Marco 11:24 - Tachi Ak'õre Pedea

²⁴ Mãɨpuru mɨa mãrá jararuma: mãrapa Tachi Ak'õrea ne ɨt'aa chiididak'ari, mãɨnepa ichia mãɨ piarã teait'a a k'ɨ̃risia p'anɨpɨra, mãɨ ne ãarea jitadaipɨ.

Marco 11:24 ပူးပေါင်းရင်းမြစ်များ

Mateo 18:19

»Mɨa nãɨya jararuma: mɨne ĩjãapataɨrã ume wa ũpea ará p'anɨne mɨ sida mãma baipɨ. Mãɨpuru mãranepema ume p'anɨ nãɨ ĩjũane mɨ Ak'õrea ɨt'aa chiididai k'orea pedea audaipɨra, mãrapa ɨt'aa chiidiuta mɨ Ak'õre pajãne bɨpa ooipɨ.

Mateo 21:22

Mãrapa Tachi Ak'õrea ne ɨt'aa chiididak'ari, mãɨnepa ichia mãɨ piarã teait'a a k'ɨ̃risia p'anɨpɨra, mãɨ ne ãarea jitadaipɨ.

Marco 11:25

Mãɨnepa mãrapa Tachi Ak'õrea ɨt'aa chiidiutade abaɨ ome k'ĩruu p'ananapɨra, mãɨ ẽpẽrapa ne piawẽa ooda naa k'ɨ̃risia atuat'ɨ, mãrapa ne piawẽa oodada mãra Ak'õre pajãne bɨpa ichiaba k'ɨ̃risia atuamẽrá.

Juan 14:13

Mãɨya mãrapa mɨne ĩjãa p'anɨ pẽra mɨ t'ɨ̃nepa ɨt'aa chiidiuta mɨa jõma ooipɨ. Mãɨya mɨnepa mɨ Ak'õre chi choma bɨt'a unupiipɨ.

Juan 15:7

»Mãra mɨ ome ará p'ananaipɨra, mɨ pedea oo p'ananaipɨra, ɨt'aa chiidit'ɨ jõma mãrapa k'ɨ̃riautat'a. Mãɨ mɨa teaipɨ.

1 Corintio 14:13

Mãɨ k'orea chi tachia ũrinak'apɨ́ pedeade pedea bɨpa Tachi Ak'õrea ɨt'aa chiidi bɨma ara ichia jarada p'ue k'awa jarai k'orea.

1 Juan 3:22

Mãɨne chi tachia idiuta Tachi Ak'õrepa teaipɨ, ichia oopi bɨ pedea mãɨnepa pia unu bɨt'a oo p'anɨ pẽra.