Luca 7:29 - Tachi Ak'õre Pedea

²⁹ Jesupa jara bɨ ũrisidaɨde ẽpẽrarãpa, Romanepema pae erreara jɨrɨp'epataɨrã pida jarasidama Tachi Ak'õrepa oo bɨt'a jĩp'a bɨade asidama, Juanpa ãchi porochoada pẽra.

Luca 7:29 ပူးပေါင်းရင်းမြစ်များ

Mateo 5:46

Maamina mãrapa abapuru mãra k'õp'ãerorãt'a k'ɨ̃ria p'ananaipɨra, ¿k'ãret'a nepia Tachi Ak'õrepa teaima? Romanepema pae erreara jɨrɨp'epataɨrã pida mãɨ jĩra oopatama.

Luca 20:6

Maamina ẽpẽrapa peesiade adaipɨra, p'uurudepemarãpa tachi mawarapa bat'a peadaipɨ. P'uurudepemarãmá Juan Tachi Ak'õre pari pedeaparí pasima».

Luca 3:12

Mãɨya bɨde Romanepema pae erreara jɨrɨp'epataɨrã porochoadai k'orea chesidama. Maapae ãchia idisidama: —Jarateaparí, taipa ¿k'ãre oodai p'anɨma?

Luca 7:28

Mɨa jararuma: nãɨ ĩjũane ẽpẽra aba pida Juan chi Porochoaparí k'aepẽra atepe newẽma. Maamina Tachi Ak'õrepa ichidirã ichi juade ua bɨdepema chi atepe wariwẽa k'ɨrɨt'a ichi k'aepẽra chi atepe k'awa baima».

Luca 7:35

Maamina Tachi Ak'õre k'ɨ̃risia jĩp'a bɨt'a k'awa p'anɨma, chi ichide ĩjãapataɨrãpa jĩp'a oopata pẽra».

Hecho 18:25

Mãɨ Apoloa naena Tachi Chipari O jarateapachidama. Jesú k'orea minachia sõpia pedeapachima mãɨnepa arí jaratea bapachima. Maamina porochoai k'orea abapuru Juanpa jaratea badat'a k'awa basima.

Hecho 19:3

Mãɨne Pablopa idisima: —Mãɨya bɨpɨra ¿sãmaasã́ porochoasidama? Ãchia p'anoosidama: —Juanpa jarada jĩra porochoasidama.

Romano 10:3

Ãchia k'awadak'ama sãmaasã́ Tachi Ak'õrepa ẽpẽrarã ichi p'uuru jĩp'a bɨ paara bɨit'a, ichia jarada jĩra. Mãɨ itu bɨdak'ari ara ãchia oo p'anɨnepa jɨrɨ p'anɨma Tachi Ak'õre p'uuru jĩp'a bɨ padai k'orea.

Apocalipsi 15:3

Mãɨ arpa chaautade Moisé chi Tachi Ak'õre pae pari mimiaparí k'arit'a mãɨnepa chi Oveja Chak'e k'arit'a k'arimaa p'anasima. Nãɨya k'arisidama: «Tai Chipari, chi Ne Ãarea P'ue Bɨ Tachi Ak'õre, pɨa oo bɨ waibɨa bɨma. Pɨa oo bɨ k'orea ẽpẽerãpa k'awa k'ɨ̃risiadawẽa p'anapatama. Jõmãɨrã Poro Jũra Jɨ̃parí Jɨ̃ bɨ, pɨa oo bɨt'a jĩp'a bɨma mãɨnepa pɨ pedea aba piarã bɨma.

Apocalipsi 16:5

Mãɨne mɨa ũrisima chi Tachi Ak'õrepa ɨt'aripa peedapa, chi pania ãarea ua bɨpa nãɨya jara bɨt'a: «¡Pɨt'u chi Tachi Ak'õre piarãpẽapɨ! Pɨ idi bɨma, mãɨnepa naena basima. Pɨ jĩp'a bɨẽra, ẽpẽerã ãarea ɨtɨasima.