Luca 6:28 - Tachi Ak'õre Pedea

²⁸ Chi mãrá k'achia pedeautá pia pedeat'ɨ. Mãra piawẽa oopataɨ k'orea Tachi Ak'õrea ɨt'aa chiidit'ɨ ãchi k'aripamẽrá.

Luca 6:28 ပူးပေါင်းရင်းမြစ်များ

Mateo 5:44

Maamina mɨa jararuma: mãra chi nek'ĩramá k'ɨ̃riat'ɨ. Chi mãrá k'achia pedeautá pia pedeat'ɨ; mãra k'ĩramá p'anɨrã pia oot'ɨ. Tachi Ak'õrea ɨt'aa chiidit'ɨ ãchi k'aripamẽrá.

Luca 23:34

[Mãɨne Jesupa jarasima: «Ak'õre, ãchia oo p'anɨ k'ɨ̃risia atuase. Ãchia oomaa p'anɨt'a atua p'anɨma».] Mãɨ awara papaká berã ne jemenasidama Jesú neet'á sãmaasã́ jedadai k'awadai k'orea.

Luca 6:27

»Maamina mãra, chi mɨ pedea ũri p'anɨa mɨa jararuma: mãra chi nek'ĩramá k'ɨ̃riat'ɨ. Mãra unuemaa p'anɨ pia oot'ɨ.

Luca 6:35

»Mãɨpari mãra chi nek'ĩramá k'ɨ̃riat'ɨ. Ãchi pia oot'ɨ. Ãchiá ne teat'ɨ. Maamina mãrapa ne teautade ãchia mãrá ne teadai k'ɨ̃risiarãt'ɨ. Mãɨyapuru mãrapa Tachi Ak'õrenepa jitadait'a atepe waibɨa baipɨ mãɨnepa unupidaipɨ piarã mãra Tachi Ak'õre chi atepe bɨ warrarãpɨ. Ichia nemietá oopataɨrã mãɨnepa ichiá pia bɨade adak'aɨrã ichi sõpiadepa k'aripaparima.

Hecho 14:5

Mãɨne judiorã mãɨnepa judiorãwẽ chi p'uurudepema chaarearã ome pedea ausidama Pablo mãɨnepa Bernabé mĩapidak'ari mawarapa bat'a peadai k'orea.

Hecho 7:60

Maapae sĩraporode k'obeek'ari jĩk'ua jarasima: «Mɨ Chipari, nãɨ ẽpẽerã nepɨra ak'ɨrãse». Mãɨya pedeak'ari k'ĩrawẽasima.

Romano 12:14

Chi mãra ẽp'ẽ berã́ pia pedeat'ɨ. Tachi Ak'õrea ɨt'aa chiidit'ɨ waapẽarã pia bapimẽrá; ɨt'aa chiidirãt'ɨ ãchi mietá bapimẽrá.

1 Corintio 4:12

Tai ɨ̃apaadawẽa mimia p'anɨma ne uru p'ananai k'orea. Ẽpẽrarãpa taiyá piawẽa pedeautade taipa ãchiá pia pedeapatama. Tai piawẽa ooutade choapatama.

Santiago 3:10

Ara mãɨ it'aepa pedea pia mãɨnepa pedea k'achia sida pedeaparima. Ũpẽarã, mãɨya baiwẽa bɨma.

1 Pedro 3:9

Abaɨ pida mãra piawẽa oosira ara mãɨya oorãt'ɨ. K'achia pedeasira ara mãɨya k'achia pedearãt'ɨ. Mãɨpari ɨt'aa chiidit'ɨ Tachi Ak'õrepa ichi k'aripamẽrá. K'awa p'anɨma Tachi Ak'õrepa mãra atasit'a, mãɨya p'ananamẽrá. Mãɨya p'ananaipɨra, Tachi Ak'õrepa mãra sida k'aripaipɨ.