateo 6:12

Taipa nemietá oodada k'ɨ̃risia atuase, waapẽarãpa nemietá oodada mãɨ taipa k'ɨ̃risia atuapataɨ jĩra.

Mateo 6:5

»Pɨa Tachi Ak'õrea ɨt'aa chiidirude Tachi Ak'õrene ĩjãapataade apataɨrãpa oopataɨ jĩra oorãse. Ãchia judiorã ará pedeapataɨ tede mãɨnepa p'uurude bai nɨp'aneenak'ari Tachi Ak'õrea ɨt'aa chiidipatama ẽpẽrarãpa pia ununamẽrá. Mɨa piarã jararuma: ẽpẽrarãpa ãchi pia ununai k'ɨ̃ria p'anɨ pẽra mãɨ ãchi k'orea pedea pia pedeadada puru nepia uru p'anɨma. Mãɨt'u Tachi Ak'õrenepa mi ãpia pida nepia uru p'anɨwẽma.

Luca 18:11

P'ariseo bai nɨbɨpa ara ichia nãɨya ɨt'aa chiidisima: “Tachi Ak'õre, mɨ sõpia bɨade pɨá aipɨ mɨ waapẽarã jĩra bak'a pẽra. Ãchi nechɨapatama, nemietá oopatama, wẽra awaraɨ ome k'ãipatama. Ichiaba mɨ jãɨ Romanepema pae erreara jɨrɨp'eparí jĩra bɨwẽma.

Luca 18:13

»Mãɨne Romanepema pae erreara jɨrɨp'eparí t'ɨmɨwẽa basima. Maamina pajãnea ak'ɨé pasima. Mãɨpari sõp'uadepa ichi p'echumá sĩk'ari jarasima: “Tachi Ak'õre, mɨ k'ĩra chupuriase. Mɨa minachia nemietá ooparima”.

Luca 6:37

»Waapẽarãpa nemietá oodada k'orea pedearãt'ɨ abaɨa mãrapa nemietá oodada ak'ɨpiemaapa. Waapẽarã́ nepɨra pará bɨade arãt'ɨ, Tachi Ak'õrepa mãra nepɨra pará p'anɨane apiemaapa. Mãɨya mãrapa piawẽa oodada Tachi Ak'õrepa k'ɨ̃risia atuaipɨ.

Ep'esio 4:32

Sõpia p'anat'ɨ. K'ĩra chupuria p'anat'ɨ. Chi mãrapa piawẽa oodada k'ɨ̃risia atuat'ɨ, Tachi Ak'õrepa mãra nemietá Cristodepa k'ɨ̃risia atuada jĩra.

Colosense 3:13

Jõmãɨrã ome choa k'awa p'anat'ɨ. Abaɨpa piawẽa oosira mãɨ piawẽa ooda k'ɨ̃risia atuat'ɨ. Mãrapa piawẽa oodada Tachi Chiparipa k'ɨ̃risia atuada jĩra mãra pida k'ɨ̃risia atuat'ɨ.

Santiago 2:13

Chi waapẽarã k'ĩra chupuriak'aɨ Tachi Ak'õrepa nepɨra ak'ɨrude k'ĩra chupuriaiwẽma. Mãɨne chi waapẽarã k'ĩra chupuriapataɨ pia p'ananaipɨ.

Apocalipsi 11:4

Chi nãɨ ĩjũanepema Chipari taade pak'uru olivo bɨɨrɨ ume p'anɨma mãɨnepa ĩpira ume p'anɨma. Mãɨ jara k'ɨ̃ria bɨma chi ume p'anɨpa mɨ k'orea pedea p'anɨt'a.