Marco 11:22 - Tachi Ak'õre Pedea

²² Jesupa jarasima: —Mãrapa Tachi Ak'õrene ĩjãanai p'anɨma.

Marco 11:22 ပူးပေါင်းရင်းမြစ်များ

Mateo 14:29

Ara mãɨne Jesupa jarasima: —¡Chese! Ara mãɨne Pedro p'ãp'orrodepa toeda batook'ari Jesumá to ɨ̃rɨ wãru pasima.

Mateo 17:20

Jesupa p'anoosima: —Mãrapa Tachi Ak'õrene ãpia ĩjãanawẽa p'anɨ pẽra p'uedaé pasima. Mɨa piarã jararuma: mostaza net'a tau ãpia k'ɨrɨ jĩra mãrapa ãpia ĩjãa p'anɨpara, nãɨ eyá nãmãɨpa ãyá wãpade adai pasima. Mãɨne eya ãyá wãipɨ. Mãɨya ĩjãa p'anɨpara, mãrapa ẽpẽerãpa ne p'ue oodak'apɨ́ p'ue oodawẽa p'ananaiwẽ pasima.

Mateo 21:21

Jesupa p'anoosima: —Mɨa piarã jararuma: piarã Tachi Ak'õrepa mãrapa idi p'anɨ p'ue ooyade a k'ɨ̃risia p'anɨpɨra, mãɨnepa ichia p'ue ooiwẽane a p'anɨwẽpɨra, mɨa jãɨ higojõ bɨɨrɨ ooda k'aepẽra mãrapa atepe oodaipɨ. Mãrapa cha bɨ eyá ãyá wãpade adaipɨra mãɨnepa p'usadea eda baewãpade adaipɨra, ara mãɨya baewãipɨ.

Marco 9:23

Mãɨne Jesupa jarasima: —Pɨa ¿sãmaasã́ “mɨa p'ueima” a bɨma? Chi ĩjãa bɨpa ne ãarea p'ue bɨma.

Juan 14:1

»K'ĩra piawẽa p'anarãt'ɨ. Tachi Ak'õrepa oorude mãɨnepa chi mɨa oorude ĩjãat'ɨ.

Colosense 2:12

Tachi Ak'õrepa ichi jua chaareadepa Cristo chok'ae p'irabaripisima. Mãrapa Tachi Ak'õre mãɨya jua chaarea bɨ ĩjãanana pẽra porochoasidaɨde unupisidama Cristo ome t'ɨbarisidaɨt'a mãɨnepa Tachi Ak'õrepa mãra ichi ome chok'ae p'irabaripisidaɨt'a.

Tito 1:1

Mɨ Pablopɨ, Tachi Ak'õre pae pari mimiaparí mãɨnepa Jesucristopa peedapɨ. Mɨ peesima Tachi Ak'õrepa jɨrɨ atadaɨrãpa ichide ĩjãanamẽrá mãɨnepa chi piarã pedea k'awadak'ari Tachi Ak'õrepa k'ɨ̃ria bɨ jĩra p'ananamẽrá.