Luca 8:10 - Tachi Ak'õre Pedea

¹⁰ Jesupa p'anoosima: «Chi Tachi Ak'õrepa ichidirã ichi juade ua bɨ k'orea ãareaɨrã́ k'awapiwẽa bɨmina mãrá k'awapi bɨma. Maamina waapẽarã́ mɨa nepɨrɨ bɨdepa pedea bɨma “ãchia minachia ak'ɨ p'anɨmina mãɨ ununaemaapa, mãɨnepa minachia ũri p'anɨmina mãɨ k'awadaemaapa”.

Luca 8:10 ပူးပေါင်းရင်းမြစ်များ

Mateo 11:25

Mãɨ ewaride Jesupa jarasima: «Ak'õre, pɨ pajãnepema Chiparipɨ mãɨnepa nãɨ ĩjũanepema Chiparipɨ. Pɨa ne atua berã́ mɨa jarateada k'awapida pẽra mɨa pɨá pia pedeaipɨ. Mãɨt'u chi minachia k'awa berã́ pɨa k'awapié pasima.

Mateo 16:17

Jesupa jarasima: —Pɨ sõpia bɨma, Simón, Joná warra. Ẽpẽra abaɨ pida pɨá mãɨ k'awapié pasima, mãɨpari mɨ Ak'õre pajãne bɨpa mãɨ k'awapisima.

Marco 4:11

Jesupa p'anoosima: «Chi Tachi Ak'õrepa ichidirã ichi juade ua bɨ k'orea ãareaɨrã́ k'awapiwẽa bɨmina mãrá k'awapi bɨma. Maamina waapẽarã́ mɨa nepɨrɨ bɨdepa pedea bɨma,

Marco 4:12

“ãchia minachia ak'ɨ p'anɨmina mãɨ ununaemaapa, mãɨnepa minachia ũri p'anɨmina mãɨ k'awadaemaapa. Mãɨya p'ananaiwẽ pasira, Tachi Ak'õremá chedak'ari ãchia nemietá oopataɨ mãɨ ichia k'ɨ̃risia atuai pasima”».

Juan 12:40

«Mɨa ãchi tau p'ãrio be jĩra bɨsima mãɨnepa sõ chaarea bɨsima ãchi taupa unu p'anɨmina k'awapidaemaapa mãɨnepa ũri p'anɨmina sõnepa k'awapidaemaapa. Mãɨya p'anɨ pẽra mɨmá chedak'ama mɨa jɨpa beepimẽrá».

Romano 16:25

Mɨa pedea pia Jesú k'orea jaratea baparima. Ara mãɨ pedeadepa Tachi Ak'õrepa mãra p'ue k'aripaipɨ chaarea p'ananamẽrá. Mãɨ pedea Tachi Ak'õrepa naena k'awapiwẽa basima maamina idiapae k'awapisima. Chi ichi pari pedeapataɨrãpa mãɨ k'art'ade bɨsidama. Tachi Ak'õre piuk'apa mãɨya bɨpisima tuachapemarãpa ũrinak'ari Jesucristode ĩjãanamẽrá. Tachi Ak'õrea pia pedeadai p'anɨma.

1 Corintio 12:11

Ara Tachi Ak'õre Jaore aba bɨpa jõma mãɨ oopi bɨma. Ichia tachicha oopi bɨma ichia k'ɨ̃ria bɨ jĩra.

Colosense 2:2

Mɨa k'ɨ̃ria bɨma jõmãɨrã sõpiapiit'a, k'ɨ̃ria p'anɨnepa ará pia p'ananai, mãɨnepa piarã k'ɨ̃risia k'awa uru p'anɨnepa pia p'ananai. Mãɨya Tachi Ak'õrepa naena k'awapiwẽa bada k'awadaipɨ. Mãɨ Cristopɨ.

1 Timoteo 3:16

Piarã Tachi Ak'õrepa mãɨ pedea k'awapida minachia pia bɨma: Cristo nãɨ k'ak'uade chesima. Tachi Ak'õre Jaorepa k'awapisima ichi jĩp'a bɨt'a. Tachi Ak'õrepa ɨt'aripa peedaɨrãpa ichi unusidama. Ũpẽarãpa ichi k'orea tua awaraɨdepemarãmá jarateasidama. Chok'araɨrãpa nãɨ ĩjũane ichide ĩjãasidama. Tachi Ak'õrepa ichi pajã k'ĩrawãrea bɨde mãicha ateewãsima.