Luca 8:13 - Tachi Ak'õre Pedea

¹³ Net'a tau mawara ɨ̃rɨ ĩjũa namia bɨde baedapa nãɨ jara bɨma: waapẽarã ẽpẽrarãpa Tachi Ak'õre pedea arapá ũripatama maamina k'arra minachia jitadak'a pẽra sõnepa ĩjãanak'ama. Mãɨpuru tãaraawẽa bɨde minachia mĩautade itu bɨpatama.

Luca 8:13 ပူးပေါင်းရင်းမြစ်များ

Marco 6:20

Herodepa Juan wap'ea basima Juan ẽpẽra jĩp'a bɨt'a mãɨnepa Tachi Ak'õre pae bɨt'a k'awasi pẽra. Mãɨpuru Juan ak'ɨ bapachima, mãɨnepa ichia jarateada ũri k'ɨ̃ria bapachimina k'awa k'ɨ̃risiawẽa beepachima.

Luca 8:12

Mãɨ chi net'a tau ode baedat'a nãɨ jara bɨma: waapẽarã ẽpẽrarãpa Tachi Ak'õre pedea ũrinak'ari tiorepa mãɨ pedea ãchi sõne cheda k'ɨ̃risia atuapiparima ĩjãapidaemaapa. Mãɨya ãchi nemietaadepema k'aripaiwẽma.

Luca 8:14

Net'a tau ĩjũa ɨɨrɨ idá bɨde baedapa nãɨ jara bɨma: chi eda waapẽarã ẽpẽrarãpa Tachi Ak'õre pedea ũrinak'ari nãɨ ĩjũane sãmaasã́ pia beadai k'orea minachia k'ɨ̃risiapatama, ne ãarea uru p'anapatama, mãɨnepa arapá p'ananai k'ɨ̃risiapatama. Mãɨpuru ãchia ũrinana itu bɨdak'ari waridak'ama.

Juan 15:2

Mɨ pak'uru jua chaudak'aɨ ichia mãɨ t'ɨat'uparima, maamina chi chaupataɨ pak'uru jua mãɨ t'ɨat'uparima atepe chaudamẽrá.

Juan 15:6

Chi mɨ ome ará bɨwẽt'a, mãɨ mɨ Ak'õrepa awara bɨipɨ pak'uru jua chauk'apɨ́ jĩra. Mãɨ pak'uru jua p'urpak'ari tachia ará jɨrɨp'edak'ari t'ɨpɨde paapatama.

Juan 5:35

Juan ĩpira urua bɨ jĩra basima. Ichi mãra ome tãaraa badawẽmina, mãra ichi ɨnaane arapá p'anasidama.

1 Corintio 13:2

Mɨ Tachi Ak'õre pari pedeaipɨra, Tachi Ak'õrepa k'ɨ̃risia k'awapiwẽa bada jõma k'awa bɨpɨra, Tachi Ak'õre k'ɨ̃risia jõma k'awa bɨpɨra, mãɨnepa sõnepa piarã ĩjãa bɨdepa eya p'ue ãyá bɨipɨra, mãɨnepa waapẽarã k'ɨ̃riawẽa bɨpɨra, mãɨyara mɨ piawẽa bɨma.

1 Corintio 15:2

Mɨa jarateada piarã ĩjãa p'ananaipɨra, Tachi Ak'õrepa k'aripaipɨ. Mãɨyawẽpɨra, machia pari ĩjãasidama.

Gálata 3:1

Ũpẽarã Galacia tuadepemarã, ¡mãra k'ɨ̃risia newẽa p'anɨrãpɨ! ¿K'aipa mãra seasima chi piarã pedea itu bɨdamẽrá? Taipa mãrá jõma chi Jesucristo k'urusude piu bada k'orea pia jarateapachidama.

Gálata 3:4

¿Mãra Cristo k'orea pari mĩasidak'ãra? ¡Mɨmá mãra pari minachia mĩanaé pasima!

Ep'esio 3:17

Mãɨnepa ɨt'aa chiidi bɨma ĩjãa p'anɨ pẽra Cristo mãra sõne bamẽrá. Ɨt'aa chiidi bɨma mãra ne ãareaɨne k'ɨ̃rianepa p'ananamẽrá. Mãɨya chaarea p'ananaipɨ minachia k'arra jãa p'anɨ jĩra.

Colosense 1:23

Mãɨpuru Cristo minachia ĩjãa p'anɨnepa ɨbɨa choa p'ananai p'anɨma. Chi pedea pia Cristo k'orea mãrapa ũrinana itu bɨdaiwẽa p'anɨma, mãɨpari Tachi Ak'õrepa ne teai jarada nɨ p'ananai p'anɨma. Mãɨ pedea pia jõma nãɨ ĩjũane jaratea p'anɨma. Ara mãɨ pedea mɨa pida jaratea bɨma.

Colosense 2:7

Ichidepa chaarea p'anat'ɨ k'arra minachia jita p'anɨ jĩra mãɨnepa te pia ooda jĩra. Ichide minachia ĩjãa p'anat'ɨ ũpẽarãpa jarateadada jĩra, mãɨnepa ewaricha Tachi Ak'õrea machi sõpia p'anɨane at'ɨ.

1 Tesalonicense 3:5

Mãɨ k'orea mɨa waa p'ue choawẽ pẽra Timoteo mãramá peesima wapida Cristode ĩjãa p'anɨ k'awai k'orea. Mɨa k'ɨ̃risia basima tiorepa mãrá Cristo itu bɨpisit'a. Mãɨyanapara taipa mãrá Cristo k'orea jarateadada pari beei pasima.

Hebreo 10:39

Chi eda waapẽarãpa Tachi Ak'õrene ĩjãa p'anɨ itu bɨdak'ari ãchi atuadaipɨ. Maamina tachi mãɨ ẽpẽerã jĩra p'anɨwẽma, mãɨpari Tachi Ak'õrene ĩjãa p'anɨnepa ewaricha chok'ae p'ananaipɨ.

Santiago 2:26

Ẽpẽra piuda jaore nea beeparima. Ara mãɨ jĩra Tachi Ak'õrene ĩjãa bɨade a bɨpa pia oowẽpɨra, piarã ĩjãawẽa bɨma. Ichia ĩjãa bɨade a bɨ ẽpẽra piuda jĩra bɨma.

2 Pedro 2:20

Jesucristo Tachi Chipari mãɨnepa Tachi K'aripaparí k'awa p'anɨ pẽra nãɨ ĩjũane bɨ nemietaadepema k'aripasidama. Maamina jɨ̃k'arade memenea p'aneeuta jĩra waa mãicha nemietá oodaipɨra, naena p'anana k'aepẽra atepe piawẽa p'aneenaipɨ.

2 Pedro 2:22

Ẽpẽrarãpa nãɨya jarapataɨ jĩra p'anɨma: «Usa jat'umaak'ari, mãicha cheparima chi jat'umaana k'oi k'orea». Mãɨnepa nãɨya jarapatama: «Sina k'uik'ari mãicha yooroba susuade pɨrabari beeparima».

1 Juan 2:19

Ãchi tachi ome p'anana wãsidama, maamina piarã tachidepemawẽ pasima. Piarã tachidepema padapara, tachi ome wapida ará p'ananai pasima. Maamina mãɨyasima pia k'awadamẽrá jõmãɨrã tachidepemawẽt'a.

Juda 1:12

Mãra ara machi ũpẽarã paara k'ɨ̃ria p'anɨnepa sõ arapá nek'o p'anɨne, ãchia mãra paara wap'eadawẽa k'opatama. Ãchi jɨ̃ara nãupa ateewãru jĩra p'anɨma. Ara ãchi paepuru k'ɨ̃risiapatama. Nãupa jɨ̃ara ãyá ateewãrune k'oe chek'ama. Ara nãɨya chi ãchia jaratea p'anɨnepa mãra k'aripak'ama. Mãɨ chi pak'uru bari k'ak'o ume piuda jĩra p'anɨma, mãɨ nejõ chi jarade chauk'a pẽra, mãɨnepa chi k'arra ẽut'aadada pẽra.