Luca 8:24 - Tachi Ak'õre Pedea

²⁴ Mãɨpuru Jesú ɨ̃rɨmanak'ari nãɨya jarasidama: —Jarateaparí, Jarateaparí, ¡Tachi k'uawãmaa p'anɨma! Jesú p'irabarik'ari nãua mãɨnepa to t'awá jarasima k'ĩup'eamẽrá. Ara mãɨne ãarea ap'i t'umá ũu beesima.

Luca 8:24 ပူးပေါင်းရင်းမြစ်များ

Mateo 14:30

Minachia p'õat'ɨ nɨbɨ unuk'ari wap'easima. Maapae edá t'aapodosima. Mãɨne biasima: —¡Mɨ Chipari, k'aripase!

Mateo 8:25

Mãɨpuru ichi ome p'ɨrrɨapataɨrãpa ɨ̃rɨmanak'ari nãɨya jarasidama: —¡Tai Chipari, k'aripase! ¡Tachi k'uawãmaa p'anɨma!

Marco 4:39

Maapae Jesú p'irabarik'ari, chi nãua ɨtɨak'ari, senia chomá minachia nãɨya ɨtɨasima: —¡K'ĩup'ea base! ¡Ap'i base! Ara mãɨne nãu k'ĩup'ea beesima mãɨnepa ãarea ap'i ũu beesima.

Luca 4:35

Jesupa chi jaore mietá nãɨya ɨtɨasima: —K'ĩup'ease. Jãɨ k'ak'uadepema ãyá wãse. Ara mãɨne chi jaore mietapa chi ẽpẽra jeeda baepik'ari ãyá wãsima, mãɨ p'ua oowẽa.

Luca 4:39

Jesupa edá ak'ɨk'ari chi k'ɨamiá ɨtɨa pedeasima. Ara mãɨne k'ɨamia tuusima. Maapae chi k'ɨdade bada p'irabarik'ari ãchiá nek'opisima.

Luca 5:5

Maamina Simonpa p'anoosima: —Jarateaparí, tai teamasi to bat'a p'anɨ ewarisidama. Maamina mi ãpia pida peadaé pasima. Maamina pɨa mãɨya jara bɨẽra ooipɨ.

Luca 8:25

Maapae ichi ome p'ɨrrɨapataɨrã́ nãɨya jarasima: —Mãrapa mɨne ĩjãa p'anɨt'a ¿K'ãasãasima? Maamina ichi ome p'ɨrrɨapataɨrãpa wap'eapa k'awa k'ɨ̃risiadaé pasima. Ara ãchi tuaba idi para beesima: —¿Nãɨ k'ait'a jãɨya bɨma? Ichi pedea nãupa mãɨnepa pania t'umá ũripatama.