Marco 1:8 - Tachi Ak'õre Pedea

⁸ Piarã mɨa mãra paniapa porochoasima maamina ichia Tachi Ak'õre Jaoredepa porochoaipɨ».

Marco 1:8 ပူးပေါင်းရင်းမြစ်များ

Mateo 3:11

»Mɨa mãra paniapa porochoaparima unupidamẽrá mãra nemietá oopataɨ itu bɨdaadat'a. Maamina chi mɨ k'aadea cherut'a mɨ k'aepẽra chi minachia atepe k'awa bɨma. Mãɨpuru ichia jĩrune jɨ̃ bɨ ẽrai k'orea mɨ mãɨ pae pida pia bɨwẽma. Ichiapuru Tachi Ak'õre Jaoredepa porochoaipɨ. Maamina ĩjãanaepɨra ɨtɨaipɨ.

Marco 1:7

Mãɨne nãɨya jarateapachima: «Mɨ k'aadea aba cheipɨ. Ichi mɨ k'aepẽra atepe bɨma. Mãɨpuru mɨ sĩraporode k'obeek'ari, ichia jĩrune jɨ̃ bɨ ẽrai k'orea mɨ mãɨ pae pida pia bɨwẽma.

Marco 1:9

Mãɨ ewaride Jesú Nazaré p'uuru Galilea ĩjũane bɨdepa Juan bɨmá wãsima. Mãma cheside Juanpa Jordán tode ichi porochoasima.

Luca 3:16

Maamina Juanpa ãareaɨrã́ jarasima: «Piarã mɨa mãra paniapa porochoa bɨma. Maamina mɨ k'aepẽra chi atepe bɨ cheipɨ. Ichia jĩrune jɨ̃ bɨ ẽrai k'orea mɨ mãɨ pae pia bɨwẽma. Ichiapuru Tachi Ak'õre Jaoredepa porochoaipɨ. Maamina ĩjãanaepɨra ɨtɨaipɨ.

Juan 1:26

Juanpa nãɨya p'anoosima: —Mɨa paniapa porochoaparima. Maamina chi mɨ k'aadea chei bada mãra t'ãena bɨmina mãrapa ichi atua p'anɨma. Ichi mɨ k'aepẽra chi atepe bɨ pẽra, ichia jĩrune jɨ̃ bɨ ẽrai k'orea mɨ mãɨ pae pia bɨwẽma.

Juan 1:33

Mɨa ichi atua basima. Maamina mɨa panianepa porochoamẽrá Tachi Ak'õrepa peeside nãɨya jarasima: “Pɨa unuipɨ mɨ Jaore ẽpẽra ɨ̃rɨ chek'ari ichi ome beeit'a. Unurune pɨa k'awaipɨ mãɨpa ichi Jaoredepa porochoaipɨ”.

Hecho 1:5

Piarã Juanpa ẽpẽerã paniapa porochoasima, maamina tãaraawẽa bɨde Tachi Ak'õrepa ichi Jaoredepa mãra porochoaipɨ.

Hecho 10:45

Mãɨne pedea awara pedea tuaneesidama mãɨnepa Tachi Ak'õrea pia pedea tuaneesidama. Judiorã Jesude ĩjãapataɨrã Pedro ome chedaadapa mãɨ ũrisidaɨde k'awa k'ɨ̃risiadaé pasima Tachi Ak'õrepa ichi Jaore judiorãwẽa teada pẽra.

Hecho 2:17

“Tachi Ak'õrepa nãɨya jara bɨma: K'aadeapema ewaride mɨ Jaore ãarea ẽpẽerã́ teaipɨ. Mãɨya mãra warrarã mãɨnepa mãra k'aurã mɨnepa pedeadaipɨ. Mɨa k'ũtãrã́ k'ãmok'araa jĩra ne unupiipɨ. Chõarã́ pida k'ãmok'araade ne unupiipɨ.

Hecho 2:4

Mãɨne Tachi Ak'õre Jaore jitadak'ari, pedea awara pedea para beesima, Tachi Ak'õre Jaorepa ãchi pedeapi badadepa.

1 Corintio 12:13

Chi eda tachidiidepemarã tachi judiorãpɨ, chi eda tachidiidepemarã judiorãwẽpɨ, chi eda tachidiidepemarã chi chipari pae pari mimiapataɨrãpɨ, chi eda tachidiidepemarã chi chipari pae pari mimiapataɨrãwẽpɨ. Maamina chi ara Tachi Ak'õre Jaore aba bɨpa tachi jõmãɨrã k'ak'ua aba bɨde bɨsima. Jõma tachia chi Jaore abarik'a bɨ jitasidama.