Marco 1:14 - Tachi Ak'õre Pedea

¹⁴ Juan chi Porochoaparí eda jɨ̃a nɨbɨdak'ari Jesú Galilea tuadea wãk'ari chi pedea pia Tachi Ak'õre k'orea jarateapachima.

Marco 1:14 ပူးပေါင်းရင်းမြစ်များ

Mateo 11:2

Juan chi Porochoaparí eda jɨ̃a nɨbɨsidaɨde, ũrisima Tachi Ak'õrepa Tachi K'aripaparí teai jaradapa ne oomaa bɨt'a. Mãɨ k'orea ichi ome p'ɨrrɨapataɨrã ume peesima Jesua nãɨya ididamẽrá:

Mateo 14:2

Mãɨpuru ichi pae pari mimiapataɨrã́ jarasima: «¡Mɨmá Juan chi Porochoaparí p'irabarii badapɨ! Mãɨpuru jõma ẽpẽrarãpa ne p'ue oodak'apɨɨrã p'ue oo bɨma».

Mateo 4:12

Juan chi Porochoaparí eda jɨ̃a nɨbɨ ũriside Jesú jĩitea Galilea tuadea wãsima.

Mateo 4:17

Mãɨ ewaridepa naa Jesupa nãɨya jara nipasima: «Pajãne Bɨ cheruma ichidirã ichi juade ua bai k'orea. Mãɨ k'orea mãrapa nemietá oopataɨ itu bɨdak'ari ichimá chet'ɨ».

Mateo 4:23

Jesú Galilea tuade ãarea p'ɨrrɨasima. Judiorã ará pedeapataɨ techa jarateapachima Tachi Ak'õrepa ichidirã ichi juade ua bai k'orea. Mãɨ pedea pia jarateade wãrucha ãarea ẽpẽrarã k'ak'ua piawẽa be jɨpa beepik'oapachima.

Mateo 9:35

Mãɨya bak'ari Jesú p'uuru waibɨa becha mãɨnepa p'uuru chak'e bemá p'ɨrrɨa wãsima. Judiorã ará pedeapataɨ techa jarapachima Tachi Ak'õrepa ichidirã ichi juade ua bɨ k'orea. Ichiaba mãɨ pedea pia jaratea nipasima jõma k'ak'ua piawẽa berã mãɨnepa k'ak'ua p'ua be jɨpa beepik'oasima.

Luca 3:20

Herodepa mãɨ nemietá oo bɨ awara nãɨ k'achia sida oosima: Juan eda jɨ̃a nɨbɨpisima ichi ɨtɨai k'orea.

Luca 8:1

Mãɨya bak'ari Jesú p'uuru waibɨa becha mãɨnepa p'uuru chak'e becha wãsima. Mãɨne jarapachima Tachi Ak'õrepa ichidirã ichi juade ua bɨ k'orea. Mãɨ pedea pia jaratea niparude ichia doce peedaɨrã ichi ome p'ɨrrɨapachidama.

Hecho 20:25

»Tachi Ak'õrepa ichidirã ichi juade ua p'anɨ k'orea mɨa mãɨ mãrá jara bapachima. Maamina naapae k'awa bɨma mãrapa mɨ waa ununaiwẽt'a.

Hecho 28:23

Mãɨne ãchia ewari aba bɨsidama. Mãɨ ewari cheside ẽpẽerã minachia Pablo bɨmá cheepɨrɨsidama. Tap'ededa waa k'ewara Pablopa pedea basima Tachi Ak'õrepa ichidirã ichi juade ua bɨ k'orea. Moisepa bɨdadepa mãɨnepa Tachi Ak'õre pari pedeapataɨrãpa bɨdaadadepa jaratea basima Jesude ĩjãanamẽrá.

Romano 1:1

Mɨ Pablopɨ, Jesucristo pae pari mimiaparí. Tachi Ak'õrepa mɨ jɨrɨ atasima Jesucristopa peeda bamẽrá mãɨnepa bɨsima chi pedea pia Tachi Ak'õre k'orea jarateade wãmẽrá.

Ep'esio 2:17

Cristo chesima, chi pedea pia Tachi Ak'õre ome ne k'ɨ̃risiawẽa bai k'orea, mãrá jarai k'orea, chi Tachi Ak'õrenepema t'ɨmɨa p'ananamá mãɨnepa chi Tachi Ak'õre k'ait'a p'ananamá.