Luca 8:33 - Tachi Ak'õre Pedea

³³ Ara mãɨne jaore mietaarã ẽpẽra k'ak'uadepema wãnak'ari sina k'ak'uade eda wãk'oasidama. Maapae sina p'ira errodak'ari p'ẽyanepa toedá t'ĩuwãk'oadak'ari ãarea todepa piusidama.

Luca 8:33 ပူးပေါင်းရင်းမြစ်များ

Mateo 8:32

Mãɨne Jesupa jarasima: —Wãt'ɨ. Ara mãɨne jaore mietaarã mãɨ ẽpẽrarã k'ak'uadepema wãnak'ari sina k'ak'uade eda wãsidama. Mãɨpa sina p'ira errodak'ari p'ẽyanepa toedá t'ĩuk'oa wãsidama. Mãɨya ãarea todepa piusidama.

Luca 5:1

Ewariaba Jesú senia choma Genesare apataɨ ik'idá basima. Mãɨne Tachi Ak'õre pedea ũrinai k'orea ẽpẽrarã chok'ará ichimá cheepɨrɨsidama.

Luca 8:32

Mãɨya p'anɨne ãchi k'ait'a eyade sina chok'ará nek'o tuanasidama. Mãɨpuru jaore mietaarãpa Jesua chichupuria idisidama mãɨ sina k'ak'uade eda wãpimẽrá. Mãɨne Jesupa itu wãpisima.

Luca 8:34

Mãɨ unusidaɨde chi sinarã ak'ɨ p'anana p'eradak'ari p'ira wãsidama. Ãchia ununana nepɨrɨsidama p'uurudepemarã́ mãɨnepa p'uuru awaraɨdepemarã́.

Juan 8:44

Mãra ak'õre tiorepɨ. Mãɨpuru ichia k'ɨ̃ria bɨt'a mãrapa oo k'ɨ̃ria p'anɨma. Ichi jua chiwidiedadepema mĩa peaparima. Piarãnepa bak'ama chi piarãt'a ichide newẽ pẽra. Sea jararude ichidiidepema jaraparima, seajarapari pẽra mãɨnepa sea ak'õre pẽra.

1 Pedro 5:8

Jĩrak'aua p'anat'ɨ mãɨnepa ẽrea p'anat'ɨ. Tiore mãra ome chi nek'ĩramá imama jĩra ɨrrɨa p'ɨrrɨa bɨma, k'aiyá Tachi Ak'õre p'ue itu bɨpii k'awayá.

Apocalipsi 9:11

Mãɨ sisi poro jũra jɨ̃parí jɨ̃ bɨpa chi uria minachia bɨ ak'ɨparima. Ichi t'ɨ̃ hebreo pedeade Abadón apatama. Griego pedeade Apolión apatama.