Luca 7:37 - Tachi Ak'õre Pedea

³⁷ Mãɨ p'uurude wẽra nemietá ooparí basima. Mãɨ wẽrapa Jesú p'ariseo tede nek'o bɨ k'awaside pot'eya alabastro mawara oodade k'era enemeesima.

Luca 7:37 ပူးပေါင်းရင်းမြစ်များ

Mateo 21:31

Mãɨ mãramá ¿chi sãɨ warrapa chi ak'õrepa k'ɨ̃ria bada oosima? Ãchia p'anoosidama: —Chi naapemapa. Mãɨne Jesupa ãchiá jarasima: —Ãjã. Maamina piarã mɨa jararuma: Romanepema pae erreara jɨrɨp'epataɨrã mãɨnepa wẽra k'achia berã mãra k'aepẽra Tachi Ak'õre ichidirã ichi juade ua baparidea wãnaipɨ.

Luca 18:13

»Mãɨne Romanepema pae erreara jɨrɨp'eparí t'ɨmɨwẽa basima. Maamina pajãnea ak'ɨé pasima. Mãɨpari sõp'uadepa ichi p'echumá sĩk'ari jarasima: “Tachi Ak'õre, mɨ k'ĩra chupuriase. Mɨa minachia nemietá ooparima”.

Luca 19:7

Mãɨ ununak'ari jõmãɨrãpa Jesú k'orea mãɨya piawẽa pedea para beesima: «¡Jãɨ Jesú ẽpẽra nemietá ooparí tede k'ãine wãsima!».

Luca 5:30

Mãɨ unusidaɨde Moisepa bɨda jarateapataɨrãpa mãɨnepa p'ariseorãpa Jesú ome p'ɨrrɨapataɨrã́ nãɨya k'achia pedeasidama: —¿K'ãre k'orea Romanepema pae erreara jɨrɨp'epataɨrã ome mãɨnepa waapẽarã nemietá oopataɨrã ome ará nek'oparima?

Luca 5:32

Mɨ chi jĩp'a berã t'ɨ̃i k'orea chewẽa bɨma, mãɨpari nemietá oopataɨrãt'u t'ɨ̃ bɨma Tachi Ak'õremá chedamẽrá.

Luca 7:34

Maapae mɨ, chi Ẽpẽra Warra che bɨma. Mɨa nejõma k'oparima mãɨnepa nejõma toparima. Mãɨne mãrapa jarapatama: “Mãɨ ne miak'ãe k'oparipɨ mãɨnepa it'ua minachia toparipɨ”. Mãɨ awara jarapatama: “Mãɨ nemietá oopataɨrã ome mãɨnepa Romanepema pae erreara jɨrɨp'epataɨrã ome nipapariade apatama”.

Luca 7:36

P'ariseo basima. Mãɨ p'ariseopa Jesú t'ɨ̃sima ichimá nek'ode wãmẽrá. Ara mãɨne Jesú wãk'ari nek'opataɨde suak'abari beesima.

Juan 9:24

Mãɨpuru judiorã chi mãɨrã chaarearãpa chi tau p'ãrio badá mãicha t'ɨ̃nak'ari jarasidama: —Tachi Ak'õre k'ĩrari taiyá jãɨ ẽpẽra k'orea piarã jarase. Taipa k'awa p'anɨma ichi nemietá ooparipɨ.

Juan 9:31

Tachia k'awa p'anɨma nemietá oopataɨrãpa idiuta Tachi Ak'õrepa pia ũrik'at'a. Mãɨ awara k'awa p'anɨma parituapa Tachi Ak'õre wap'ea bɨpɨra mãɨnepa ichia k'ɨ̃ria bɨt'a oo bɨpɨra, chi mãɨpa idirut'a Tachi Ak'õrepa pia ũriparit'a.

Romano 5:8

Maamina Tachi Ak'õrepa tachi minachia k'ɨ̃ria bɨt'a unupisima wapida nemietaade p'anɨne Cristo tachi k'orea piuda pẽra.

1 Timoteo 1:15

Nãɨ pedea piarã arí bɨ pẽra jõmãɨrãpa ĩjãanai p'anɨma: Jesucristo nãɨ ĩjũanea chesima nemietá oopataɨrã k'aripai k'orea. Mãɨrãnepema, mɨt'u chi atepe k'achia pará basima.

1 Timoteo 1:9

Nãɨt'a k'awadai p'anɨma: Tachi Ak'õrepa mãɨ Moisepa bɨda teaé pasit'a chi jĩp'a be k'orea, mãɨpari teasima chi Tachi Ak'õrepa jara bɨ jĩra oodak'aɨrã k'orea, chi k'ɨɨrɨwẽa be k'orea, chi Tachi Ak'õre nea be k'orea, chi nemietá oo be k'orea, chi Tachi Ak'õre wap'eadak'á be k'orea, chi nãɨ ĩjũanepemarã jĩra p'anapataɨrã, chi ãchi ak'õre peapataɨrã k'orea, chi nae peapataɨrã k'orea, chi mĩa peapataɨrã k'orea,

1 Pedro 4:18

«Chi ẽpẽra jĩp'a bɨt'a k'aripai k'orea chaarea bɨpɨra, ¿chi Tachi Ak'õre itu bɨk'ari nemietá ooparí sãmaasã́ k'aripaima?»