Luca 6:25 - Tachi Ak'õre Pedea

²⁵ Chupuri p'aneenaipɨ chi jãwaa berã, jarrapisia p'aneenai pẽra. Chupuri p'aneenaipɨ ara nãɨena ee p'anɨrã nãɨya bak'ari jẽanai pẽra mãɨnepa k'ɨ̃risia pará p'ananai pẽra.

Luca 6:25 ပူးပေါင်းရင်းမြစ်များ

Luca 12:20

Maamina Tachi Ak'õrepa ichiá jarasima: “¡Pɨa k'ɨ̃risia pia bɨwẽma! Piarã nãɨ teamasi pɨ piuipɨ. Maapae pɨa yaada uru bɨt'a ¿k'ai pae beeima?”

Luca 13:28

»Mãra chi tajata berã jẽa p'ananaipɨ mãɨnepa p'uapa k'ida k'ɨterrea p'ananaipɨ. Abrahán, Isá, Jacobo mãɨnepa Tachi Ak'õre pari pedeapataɨrã sida Tachi Ak'õrepa ichidirã ichi juade ua bɨde p'ananaipɨ, maamina mãrat'u Tachi Ak'õrepa itu eda wãpiiwẽma.

Luca 6:24

“Maamina chupuri p'aneenaipɨ mãra chi erreara pará berã, nãɨ ewaridepuru sõ arapá p'anɨ pẽra.

Luca 6:26

Chupuri p'ananaipɨ ẽpẽrarãpa mãra k'orea pia jaradaipɨra. Mãra chõarãenapemarãpa ẽpẽrarã Tachi Ak'õre t'ɨ̃nepa seat'a jarateapataɨrã sida ara mãɨya pia jarapachidama”.

Luca 8:53

Mãɨ k'orea ẽpẽrarãpa Jesumá ak'ɨdak'ari eesidama, wẽrak'au piarã piusi k'awa p'anana pẽra.

Ep'esio 5:4

Pedea mietá, nepɨra piawẽa, mãɨnepa pedea mietaadepa nepɨrɨrãtɨ, mãɨya pedeait'a pia bɨwẽ pẽra. Mãɨpari Tachi Ak'õrea sõpia bɨade at'ɨ.

1 Tesalonicense 5:3

Ẽpẽrarãpa nãɨya jara p'ananaipɨ: «Ãarea ne k'ɨ̃risiawẽa p'anɨma, p'eradawẽa p'anɨma». Mãɨya p'anɨne chi jõma jõi ewari cheipɨ wẽra warra t'õyá bi p'ua bɨ jĩra. Mãɨne ãchi mi ãpia pida mĩrunaiwẽma.

Santiago 4:9

Mãrapa nemietá oodada k'orea sõp'ua p'anat'ɨ, jẽat'ɨ, sõp'uadak'ari, jẽat'ɨ. Waa sõ arapá eerãt'ɨ, mãɨpari mãrapa nemietá oodada k'orea minachia k'ɨ̃risia pará p'anat'ɨ.

Apocalipsi 3:17

Ara machi ɨbɨarãane a p'anɨma, ne ãarea uru p'anɨane a p'anɨma, mãɨnepa mãɨ ne ãpia pida newẽawẽa bɨade a p'anɨma. Maamina atua p'anɨma ara machi chichupuria p'anɨt'a, piawẽa p'anɨt'a, nenea p'anɨt'a, tau p'ãrio p'anɨt'a mãɨnepa ãk'adá p'anɨt'a.