Marco 10:24 - Tachi Ak'õre Pedea

²⁴ Chi ichi ome p'ɨrrɨapataɨrãpa k'awa k'ɨ̃risiadaé pasima. Maamina Jesupa mãicha jarasima: —Warrarã, chi t'aju bɨma ẽpẽra errearadepa ɨbɨa bɨ Tachi Ak'õre juade bai k'orea, ichidirã paara.

Marco 10:24 ပူးပေါင်းရင်းမြစ်များ

Mateo 19:25

Mãɨne ichi ome p'ɨrrɨapataɨrãpa k'awa k'ɨ̃risiadaé pasima, ãchia Tachi Ak'õrepa ne pará p'anɨrã atepe k'ɨ̃riayane a k'ɨ̃risia p'anana pẽra. Ãchia idisidama: —Mãɨyara Tachi Ak'õrepa ¿k'ait'a k'aripaima?

Marco 1:27

Mãɨpuru ãareaɨrãpa k'awa k'ɨ̃risiadaé pasima. Ara ãchi paara idi para beesima: «¿Nãɨ k'ãrema? Jesupa jaratea bɨ mãɨ chiwidipɨ, ichi juade ãarea uru bɨdepa pia jarateapari pẽra. Chi jaore mietaarã pida ichia jararut'a ũripatama».

Marco 10:23

Mãɨne Jesupa p'ɨrrabari ak'ɨk'ari chi ichi ome p'ɨrrɨapataɨrã́ jarasima: —Piarã chi t'aju bɨma ẽpẽra errearadepa ɨbɨa bɨ Tachi Ak'õre juade bai k'orea, ichidirã paara.

Luca 16:14

Jesupa jarada p'ariseorãpa ãarea ũri tuanasidama. Ãchia erreara k'ɨ̃riapata pẽra Jesú oo uru p'aneesidama.

Juan 13:33

Mãra mɨ warrarã pẽra mɨa jararuma: mɨ mãra ome tãaraa baiwẽma. Mɨa judiorã chi mãɨrã chaarearã́ jarada jĩra nãɨyana mãrá jararuma: mãrapa mɨ jɨrɨdaipɨ, maamina mɨ wãrumá p'ue wãnaiwẽma.

Juan 21:5

Mãɨya bɨde Jesupa ãchiá idisima: —Ũpẽarã, ¿beta jitasidak'ãra? Ãchia p'anoosidama: —Jitadawẽma.

Juan 6:60

Mãɨ jaratea bɨ ũrisidaɨde chok'ará Jesú ome p'anɨrãpa jarasidama: «Ichia jarada chi t'aju bɨma. ¿K'aipa mãɨ p'ue mãɨya k'ɨ̃riaima?»

Gálata 4:19

Ũpẽarã, mãra mɨ warrarã jĩra p'anɨpɨ. Mɨ mãicha mãra k'orea minachia mĩa bɨma wẽra warra t'õrune p'ua bɨ jĩra. Mɨ mãɨya minachia mĩa baipɨ aba mãra Cristo jĩra p'aneeutadea.

1 Timoteo 6:17

Nãɨ ĩjũane erreara pará berã́ jarase waapẽarã k'aepẽra chi atepe berã k'ɨ̃risiapidaemaapa. Ãchia ne uru p'anɨ tãaraa choak'a pẽra jarase mãɨ k'orea pia p'ananai k'ɨ̃risiapidaemaapa. Tachi Ak'õret'u k'ɨ̃risiadai pia bɨma. Ichiapuru tachiá nejõma minachia teaparima ne k'ɨ̃risiadawẽa p'ananamẽrá.

1 Juan 2:1

Ũpẽarã, mãra mɨ warrarã jĩra p'anɨma. Mɨa mãɨ bɨruma mãrá nemietá oopidaemaapa. Maamina ẽpẽra abapa nemietá ooipɨra, aba uru p'anɨma Tachi Pajãnepema Ak'õrea tachi k'orea chichupuria idimẽrá. Mãɨ chichupuria idiparí Jesucristopɨ. Ne ãareaɨne jĩp'a ooparima.

1 Juan 4:4

Mɨ warrarã, mãra Tachi Ak'õrenepɨ. Mãrapa mãɨrã́ itu seapidaé pasima, chi mãra sõne bɨ chi nãɨ ĩjũane be k'aepẽra jua chaarea bɨ pẽra.

1 Juan 5:21

Mɨ warrarã, juapa oodada sãdo bede ĩjãarãt'ɨ.

Apocalipsi 3:17

Ara machi ɨbɨarãane a p'anɨma, ne ãarea uru p'anɨane a p'anɨma, mãɨnepa mãɨ ne ãpia pida newẽawẽa bɨade a p'anɨma. Maamina atua p'anɨma ara machi chichupuria p'anɨt'a, piawẽa p'anɨt'a, nenea p'anɨt'a, tau p'ãrio p'anɨt'a mãɨnepa ãk'adá p'anɨt'a.