Luca 9:11 - Tachi Ak'õre Pedea

¹¹ Maamina ẽpẽrarãpa ichi mãma bɨ k'awadak'ari ará wãsidama. Mãɨne Jesupa ãchiá pia pedeak'ari jaratea beesima Tachi Ak'õrepa ichidirã ichi juade ua bɨ k'orea. Mãɨ pedea pia jaratea bɨde chi k'ak'ua piawẽa k'ede jɨpa beepik'oasima.

Luca 9:11 ပူးပေါင်းရင်းမြစ်များ

Mateo 12:15

Jesupa mãɨ k'ɨ̃risia k'awak'ari, mãmapema wãsima. Ẽpẽerã minachia ichi k'aade wãsidama. Mãɨne Jesupa chi k'ɨdade beada ãarea jɨpa beepik'oasima.

Mateo 14:14

Jesú p'ãp'orrodepa edá batoorude mãɨ ẽpẽerã minachia nɨbɨ chupuria unuk'asima. Mãɨpuru chi k'ak'ua piawẽa k'ede jɨpa beepik'oasima.

Mateo 21:31

Mãɨ mãramá ¿chi sãɨ warrapa chi ak'õrepa k'ɨ̃ria bada oosima? Ãchia p'anoosidama: —Chi naapemapa. Mãɨne Jesupa ãchiá jarasima: —Ãjã. Maamina piarã mɨa jararuma: Romanepema pae erreara jɨrɨp'epataɨrã mãɨnepa wẽra k'achia berã mãra k'aepẽra Tachi Ak'õre ichidirã ichi juade ua baparidea wãnaipɨ.

Luca 1:53

Chi nenea k'edea nejõma pia teasima, maamina chi minachia uru beadá jua k'ak'uá ãyá wãpik'oasima.

Luca 5:31

Jesupa ãchiá jarasima: —Chi k'ak'ua pia bepa nẽará teaparí jɨrɨdak'ama. Mãɨpari chi k'ak'ua piawẽa bepa ichi jɨrɨpatama.

Luca 8:1

Mãɨya bak'ari Jesú p'uuru waibɨa becha mãɨnepa p'uuru chak'e becha wãsima. Mãɨne jarapachima Tachi Ak'õrepa ichidirã ichi juade ua bɨ k'orea. Mãɨ pedea pia jaratea niparude ichia doce peedaɨrã ichi ome p'ɨrrɨapachidama.

Luca 8:10

Jesupa p'anoosima: «Chi Tachi Ak'õrepa ichidirã ichi juade ua bɨ k'orea ãareaɨrã́ k'awapiwẽa bɨmina mãrá k'awapi bɨma. Maamina waapẽarã́ mɨa nepɨrɨ bɨdepa pedea bɨma “ãchia minachia ak'ɨ p'anɨmina mãɨ ununaemaapa, mãɨnepa minachia ũri p'anɨmina mãɨ k'awadaemaapa”.

Luca 9:10

Jesupa peedaɨrã jĩitea chesidaɨde ãchia oodada ichiá ãarea nepɨrɨsidama. Mãɨya bak'ari Jesupa ãchi Betsaida p'uurudea ateewãsima, ãchi ará p'aneenai k'orea.

Luca 9:12

K'iumaa beek'ari Jesupa doce peedaɨrã ichimá wãnak'ari jarasidama: —Ẽpẽrarã́ wãpade ase p'uuru bedea mãɨnepa te bedea, mãma k'ãinamẽrá mãɨnepa chik'o atadamẽrá. Nãma newẽma.

Luca 9:2

Mãɨne ãchi peesima Tachi Ak'õrepa ichidirã ichi juade ua bai k'orea jarade wãnamẽrá mãɨnepa k'ak'ua piawẽa be jɨpa beepidamẽrá.

Juan 4:34

Mãɨpuru Jesupa ãchiá jarasima: —Mɨmá, chi mɨ Peedapa oopi bɨ ãarea oo bɨt'a, mãɨt'u mɨ chik'o jĩra bɨma.

Juan 6:37

Chi mɨ Ak'õrepa mɨá tea bɨ ẽpẽerã mɨmá chedaipɨ; mãɨrã ãyá jeret'aiwẽma.

Hecho 28:31

Ichia wap'eawẽa pedeapachima Tachi Chipari Jesucristodepa Tachi Ak'õrepa ichidirã ichi juade ua bɨ k'orea. Mãɨne abaɨ pida ichiá ne mãɨya oorãpade a jarak'a pasima.

Romano 10:14

Maamina ẽpẽrarãpa wapida Tachi Chipari Jesucristode ĩjãanawẽa p'anɨne ¿sãmaasã́ ichiá k'ĩra chupuria ididaima? Ichi k'orea wapida ũrinawẽa p'anɨne ¿sãmaasã́ ĩjãanaima? Mãɨnepa abaɨ pida ãchiá jarateade wãwẽpɨra ¿sãmaasã́ ichi k'orea ũrinaima?

Romano 10:17

Piarã ẽpẽrarãpa Cristo k'orea naa ũrinai p'anɨma, ichide p'ue ĩjãanai k'orea.

Romano 15:3

Piarã Cristo pida ara ichia k'ɨ̃ria bɨt'a ooé pasima, mãɨpari Tachi Ak'õre pedeade bɨ bɨ jĩra mãɨyasima. Nãɨya bɨ bɨma: «Tachi Ak'õre, ãchia pɨ k'orea k'achia pedeasidaɨde mɨ k'orea pida k'achia pedeasidama».

2 Timoteo 4:2

Tachi Ak'õre Pedea jaratea base. Ẽpẽrarãpa ũri k'ɨ̃ria p'anɨne mãɨnepa ũri k'ɨ̃riawẽa p'anɨne jarateai k'orea base. Piawẽa oo be jĩp'a oo k'awapise. Nemietá oo be ɨtɨase. Mãɨnepa ũpẽarã k'aripase pia ĩjãanamẽrá. Jõma choa bɨdepa, jĩrak'aua jaratea bɨdepa mãɨya oose.

Hebreo 4:16

Mãɨpuru tachia p'uedawẽa p'anɨne, Tachi Ak'õre poro jũra jɨ̃parí jɨ̃ bɨ suak'a beeparimá wãuta jĩra, ne wap'eadawẽa ichiá ɨt'aa chiididai p'anɨma. Mãɨya ichia tachi k'ĩra chupuriaipɨ mãɨnepa ichia k'aripamẽrá ɨt'aa chiidiutade ichi sõpiadepa k'aripaipɨ.