Luca 8:18 - Tachi Ak'õre Pedea

¹⁸ Mãɨpuru minachia jĩrak'aua ũri p'anat'ɨ. Abaɨ pida Tachi Ak'õre k'orea piarã k'awaipɨra, Tachi Ak'õrepa atepe k'awapiipɨ. Maamina chi atua bɨpa Tachi Ak'õre k'orea k'awa bɨ k'ɨ̃risiaipɨra ichia k'ɨ̃risia bɨ sida Tachi Ak'õrepa mãɨ ãarea ẽemariipɨ».

Luca 8:18 ပူးပေါင်းရင်းမြစ်များ

Mateo 13:12

Abaɨpa Tachi Ak'õre k'orea piarã k'awaipɨra, Tachi Ak'õrepa mãɨ atepe k'awapiipɨ. Maamina chi atua bɨpa ne k'awa bɨ k'ɨ̃risiaipɨra, ichia k'ɨ̃risia bɨ sida Tachi Ak'õrepa mãɨ ẽemariipɨ.

Mateo 25:29

Abaɨpa Tachi Ak'õre k'orea piarã k'awaipɨra, Tachi Ak'õrepa mãɨ atepe k'awapiipɨ. Maamina chi atua bɨpa ne k'awa bɨ k'ɨ̃risiaipɨra, ichia k'ɨ̃risia bɨ sida Tachi Ak'õrepa mãɨ ẽemariipɨ.

Marco 13:14

»Chi nemietá Tachi Ak'õrepa k'ɨ̃riak'aɨ ichi baiwẽa bɨmá mãrapa mãɨ unuutade Judea tuade berã eyadea mĩruwãnai p'anɨma. (Chi k'art'a eda jara bɨpa k'ãre jara bɨt'a k'awai bɨma).

Luca 19:26

Chi minachia k'awa bɨpa jarasima: “Mɨa jararuma: Abaɨpa Tachi Ak'õre k'orea piarã k'awaipɨra, Tachi Ak'õrepa mãɨ atepe k'awapiipɨ. Maamina chi atua bɨpa ne k'awa bɨ k'ɨ̃risiaipɨra, ichia k'ɨ̃risia bɨ sida Tachi Ak'õrepa mãɨ ẽemariipɨ”.

Luca 9:44

—Mɨa mãrá jararut'a minachia pia ũrit'ɨ. Mɨ, chi Ẽpẽra Warra abaɨpa jitapik'ari, ẽpẽerã́ teaipɨ.

Juan 15:2

Mɨ pak'uru jua chaudak'aɨ ichia mãɨ t'ɨat'uparima, maamina chi chaupataɨ pak'uru jua mãɨ t'ɨat'uparima atepe chaudamẽrá.

Hecho 10:33

Ara mãɨne mɨa pɨ jɨrɨpisima. Pɨ sõpia bɨ pẽra, nãmá chesima. Ya naapae, tai ãarea nãma Tachi Ak'õre k'ĩrari p'anɨma Tachi Chiparipa pɨá jarapi bɨt'a ũrinai k'orea.

Hecho 17:11

Berea p'uurudepema judiorã Tesalónica p'uurudepemarã jĩra p'ananaé pasima. Mãɨpari Jesú k'orea ũri k'ɨ̃ria p'anasidama. Ewaricha Tachi Ak'õre pedea minachia jĩrak'aua ak'ɨpachidama ãchia jara p'anɨt'a piarã k'awadai k'orea.

Romano 12:3

Tachi Ak'õrepa ichi sõpiadepa mɨ bɨsima ichi pae ne oo bamẽrá. Mãɨpuru mɨa mãrá nãɨ jararuma: mi ãpia pida k'ɨ̃risiaiwẽa bɨma ara ichi chi atepe bɨt'a. Mãrapa Cristode ĩjãanana pẽra Tachi Ak'õrepa machicha ne awara awará teasima ne oodamẽrá. Mãɨpuru ichia teada jĩra machia oo p'anɨ k'orea pia k'ɨ̃risiat'ɨ.

1 Corintio 14:37

Abaɨpa Tachi Ak'õre pari pedeaparí k'ɨ̃risia bɨpɨra, wa Tachi Ak'õre Jaoredepa ne oo bɨ k'ɨ̃risia bɨpɨra, mãɨ ẽpẽrapa k'awai bɨma mɨa nãɨ k'art'ade bɨrude Tachi Chiparipa oopi bɨt'a.

1 Corintio 3:18

Ara machi tuaba searãt'ɨ. Abaɨpa chi nãɨ ĩjũanepema k'ɨ̃risia jĩra ne k'awa bɨ k'ɨ̃risia bɨpɨra, waa mãɨya k'ɨ̃risiaiwẽa bɨma. Mãɨpari chi piarã k'ɨ̃risiat'a uru bai k'orea nãɨ ĩjũanepemarã k'ĩrari ne atua bɨ jĩra bai bɨma.

1 Corintio 8:2

Abaɨpa minachia k'awa bɨ k'ɨ̃risia bɨpɨra, waidi pia atua bɨma ichia k'awai bɨ jĩra.

P'ilipense 3:4

Mɨa nãɨ k'ak'ua k'orea mãɨya k'ɨ̃risia bai bɨmina mãɨya k'ɨ̃risiak'ama. Piarã abaɨpa ichi k'ak'ua k'orea Tachi Ak'õrepa jĩp'a unui k'ɨ̃risia bɨpɨra, ichi k'aepẽra mɨa atepe mãɨya p'ue k'ɨ̃risia bai bɨma.

Hebreo 2:1

Mãɨpuru jĩrak'aua p'anat'ɨ tachia chi piarãpẽa pedea ũrinaanat'a minachia ũrinai p'anɨma mãɨnepema ãyá wãnaemaapa.