Marco 10:38 - Tachi Ak'õre Pedea

³⁸ Mãɨne Jesupa ãchiá jarasima: —Mãrapa atua p'anɨma k'ãre idi p'anɨt'a. Mɨ minachia mĩaipɨ. ¿Mãra sida piarã mãɨ jĩra mĩanai k'orea p'anɨk'ãra? ¿Mɨ minachia mĩarune porochoauta jĩra ara mãɨya mãra p'ue porochoapidai p'anɨk'ãra?

Marco 10:38 ပူးပေါင်းရင်းမြစ်များ

Mateo 26:39

Jesú wawá wãk'ari sĩraporode bedabari k'obeek'ari, ichi tau bɨɨrɨ ĩjũanea t'õmaripik'ari Tachi Ak'õrea ɨt'aa chiidisima: «Ak'õre, pɨa k'ɨ̃ria bɨpɨra, mɨ itu mĩapirãse. Maamina mɨa k'ɨ̃ria bɨ jĩra oorãse. Oose pɨapuru k'ɨ̃ria bɨ jĩra».

Mateo 3:6

Ãchia nemietá oodada ichi k'ĩrari jaradak'ari ãchi Jordán tode porochoapachima.

Marco 14:36

Nãɨya jarasima: «Ak'õre, pɨa ne ãarea p'ue ooi bɨma. Mɨ itu mĩapirãse. Maamina mɨa k'ɨ̃ria bɨ jĩra oorãse. Oose pɨapuru k'ɨ̃ria bɨ jĩra».

Luca 12:50

Maamina mãɨ naena mɨ minachia mĩa bɨma. Mãɨpuru ãarea sõp'ua baparima mãɨ ewari parudea.

Luca 22:42

«Ak'õre, pɨmá pia bɨpɨra, mɨ itu mĩapirãse. Maamina mɨa k'ɨ̃ria bɨ jĩra oorãse, mãɨpari pɨa k'ɨ̃ria bɨ jĩra oose».

Juan 18:11

Mãɨ k'orea Jesupa Pedroa jarasima: —Pɨchi k'ĩruuparí nek'o yaase. ¿Mɨ mãɨ mĩai bɨwẽk'ãra, mɨ Ak'õrepa mɨ mĩapii bɨ jĩra?

Romano 8:26

Mãɨ awara ara tachi tuaba chaareawẽa p'anɨ pẽra Tachi Ak'õre Jaorepa k'aripa bɨma. Piarã atua p'anɨma sãmaasã́ Tachi Ak'õrea ará ɨt'aa chiididait'a. Maamina Tachi Ak'õre Jaorepa tachia p'ue jaradak'a pedeadepa tachi k'orea Tachi Ak'õrea ɨt'aa chiidiparima.

Santiago 4:3

Mãɨnepa mãrapa Tachi Ak'õrea ɨt'aa chiidiutade jitadak'ama k'ɨ̃risia mietaadepa ɨt'aa chiidipata pẽra. Mãrapa ɨt'aa chiidipatama, machia k'ɨ̃ria p'anɨ jĩra oodai k'orea.