Marco 10:17 - Tachi Ak'õre Pedea

¹⁷ Jesú mãmãɨpa wãrune ẽpẽra ichimá p'ira chesima. Mãɨ ẽpẽra Jesú k'ĩrari sĩraporode k'obeek'ari idisima: —Pia Jarateaparí, ¿mɨa k'ãre ooi bɨma Tachi Ak'õre ome ewaricha chok'ae bai k'orea?

Marco 10:17 ပူးပေါင်းရင်းမြစ်များ

Mateo 17:14

Ãchi eyadepa edá chesidaɨde ẽpẽrarã chok'ará ãarea ará tuanasidama. Mãɨne ẽpẽra Jesumá chesima. Mãɨ ẽpẽra Jesú k'ĩrari sĩraporode k'obeek'ari jarasima:

Mateo 25:34

Maapae mɨ, chi Minachia k'awa bɨpa juaraari p'anɨrã́ nãɨya jaraipɨ: “Mãra, mɨ Ak'õrepa pia beepidaɨrã, chet'ɨ. Ichi p'uurude pia p'anat'ɨ. Nãɨ ĩjũa oosiedapema mãɨ p'uuru mãra pae oo basima.

Mateo 28:8

Ara mãɨne wẽrarã Jesú k'ak'ua t'ɨbaridaadamãɨpa p'ira wãsidama. Wap'ea p'ananak'ari maamina sõ arapá wãsidama. Jesú ome p'ɨrrɨa p'ananarã́ jarade wãutade Jesú chek'ari ãchiá pia pedeasima. Maapae wẽrarã ichimá chedak'ari ichi jĩru oredak'ari, ichi minachia k'ɨ̃riasidama.

Marco 1:40

Mãɨya bɨde ẽpẽra aida pará bɨ Jesumá orrobarik'ari, sĩraporode k'obeek'ari nãɨya chichupuria idisima: —Pɨa k'ɨ̃ria bɨpɨra, mɨ p'ue jɨpai bɨma.

Marco 10:18

Jesupa p'anoosima: —¿K'ãre k'orea mɨ pia bɨade a bɨma? Aba pida pia bɨwẽma; abapuru Tachi Ak'õret'u pia bɨpɨ.

Marco 12:14

Chedak'ari jarasidama: —Jarateaparí, taipa k'awa p'anɨma pɨ ẽpẽra jĩp'a bɨt'a. Abaɨ pida pɨá awara k'ɨ̃risiapik'ama, pɨa ẽpẽerã ãarea abarik'a unupariideepuru. Mãɨpari Tachi Ak'õre o k'orea piarã jarateaparima. Romanepema pae erreara jɨrɨp'epataɨ ¿tachi judiorãpa p'aadai pia bɨk'ãra wa mãɨyawẽ?

Marco 9:25

Jesupa ẽpẽerã ará minachia cheuta ununa pẽra chi jaore mietá nãɨya ɨtɨasima: —K'ɨɨrɨ k'iipiparí mãɨnepa k'ĩrame t'urraapiparí jaore mietá, mɨa pɨá jararuma: nãɨ warra k'ak'uadepema ãyá wãse. Waa ichi k'ak'uade eda wãrãse.

Luca 10:25

Ewariaba Moisepa bɨda jarateaparí bai nɨbeek'ari Jesú piawẽa pedeapii k'orea nãɨya idisima: —Jarateaparí, ¿mɨa k'ãre ooi pia bɨma Tachi Ak'õre ome ewaricha chok'ae bai k'orea?

Juan 3:2

Teamasi Jesumá wãside, nãɨya jarasima: —Jarateaparí, taipa k'awa p'anɨma pɨ Tachi Ak'õrepa peedapɨ. Tachi Ak'õre pɨ ome badawẽpara, chi ẽpẽerãpa ne p'ue oodak'apɨ́ p'ue ooiwẽ pasima.

Juan 5:39

Mãrapa Tachi Ak'õre pedea pia unupatama, mãɨnepema Tachi Ak'õre ome ewaricha chok'ae p'ananait'a k'ɨ̃risia p'anɨ pẽra. ¡Mãɨ k'art'ade mɨ k'orea pedea bɨma!

Juan 6:40

Mɨ Ak'õrepa piarã k'ɨ̃ria bɨma ẽpẽerãpa mɨ ichi Warra k'awadak'ari, mɨne ĩjãanak'ari ichi ome ewaricha chok'ae p'ananamẽrá. Mãɨya mɨa ãchi nãɨ jõru ewaride chok'ae p'irabaripiipɨ.

Hecho 16:30

Maapae ãchi tajatá ateewãk'ari idisima: —Ẽpẽrarã, mɨa ¿k'ãre ooi bɨma Tachi Ak'õrepa mɨ k'aripamẽrá?

Hecho 2:37

Mãɨ ũrisidaɨde ãareaɨrã minachia k'ɨ̃risia pará p'aneesidama. Mãɨpuru ãchia Pedroa mãɨnepa chi waapẽarã Jesupa peedaɨrã́ idisidama: —Ũpẽarã, ¿k'ãre oodai p'anɨma?

Hecho 20:32

»Naapae, mɨa mãra Tachi Ak'õre juade bɨipɨ. Ichi sõpiadepa tachi k'aripa bɨ k'orea pedea k'ɨ̃risiat'ɨ. Ichi sõpiadepa jua chaarea teaparima mãrapa pia ĩjãanamẽrá. Chi ichia teai jaradat'a ichi sõpiadepa mãrapa mãɨnepa ãarea chi ichi pae pia bɨdarãpa mãɨ jitadaipɨ.

Hecho 9:6

P'irabarik'ari Damasco p'uurudea wãse. Jãma jaraipɨ pɨa k'ãre ooi bɨt'a.

Romano 2:7

Chi eda waapẽarãpa pia oo p'anɨma Tachi Ak'õrepa ãchi pia unumẽrá, pia jaramẽrá mãɨnepa ewaricha ãchi ome chok'ae bamẽrá. Mãɨrã piarã chok'ae p'anapiipɨ.

Romano 6:23

Piarã nemietá oo p'anɨ k'orea ẽpẽrarã piudaipɨ. Maamina Tachi Chipari Jesucristodepa Tachi Ak'õrepa ewaricha chok'ae bapiipɨ, ne pari tea bɨ jĩra.

Ep'esio 1:18

Mãɨnepa ɨt'aa chiidiparima Tachi Ak'õrepa mãrá k'ɨ̃risia teamẽrá. Mãɨya mãrapa k'awadaipɨ k'ãre ichidepa jitadai k'orea nɨ p'anɨt'a, mãɨ jitadamẽrá t'ɨ̃na pẽra. Mãɨne mãrapa k'awadaipɨ ichi ẽpẽrarãpa minachia pia bɨ jitadait'a.

Tito 3:7

Mãɨya Tachi Ak'õrepa ichi sõpiadepa tachi jĩp'a unu bɨ pẽra ewaricha ichi ome chok'ae p'ananaipɨ. Mãɨ nɨ p'anɨma.

Hebreo 1:14

Mãɨyara ¿Tachi Ak'õrepa ɨt'aripa peedaɨrã k'airãma? Mãɨrã ãarea Tachi Ak'õre pae p'anɨẽra, ãchi peeparima chi ichia k'aripai bɨɨrã mãɨrã ak'ɨ p'ananamẽrá.

1 Pedro 1:4

ichia tachi pae pajãne uru bɨt'a jõma jitadaipɨ. Mãɨ ãrik'ama, jõk'ama, mãɨnepa nemietaawẽma.

1 Juan 2:25

Mãɨya ará p'anɨpɨra, Cristopa tachiá piarãpẽa jarasima ewaricha Tachi Ak'õre ome chok'ae p'ananait'a.