Luca 8:44 - Tachi Ak'õre Pedea

⁴⁴ Wẽrapa ãpɨtepa ara k'ait'a wãk'ari Jesú neet'á ɨ̃rɨpema chi i t'õmarisima. Ara mãɨne chi oa p'oasima.

Luca 8:44 ပူးပေါင်းရင်းမြစ်များ

Mateo 20:34

Jesupa ãchi chupuri ununa pẽra ãchi tau t'õmarisima. Ara mãɨne unu p'aneesidama, mãɨnepa Jesú ome wãsidama.

Mateo 8:3

Mãɨne Jesupa jua ɨ̃rɨ bɨrude jarasima: —Mɨa mãɨya oo k'ɨ̃ria bɨma. ¡Jɨpa beese! Ara mãɨne mãɨ ẽpẽra aida pará bada wẽpasima.

Mateo 9:20

Mãɨ wãrune wẽra aba ãyo k'ak'o doce oamia jita bɨpa Jesú ãpɨtepa ara k'ait'a wãk'ari, ichi neet'á ɨ̃rɨpema chi i t'õmarisima.

Marco 6:56

Ichi wãrucha ẽpẽerãpa k'ak'ua piawẽa k'ede tajatá ẽpẽerã minachia nɨbɨparimá ateewãpachidama. P'uuru chak'ede, p'uuru bede mãɨnepa te idá k'edemá mãɨya oopachidama. Ãchia ichiá chupuria idisidama abapuru ichi neet'á i t'õmaripipade asidama. Jesupa itu t'õmaripida pẽra ãarea jɨpa beek'oasidama.

Luca 13:13

Mãɨya jarak'ari Jesupa ichi jua ɨ̃rɨ bɨsima. Ara mãɨne chi wẽra jĩp'a bai nɨbeek'ari Tachi Ak'õrea pia jarasima.

Luca 7:38

Jesuk'á k'obeek'ari jẽa bɨpa ichi taubapa Jesú jĩru sɨɨsima. Maapae ichi pudapa p'oapik'ari Jesú jĩru sõk'ari ichia k'era enemeedapa p'ɨrɨsima.

Luca 8:43

Ãchi t'ãena wẽra doce ãyo bɨ, oamia jita bɨt'a nipasima. Mãɨ wẽrapa nearã́ teapataɨrã́ ichi erreara ãarea teasima, maamina abaɨ pida p'ue jɨpa beepidaé pasima.

Luca 8:45

Mãɨne Jesupa idisima: —¿K'aipa mɨ t'õmarisima? Jõmãɨrãpa ãchiwẽane asidama. Mãɨ k'orea Pedropa jarasima: —Jarateaparí, ẽpẽrarãpa pɨ p'isua uru p'anɨma. ¿Sãmaasã́ idi bɨma k'aipa pɨ t'õmarisit'a?

Juan 5:13

Maamina mãɨ atua basima. Jesú ẽpẽerã chok'ará nɨbɨ t'ãena bada eda wãna pẽra ichia p'ue jaraé pasima.

Hecho 19:12

Chi neet'á Pablo k'ak'ua t'õmarina pada, chi mãɨ k'ɨdade berãmá ateewãpachidama. Mãɨpa ãchi jɨpa beepipachidama mãɨnepa jaore mietaarã sida ẽpẽerã k'ak'uadepema ãyá jeret'aapachidama.

Hecho 5:15

Jesupa peedaɨrãpa ẽpẽerãpa ne p'ue oodak'apɨ́ minachia oo p'anɨ pẽra ẽpẽerãpa chi k'ɨdade be ne uapataɨde o ik'idá bɨpachidama, mãɨ Pedro p'asa wãrune chi ichi jaorepa ãchi ãpia pida t'õmarimẽrá.