Luca 6:36 - Tachi Ak'õre Pedea

³⁶ Ara mãɨ jĩra mãrapa k'ĩra chupuria beadai p'anɨma mãra Ak'õre pajãne bɨpa k'ĩra chupuriapari jĩra.

Luca 6:36 ပူးပေါင်းရင်းမြစ်များ

Mateo 5:48

Mãɨpuru jõmãɨrã k'ɨ̃ria beat'ɨ mãra Ak'õre pajãne bɨpa jõmãɨrã k'ɨ̃ria bɨ jĩra.

Luca 6:35

»Mãɨpari mãra chi nek'ĩramá k'ɨ̃riat'ɨ. Ãchi pia oot'ɨ. Ãchiá ne teat'ɨ. Maamina mãrapa ne teautade ãchia mãrá ne teadai k'ɨ̃risiarãt'ɨ. Mãɨyapuru mãrapa Tachi Ak'õrenepa jitadait'a atepe waibɨa baipɨ mãɨnepa unupidaipɨ piarã mãra Tachi Ak'õre chi atepe bɨ warrarãpɨ. Ichia nemietá oopataɨrã mãɨnepa ichiá pia bɨade adak'aɨrã ichi sõpiadepa k'aripaparima.

Luca 6:37

»Waapẽarãpa nemietá oodada k'orea pedearãt'ɨ abaɨa mãrapa nemietá oodada ak'ɨpiemaapa. Waapẽarã́ nepɨra pará bɨade arãt'ɨ, Tachi Ak'õrepa mãra nepɨra pará p'anɨane apiemaapa. Mãɨya mãrapa piawẽa oodada Tachi Ak'õrepa k'ɨ̃risia atuaipɨ.

Ep'esio 4:31

Jõma chi mãrapa abaɨ k'orea sõne piawẽa k'ɨ̃risiapataɨ, sõnepa k'ĩruupataɨ, k'ĩruu pedeapataɨ, ɨbɨa k'ĩruu pedeapataɨ, waapẽarã k'orea k'achia pedeapataɨ, mãɨnepa ãarea waapẽarã piawẽa oodai k'ɨ̃risiapataɨ itu bɨt'ɨ.

Santiago 3:17

Maamina chi Tachi Ak'õrepa tea bɨ k'ɨ̃risia uru bepa ne ãareaɨne jĩp'a oopatama, jõmãɨrã ome ne k'ɨ̃risiawẽa p'ananamẽrá jɨrɨpatama, jõmãɨrã ome pia p'anapatama, waapẽarãpa jara bɨ ũrinai k'orea p'anapatama, chĩara k'ĩra chupuriapatama mãɨnepa nejõma pia oopatama. Abaɨ waapẽarã k'aepẽra pia atepe k'ɨ̃rianak'ama. Ichia jara bɨ jĩra ara mãɨya ooparima.