Luca 7:16 - Tachi Ak'õre Pedea

¹⁶ Mãɨpuru chi arí p'anɨrã minachia p'erasidama. Jõmãɨrãpa Tachi Ak'õrea nãɨya pia jarasidama: —Piarã Tachi Ak'õre pari pedeaparí chi atepe bɨt'a tachi t'ãena chesima. Tachi Ak'õrepa ichi p'uuru k'aripade che bɨma.

Luca 7:16 ပူးပေါင်းရင်းမြစ်များ

Mateo 15:31

Ẽpẽra ará p'anɨpa unusidama chi k'ĩrame t'urrá beada pedea p'anɨt'a, chi jua piawẽa beada pia p'anɨt'a, bɨɨrɨ sorek'ea beada pia nipada, ichiaba tau p'ãrio beadapa unu p'anɨt'a. Ãareaɨrãpa k'awa k'ɨ̃risiadaé pasi pẽra, chi Israelpema Ak'õrea pia pedeasidama.

Mateo 21:11

Idiutacha Jesú ome chedaadarãpa p'anoopachidama: —Jãɨ Jesupɨ, Tachi Ak'õre pari pedeaparipɨ. Ichi Nazaré p'uurudepemama, mãɨnepa Galilea tuadepemama.

Mateo 28:8

Ara mãɨne wẽrarã Jesú k'ak'ua t'ɨbaridaadamãɨpa p'ira wãsidama. Wap'ea p'ananak'ari maamina sõ arapá wãsidama. Jesú ome p'ɨrrɨa p'ananarã́ jarade wãutade Jesú chek'ari ãchiá pia pedeasima. Maapae wẽrarã ichimá chedak'ari ichi jĩru oredak'ari, ichi minachia k'ɨ̃riasidama.

Mateo 9:8

Mãɨ unusidaɨde chi mãma p'anana ne wap'easidama. Maamina Tachi Ak'õrea pia pedeasidama ichi jua chaareadepema ẽpẽrá teada, k'ak'ua piawẽa bee jɨpa beepimẽrá.

Luca 1:65

Jõma ãchi k'ait'apemarãpa mãɨ k'orea ũrisidaɨde Tachi Ak'õre wap'ea p'anɨpa jõma Judea tua eya pará bɨde nepɨrɨpachidama.

Luca 1:68

«¡Israel p'uuru Tachi Ak'õre minachia pia bɨma, ichi ẽpẽrarã k'aripai k'orea chesideepuru!

Luca 19:44

Pɨ te oodada t'erap'et'autade pɨ ẽpẽrarã sida ãarea k'enanaipɨ. Ãchia aba pida mawara abaɨ ɨ̃rɨ ameenaiwẽma. Mãɨya oodaipɨ Tachi Ak'õrepa peeda k'aripaparí pɨa k'awaé pasi pẽra».

Luca 2:20

Oveja ak'ɨpataɨrã jĩitea wãutade ãchia ununana k'orea mãɨnepa ũrinana k'orea Tachi Ak'õre k'orea pia pedeasidama. Tachi Ak'õrepa ɨt'aripa peedapa jarada jĩra piarã jõma mãɨyasima.

Luca 24:19

Jesupa ãchiá idisima: —¿K'ãret'a jara p'anɨma? Ãchia p'anoosidama: —Jesú Nazaré k'orea jara p'anɨma. Ichia ooda mãɨnepa jarada k'awapisima ichi Tachi Ak'õre pari pedeaparipɨ. Tachi Ak'õrepa mãɨnepa p'uurudepemarãpa ichi pia unusidama.

Luca 5:26

Mãɨ unusidaɨde ãareaɨrãpa k'awa k'ɨ̃risiadaé pasima. Mãɨpuru Tachi Ak'õre k'orea minachia pia jarasidama. Tachi Ak'õre wap'eadepa jarasidama: —¡Idi piarã ẽpẽrarãpa ne p'ue oodak'apɨ́ ne waibɨa unusidama!

Luca 5:8

Simón Pedropa ichi ome p'anɨ pida beta chok'ará peadada unusidaɨde k'awa k'ɨ̃risiadaé pasima. Santiago mãɨnepa Juan ichi ome basima. Ãchi Zebedeo warrarã pasima. Mãɨne Simón Jesú taade wãk'ari sĩraporode k'obeek'ari jarasima: —Mɨ Chipari, pia bɨma pɨ mɨk'aapema ãyá wãit'a, mɨ nemietá oopari pẽra. Jesupa Simonoa jarasima: —P'erarãse, idiipa waa pɨ mɨ pae ẽpẽerã jɨrɨparí paipɨ.

Luca 7:15

Ara mãɨne chi piu bada p'irabarik'ari pedeasima. Maapae Jesupa ichi chi naea teasima.

Luca 7:39

Mãɨ unuside Jesú t'ɨ̃na p'ariseopa nãɨya k'ɨ̃risiasima: «Nãɨ ẽpẽra piarã Tachi Ak'õre pari pedeaparí padapara k'awai pasima mãɨ nemietá oopari wẽrapa jãɨya oo bɨt'a».

Luca 8:37

Mãɨpa ãarea Gerasadepemarã wap'eadak'ari Jesua chichupuria idisidama ãchi tuadepema ãyá wãmẽrá. Ara mãɨne Jesú mãicha p'ãp'orrode eda batook'ari Galileadea wãsima.

Luca 9:19

Ãchia p'anoosidama: —Waapẽarãpa jara p'anɨma pɨ Juan chi Porochoaparipɨ. Waapẽarãpa jara p'anɨma pɨ Eliapɨ. Waapẽarãpa jara p'anɨma pɨ chõarãenapema Tachi Ak'õre pari pedeaparí chok'ae p'irabaridapɨ.

Juan 1:21

Ãchia mãicha idisidama: —¿Mãɨya bɨpɨra pɨ k'aima? ¿Pɨ Eliak'ãra? Ichia p'anoosima: —Mɨ mãɨwẽma. Ãchia mãicha idisidama: —Pɨ ¿Tachi Ak'õre pari pedeaparí chi waibɨa bɨ chei badak'ãra? Ichia p'anoosima: —Mɨ mãɨwẽma.

Juan 1:25

Mãɨrãpa ichiá idisidama: —Pɨ Tachi Ak'õrepa Tachi K'aripaparí teai jaradaepɨra, mãɨnepa Eliawẽpɨra mãɨnepa Tachi Ak'õre pari pedeaparí chi waibɨa bɨwẽpɨra, ¿k'ai t'ɨ̃nepa pɨa ẽpẽerã jãɨya porochoaparima?

Juan 4:19

Mãɨ k'orea wẽrapa jarasima: —Mɨmá pɨ Tachi Ak'õre pari pedeaparit'u jãɨya bɨma.

Juan 6:14

Chi Jesupa ẽpẽerãpa ne p'ue oodak'apɨ́ ununak'ari ẽpẽerãpa jarasidama: —Piarã nãɨ Tachi Ak'õre pari pedeaparí chi waibɨa bɨ, chi nãɨ ĩjũane chei badapɨ.

Juan 9:17

Mãɨya p'anɨne mãicha chi tau p'ãrio badá idisidama: —Mãɨ ẽpẽra, chi pɨ tau jɨpa beepida, pɨmá ¿k'ai mãɨya bɨma? Chi tau p'ãrio badapa p'anoosima: —Mɨmá ichi Tachi Ak'õre pari pedeaparipɨ.

Hecho 5:5

Mãɨ ũriside Anania jeeda baewãk'ari, piusima. Chi mãɨyana ũrinaanarãpa minachia wap'easidama.

Hecho 7:37

Ara mãɨ Moisepa israel ĩjũanepemarã́ jarasima: “Tachi Ak'õrepa mɨ peeda jĩra chi ichi pari pedeaparí aba mãramá peeipɨ. Mãɨ ẽpẽra ara mãra p'uurudepema paipɨ. Ichia jararut'a ãarea ĩjãat'ɨ”.

Gálata 1:24

Mãɨpuru mɨ k'orea ãchia Tachi Ak'õrea pia pedeasidama.