Luca 7:41 - Tachi Ak'õre Pedea

⁴¹ —Ẽpẽra ume p'anasidama. Ãchia ẽpẽra erreara pará bɨa teadai pará p'anasidama. Abaɨpa quiniento ewari mimiarune jitapari jĩra teai basima. Chi abaɨpa cincuenta ewari mimiarune jitapari jĩra teai basima.

Luca 7:41 ပူးပေါင်းရင်းမြစ်များ

Mateo 18:28

»Maapae mãɨ ẽpẽra tajatá wãrune ichi paaraɨrãnepema aba unusima. Mãɨpa ichiá erreara ãpia tee pará basima. Mãɨ ojɨ̃aparak'ari, ɨ̃apaa k'achia nɨbeek'ari, jarasima: “Mɨá tee pará bɨt'a p'aase”.

Mateo 6:12

Taipa nemietá oodada k'ɨ̃risia atuase, waapẽarãpa nemietá oodada mãɨ taipa k'ɨ̃risia atuapataɨ jĩra.

Marco 6:37

Maamina Jesupa jarasima: —Mãrapuru nek'opit'ɨ. Mãɨne ãchia jarasidama: —¿K'ãre taipa k'opidaima? ¿Pɨa k'ɨ̃ria bɨk'ãra taipa jõma nãɨ ẽpẽerã pae p'ana atade wãnait'a? Jedek'o k'ak'o ocho mimiai bɨma mãɨ erreara jitai k'orea.

Luca 11:4

Taipa nemietá oodada k'ɨ̃risia atuase, waapẽarãpa nemietá oodada mãɨ taipa k'ɨ̃risia atuapataɨ jĩra. Tai nemietaade baepirãse, mãɨpari k'achiadepema k'aripase”.

Luca 12:48

Maamina chi ichi pae pari mimiaparipa atua bɨdepa chi chiparipa jara bɨt'a piawẽa oosira mãɨ ichi pae pari mimiaparí ãpia puru soapa p'eipɨ. Piarã Tachi Ak'õrepa waapẽarã́ waibɨa tea bɨma ichi pae oodamẽrá. Chi waibɨa jitadaɨrãpa ichi pae waibɨa oodai pia bɨma.

Luca 13:4

Siloede te ɨt'ɨ teesoa bɨ ẽpẽrarã ɨ̃rɨ baewãside dieciocho piusidama. Mãɨya piudada pẽra ¿mãrapa k'ɨ̃risia p'anɨk'ãra ãchia atepe nemietá oopachidat'a waapẽarã Jerusalene berãpa oopataɨ k'aepẽra?

Luca 7:40

Mãɨ k'orea Jesupa nãɨya jarasima: —Simón, mɨa pɨá ne jara k'ɨ̃ria bɨma. Simonpa jarasima: —Jarase, Jarateaparí. Jesupa jarasima:

Luca 7:47

Mãɨpuru mɨa nãɨya jararuma: ichia nemietá minachia ooda mɨa ãarea k'ɨ̃risia atuasima. Mãɨpuru ichia mɨ minachia k'ɨ̃ria bɨma. Maamina chi nemietá ãpia ooda mɨa k'ɨ̃risia atuaipɨra mãɨpa mɨ ãpia k'ɨ̃ria baima.

Romano 3:23

Piarã jõmãɨrãpa nemietá oopata pẽra Tachi Ak'õre pia bɨdepema awara p'anɨma.

Romano 5:20

Tachi Ak'õrepa Moisea ichi pedea bɨpisima ẽpẽrarãpa k'awadamẽrá nemietá minachia oo p'anɨt'a. Maamina ẽpẽrarãpa nemietá minachia oosidaɨde Tachi Ak'õrepa ichi sõpiadepa pia k'ĩra chupuriasima.