Marco 1:24 - Tachi Ak'õre Pedea

²⁴ —¡Jesú Nazaredepema! ¿K'ãre k'orea tai waa oo bɨma? ¿Tai k'enane chesik'ãra? Mɨa k'awa bɨma pɨ k'ait'a: ¡Pɨ Tachi Ak'õrepa peedapɨ!

Marco 1:24 ပူးပေါင်းရင်းမြစ်များ

Mateo 2:23

Mãma Nazaré p'uuru apataɨde beesima. Mãɨyasima Tachi Ak'õre pari pedeapataɨrãpa mãɨya jaradada jĩra: “Ichi Nazaredepemaane adaima”.

Mateo 8:29

Mãɨne Jesua jĩk'ua biasidama: —¡Tachi Ak'õre Warra! ¿K'ãre k'orea mɨ ome bariyá bɨma? ¿Tai mĩapiyá ewari chei naena pɨ cheruk'ãra?

Marco 1:23

Mãɨya p'anɨne, mãɨ judiorã ará pedeapataɨ tede, ẽpẽra jaore mietá pará bɨ nãɨya jĩk'ua pedeasima:

Marco 1:25

Jesupa chi jaore mietá nãɨya ɨtɨasima: —¡K'ĩup'ease! Jãɨ k'ak'uadepema ãyá wãse.

Marco 10:47

Bartimeopa ũrisima Jesú Nazaredepema mãma wãrut'a. Mãɨpuru bia beesima: —¡Jesú, Davidepa cheda, mɨ k'ĩra chupuriase!

Marco 14:67

Mãɨ wẽrapa ichi t'ɨpɨ k'ãmaa bɨt'a unusima. Ak'ɨ nɨbeek'ari jarasima: —Pɨ sida Jesú Nazaredepema ome p'ɨrrɨa basima.

Marco 16:6

Mãɨ k'ũtãpa ãchiá jarasima: —P'erarãt'ɨ. Mãrapa Jesú Nazaredepema k'urusude barijira bɨdada jɨrɨ p'anɨma. Ichi chok'ae p'irabarisima. Ichi t'ɨbaridaadamá ak'ɨt'ɨ. Nãma bɨwẽma.

Marco 5:7

jĩk'ua biak'ari, nãɨya jarasima: —Tachi Ak'õre chi Atepe bɨ Warra, Jesú, ¿k'ãre k'orea mɨ ome bariyá bɨma? ¡Tachi Ak'õre k'ĩrari piarãpẽa jarase mɨ mĩapiiwẽt'a!

Luca 1:35

Chi ɨt'aripema peedapa p'anoosima: —Tachi Ak'õrepa ichi Jaore pɨmá peek'ari, ichi jua chaareadepa pɨ ome baipɨ. Mãɨpuru ichia tearu warra pɨa t'õru, Tachi Ak'õrepa ichi Warraade aipɨ.

Luca 24:19

Jesupa ãchiá idisima: —¿K'ãret'a jara p'anɨma? Ãchia p'anoosidama: —Jesú Nazaré k'orea jara p'anɨma. Ichia ooda mãɨnepa jarada k'awapisima ichi Tachi Ak'õre pari pedeaparipɨ. Tachi Ak'õrepa mãɨnepa p'uurudepemarãpa ichi pia unusidama.

Luca 4:34

—¡Jesú Nazaredepema! ¿K'ãre k'orea tai waa oo bɨma? ¿Tai k'enane chesik'ãra? Mɨa k'awa bɨma pɨ k'ait'a: ¡Pɨ Tachi Ak'õrepa peedapɨ!

Luca 8:28

Ichia Jesú unuside biasima. Maapae Jesú k'ĩrari sĩraporode k'obeek'ari jĩk'ua jarasima: —Jesú, Tachi Ak'õre chi Atepe bɨ Warra, ¿k'ãre k'orea mɨ ome bariyá bɨma? ¡Mɨ chupuria mɨ mĩapirãse!

Luca 8:37

Mãɨpa ãarea Gerasadepemarã wap'eadak'ari Jesua chichupuria idisidama ãchi tuadepema ãyá wãmẽrá. Ara mãɨne Jesú mãicha p'ãp'orrode eda batook'ari Galileadea wãsima.

Juan 6:69

Taipa pɨ pedea piarã ĩjãa p'anɨma mãɨnepa taipa piarã k'awa p'anɨma pɨ Tachi Ak'õrepa peeda jĩp'a bɨt'a.

Hecho 2:27

Mɨa k'awa bɨma pɨa mɨ piudaadarã p'anapataɨmá ameeiwẽt'a. Chi pɨ pae pari mimiaparí chi jĩp'a bɨt'a itu beraapiiwẽma.

Hecho 24:5

Taipa k'awa p'anɨma nãɨ ẽpẽra nepɨra pará baparit'a. Ãarea nãɨ ĩjũane judiorã k'ĩruupik'apiparima. Ichi chi Nazaredepema chi poro chaarea bɨpɨ.

Hecho 3:14

Mãrapa Tachi Ak'õre Pae pari mimiaparí Jĩp'a Bɨt'a k'aripadawẽa itu bɨdak'ari idi p'anasidama Pilatopa mĩa peaparí Barrabat'u ãjã́ pari bɨmẽrá.

Hecho 4:27

Ara mãɨ jĩra nãɨ p'uurude Herode, Poncio Pilato, judiorãwẽ mãɨnepa Israeldepemarãpa pedea ausidama chi pɨ pae pari mimiaparí jĩp'a bɨ Jesú peadai k'orea. Pɨa mãɨ Tachi Chipari bɨdamina,

Santiago 2:19

Pɨa ĩjãa bɨma Tachi Ak'õre abapuru bɨt'a. ¡Minachia pia bɨma! Jaore mietaarã pida mãɨya ĩjãa p'anɨma, maamina Tachi Ak'õre wap'eapa k'ak'ua orepatama.

1 Juan 2:20

Mãɨpari mãrapa Tachi Ak'õre Jaore Cristopa teada uru p'anɨma. Ichidepa jõma chi piarã pedea k'awa p'anɨma.

Apocalipsi 3:7

»Chi P'iladelp'ia p'uurudepema ũpẽarã ak'ɨparí Tachi Ak'õrepa ɨt'aripa peeda pae k'art'ade nãɨya bɨse: »Ichi chi Tachi Ak'õre Paepuru Bɨ mãɨnepa chi Piarã Pedea Aba Bɨ, chi Daví p'uuru minachia k'awa bɨpɨ. Chi ichia ewaru mi ãpia pida p'ue serraiwẽma. Ichia serraru mi ãpia pida p'ue ewaiwẽma.