Luca 9:41 - Tachi Ak'õre Pedea

⁴¹ Mãɨpuru Jesupa p'anoosima: —¡Ẽpẽerã k'achia berã mãɨnepa ĩjãanak'apɨɨrã! ¿Waa sãma mãra ome baima? ¿Waa sãma mãra ome choaima? Chi warra nãmá enemeet'ɨ.

Luca 9:41 ပူးပေါင်းရင်းမြစ်များ

Mateo 11:28

»Ãarea sẽ p'anɨpɨra, mɨmá chet'ɨ. Mɨa mãra ɨ̃apaapiipɨ.

Mateo 12:39

Maamina Jesupa p'anoosima: —Mãra idiapaepemarã ẽpẽerã k'achia berãpa Tachi Ak'õrene ĩjãanai itu bɨmaa p'anɨma. Mãrapa mɨ pajãnepa che bɨ k'awadai k'orea k'ɨ̃ria p'anɨma mɨa ẽpẽerãpa ne p'ue oodak'apɨ́ ooit'a. Maamina mɨa ẽpẽerãpa ne p'ue oodak'apɨ́ ooiwẽma. Mãrapa abapuru Tachi Ak'õre pari pedeaparí Joná mãɨ jĩra ununaipɨ.

Mateo 12:45

Maapae siete jaore mietá ichi k'aepẽra k'achia berã mãɨ ẽpẽramá enemeek'ari chi ẽpẽra sõne p'aneene eda wãpatama. Mãɨpuru chi ẽpẽra ichi naa bada k'aepẽra atepe piawẽa beeparima. Ara mãɨ jĩra mɨne ĩjãawẽa p'anɨ k'orea mãra, chi idiapaepemarã k'achia berã ome, mãɨ atepe k'achiade p'aneenaipɨ».

Mateo 16:4

Mãra idiapaepemarã ẽpẽerã k'achia berãpa Tachi Ak'õrene ĩjãanai itu bɨmaa p'anɨma. Idi p'anɨma mɨa ne ẽpẽrarãpa ne p'ue oodak'apɨ́ oomẽrá. Maamina mɨa mãɨya ooiwẽma. Mãrapa abapuru Tachi Ak'õre pari pedeaparí Joná mãɨya bada jĩra ununaipɨ». Mãɨya jarak'ari, ãchi ameesima.

Mateo 17:17

Jesupa jarasima: —¡Ẽpẽerã k'achia berã mãɨnepa ĩjãanak'apɨɨrã! ¿Waa sãma mãra ome baima? ¿Waa sãma mãra ome choaima? Chi warra nãmá enemeet'ɨ.

Mateo 23:36

Mɨa piarã jararuma: jõma mãɨ ẽpẽrarã peadada k'orea Tachi Ak'õrepa idiapaepema ẽpẽrarã ɨtɨaipɨ.

Mateo 3:7

Mãɨya bɨde chi eda waapẽarã Moisepa bɨda jarateapataɨrã chesidama Juanpa porochoamẽrá. Chi eda waapẽarã p'ariseorã pasima; chi waapẽarã saduceorã pasima. Maamina Juanpa ãchi unurune jarasima: «Mãra taama jĩra berã, ¿K'aipa jarasima mãra Tachi Ak'õrepa tachi ɨtɨai ewaridepema p'ue mĩrunait'a?

Marco 10:14

Jesupa mãɨ k'awaside, k'ĩruuk'ari nãɨya jarasima: —Warrarã mɨmá itu chepit'ɨ, ãchi chi Tachi Ak'õrepa ichidirã ichi juade ua bɨ jĩra p'anɨ pẽra.

Marco 10:49

Mãɨ ũriside Jesú bai nɨbeek'ari, nãɨya jarasima: —Ichi t'ɨ̃t'ɨ. Mãɨne chi tau p'ãrio bɨ t'ɨ̃nak'ari jarasidama: —Sõpia base. P'irabarise. Jesupa pɨ t'ɨ̃ bɨma.

Marco 9:19

Jesupa jarasima: —¡Ẽpẽerã ĩjãanak'apɨɨrã! ¿Waa sãma mãra ome baima? ¿Waa sãma mãra ome choaima? Chi warra nãmá enemeet'ɨ.

Luca 8:25

Maapae ichi ome p'ɨrrɨapataɨrã́ nãɨya jarasima: —Mãrapa mɨne ĩjãa p'anɨt'a ¿K'ãasãasima? Maamina ichi ome p'ɨrrɨapataɨrãpa wap'eapa k'awa k'ɨ̃risiadaé pasima. Ara ãchi tuaba idi para beesima: —¿Nãɨ k'ait'a jãɨya bɨma? Ichi pedea nãupa mãɨnepa pania t'umá ũripatama.

Luca 9:40

Mɨa pɨ ome p'ɨrrɨapataɨrã́ jarasima jaore mietá ãyá jeret'aadamẽrá. Maamina p'uedaé pasima.

Luca 9:42

Chi warra Jesumá wãrune jaore mietapa jeeda baepik'ari minachia wawapisima. Maamina Jesupa jaore mietá ãyá jeret'aasima. Warra jɨpa beepik'ari chi ak'õrea teasima.

Juan 14:9

Mãɨpuru Jesupa jarasima: —P'elipe, mɨ minachia tãaraa mãra ome bɨma. Pɨa mɨ ¿waidi k'awawẽa bɨk'ãra? Chi mɨ unu bɨpa mɨ Ak'õre sida unu bɨma. Pɨa ¿sãmaasã́ “Tachi Ak'õre taiyá unupipade” a bɨma?

Juan 20:27

Mãɨya jarak'ari Tomá jarasima: —Pɨ jua jimini nãma berajuse, mɨ juacha ak'ɨse mãɨnepa pɨ jua mɨ orrode jẽrase. Waa ĩjãawẽa barãse, mãɨpari ĩjãase mɨ piarã chok'ae p'irabarisit'a.

Hecho 13:18

Mãɨya nak'ari ãchi ĩjũa pania newẽa bɨde, Tachi Ak'õrepa chi ãchia piawẽa oodada cuarenta ãyo choa basima.

Hecho 2:40

Pedro minachia pedeasima ãchia ĩjãanamẽrá. Nãɨya jara basima: —¡Chi nãɨ ẽpẽerã idiapaepemarã nemietá oopataɨdepemarã ãyá wãt'ɨ!

Romano 2:4

Pɨa itu bɨ bɨma Tachi Ak'õrepa tachi ome minachia sõpia bɨt'a, ãarea choa bɨt'a mãɨnepa nemietá ooda isapea ɨtɨak'á bɨt'a. ¿Pɨa k'awawẽa bɨk'ãra Tachi Ak'õre sõpia baparima pɨ ome, ichia k'ɨ̃ria bɨẽra pɨa nemietá ooparí itu bɨk'ari ichimá chemẽrá?

Hebreo 3:19

Mãɨnepa tachia k'awa p'anɨma ãchia ĩjãanaanawẽ pẽra Tachi Ak'õrepa ãchi ɨ̃apaapii badamá p'ue padaiwẽt'a.

Hebreo 4:11

Mãɨpuru tachia pia jɨrɨdai p'anɨma Tachi Ak'õrepa ɨ̃apaapii bɨmá padai k'orea. Mãɨyara mi ãpia pida baedaiwẽma chõarãenapemarã ĩjãanawẽa p'anɨnepa baedada jĩra.

Hebreo 4:2

Chi pedea pia Tachi Ak'õrepa ɨ̃apaapii k'orea tachia ũrisidama tachi chõarãenapemarãpa ũrinana jĩra. Tachia sõnepa ĩjãa p'anɨ pẽra Tachi Ak'õrepa ɨ̃apaapii bɨmá padaipɨ. Maamina tachi chõarãenapemarãpa ũrinak'ari ĩjãanaanawẽ pẽra mãɨ pedeapa ãchi p'ue k'aripaé pasima. Ãchi k'orea Tachi Ak'õrepa nãɨya jarasima: «K'ĩruu bɨde mɨa piarãnepa nãɨya jarasima: “Mɨa chi ãchi ɨ̃apaapii bɨmá p'ue eda wãnaiwẽma”». Mãɨya jarasima nãɨ ĩjũa oodaedadepa ichia ooi bada ãarea oo uru bɨmina.

Hebreo 7:25

Mãɨpuru ichidepa Tachi Ak'õremá cheutarã ãarea p'ue k'aripaipɨ ewaricha chok'ae p'ananamẽrá. Piuk'a pẽra ewaricha tachi k'orea Tachi Ak'õrea chichupuria idiparima.