Luca 8:15 - Tachi Ak'õre Pedea

¹⁵ Maamina net'a tau ĩjũa piade baedapa nãɨ jara bɨma: sõ jĩp'a berãpa mãɨnepa k'ɨ̃risia pia berãpa Tachi Ak'õre pedea ũrinak'ari piarã ĩjãapatama. Ãchia ĩjãa p'anɨ itu bɨdak'a pẽra nepia oopatama.

Luca 8:15 ပူးပေါင်းရင်းမြစ်များ

Mateo 24:13

Maamina chi k'aadepema ewari parudea mɨne wapida ĩjãa p'anɨ itu bɨdaepɨra, Tachi Ak'õrepa mãɨ k'aripaipɨ ichi ome chok'ae p'ananamẽrá.

Luca 11:28

Maamina Jesupa jarasima: —Mãɨ k'aepẽra chi Tachi Ak'õre pedea ũrinak'ari oopataɨrã pia p'anɨma.

Luca 6:45

Ara mãɨ jĩra ẽpẽra pia bɨpa ichi sõne nepia uru bɨdepa nepia pedeaparima. Maamina ẽpẽra k'achiapa ichi sõne ne k'achia uru bɨdepa ne k'achia pedeaparima. Ẽpẽrapa ichi sõne k'ɨ̃risia bɨ jĩra pedeaparima.

Luca 8:14

Net'a tau ĩjũa ɨɨrɨ idá bɨde baedapa nãɨ jara bɨma: chi eda waapẽarã ẽpẽrarãpa Tachi Ak'õre pedea ũrinak'ari nãɨ ĩjũane sãmaasã́ pia beadai k'orea minachia k'ɨ̃risiapatama, ne ãarea uru p'anapatama, mãɨnepa arapá p'ananai k'ɨ̃risiapatama. Mãɨpuru ãchia ũrinana itu bɨdak'ari waridak'ama.

Luca 8:16

»Abaɨpa laap'ara uruapidak'ari mẽra bɨdak'ama wa k'uuru ek'ari bɨdak'ama. Mãɨpari chi ĩpira ɨt'ɨ bɨpataɨde bɨpatama chi tede eda cheutarãpa ɨnaa ununamẽrá.

Juan 14:15

»Mãrapa mɨ piarã k'ɨ̃ria p'anɨpɨra, mɨ pedea oo p'ananaipɨ.

Juan 15:10

Mɨa oopi bɨ pedea oodaipɨra, piarã mɨa k'ɨ̃rianepa p'ananaipɨ. Ara mãɨ jĩra mɨ Ak'õrepa jara bɨeda oo bɨ pẽra ichia k'ɨ̃rianepa baparima.

Romano 2:7

Chi eda waapẽarãpa pia oo p'anɨma Tachi Ak'õrepa ãchi pia unumẽrá, pia jaramẽrá mãɨnepa ewaricha ãchi ome chok'ae bamẽrá. Mãɨrã piarã chok'ae p'anapiipɨ.

Romano 6:22

Naapae mãra nemietá oodaadadepema pari ãjã́ p'aneenana pẽra Tachi Ak'õre pae pari mimiapataɨrã p'aneesidama. Mãɨya Tachi Ak'õre pae pia p'aneesidama. Mãɨpuru ichi ome ewaricha chok'ae p'ananaipɨ.

Romano 7:18

Mɨa k'awa bɨma mɨ sõne nepia newẽma. Pia jaraipɨra, mɨ nãɨ k'ak'uade bɨ pẽra ara mɨchia k'ɨ̃ria bɨdepa nepia p'ue ook'ama. Mɨa pia oo k'ɨ̃ria bɨmina p'ue ook'ama.

Romano 7:4

Ũpẽarã, ara mãɨ jĩra mãra Cristo ome p'anɨ pẽra, ichi piuk'ari Moisepa bɨdadepema pari ãjã́ p'aneesidama. Naapae mãra Cristoderã pẽra Tachi Ak'õre pae p'ue nepia oodaipɨ.

Romano 8:25

Maamina chi tachia nɨ p'anɨt'a waidi nea p'anɨ pẽra jõma choa p'anɨnepa k'awa p'anɨma piarã atadaipɨ.

1 Corintio 7:19

K'ak'ua tauchaa bai atepe pia bɨwẽma. K'ak'ua tauchaawẽa bai sida atepe pia bɨwẽma. Tachi Ak'õrepa oopi bɨ pedea oo bai pia bɨma.

Ep'esio 2:8

Jesude ĩjãanana pẽra Tachi Ak'õrepa ichi sõpiadepa mãra k'aripasima. Ara machidepa k'aripadaé pasima, maawẽapuru Tachi Ak'õrepuru pari k'aripasima.

P'ilipense 1:11

Mɨa ɨt'aa chiidi bɨma mãra Jesucristodepa ne ãareaɨne jĩp'a p'ananamẽrá. Mãɨya ẽpẽrarãpa Tachi Ak'õre chi atepe bɨade adaipɨ mãɨnepa ichiá pia pedeadaipɨ.

Colosense 1:10

Mãɨya mãra p'ue jĩp'a nipadaipɨ Tachi Chiparipa k'ɨ̃ria bɨ jĩra mãɨnepa ne ãareaɨne ichia mãra pia unuipɨ. Piarã mãrapa nejõma pia oo p'anɨnepa nejõ pia chau bɨ jĩra tuananaipɨ mãɨnepa Tachi Ak'õre pia k'awapododaipɨ.

Colosense 1:6

ũrisidaɨde mãramá Tachi Ak'õrepa ichi sõpiadepa mãra piarã k'aripait'a ãarea k'awasidama. Ara mãɨya mãɨ ewaridepa jõma tuacha ẽpẽerãpa minachia ĩjãamaa p'anɨma, nejõ bɨɨrɨ minachia chaupari jĩra.

Hebreo 10:36

Mãrapa ãarea choadai p'anɨma. Mãɨya chi Tachi Ak'õrepa k'ɨ̃ria bɨt'a oodak'ari ichia teai jarada ãarea jitadaipɨ.

Hebreo 2:1

Mãɨpuru jĩrak'aua p'anat'ɨ tachia chi piarãpẽa pedea ũrinaanat'a minachia ũrinai p'anɨma mãɨnepema ãyá wãnaemaapa.

Santiago 1:4

Mãɨ piarã choa p'ananaipɨra, ne ãareaɨne pia, jĩp'a p'ananaipɨ. Mi ãpia pida ne newẽa p'ananaiwẽma.

1 Juan 2:3

Tachi Ak'õrepa oopi bɨ pedeat'a tachia oo p'anɨpɨra, unupidai p'anɨma ichi piarã k'awa p'anɨt'a.