Luca 6:23 - Tachi Ak'õre Pedea

²³ Mãra piawẽa ooutade minachia sõ arapaat'ɨ, mãrapa nepia waibɨa pajãne uru p'ananai pẽra. Ãchi chõarãenapemarãpa Tachi Ak'õre pari pedeapataɨrã sida piarã ara mãɨ jĩra piawẽa oopachidama.

Luca 6:23 ပူးပေါင်းရင်းမြစ်များ

Mateo 5:12

Minachia arapá p'anat'ɨ, mãrapa nepia waibɨa pajãne uru p'ananai pẽra. Chõarãenapema ewaride pida Tachi Ak'õre pari pedeapataɨrã ara mãɨ jĩra ẽp'ẽsidama mĩapidai k'orea.

Luca 1:41

Elisabepa María pedea ũrirune ichi warra bide eda k'ɨrɨ totomĩasima. Ara mãɨne Elisabé Tachi Ak'õre Jaorede beesima.

Luca 1:44

Piarã pɨ pedea ũrirune warra mɨ bide bɨ arapaapa totomĩasima.

Luca 6:35

»Mãɨpari mãra chi nek'ĩramá k'ɨ̃riat'ɨ. Ãchi pia oot'ɨ. Ãchiá ne teat'ɨ. Maamina mãrapa ne teautade ãchia mãrá ne teadai k'ɨ̃risiarãt'ɨ. Mãɨyapuru mãrapa Tachi Ak'õrenepa jitadait'a atepe waibɨa baipɨ mãɨnepa unupidaipɨ piarã mãra Tachi Ak'õre chi atepe bɨ warrarãpɨ. Ichia nemietá oopataɨrã mãɨnepa ichiá pia bɨade adak'aɨrã ichi sõpiadepa k'aripaparima.

Hecho 14:10

Mãɨpuru Pablopa ichiá jĩk'ua jarasima: —¡P'irabarise! ¡Bai nɨbeese! Ara mãɨne ichi ɨt'aa jĩitɨk'ari wãpodosima.

Hecho 3:8

Ara mãɨne ɨt'ɨ jĩitɨk'ari ya p'ɨrrɨa beesima. Jĩitɨ nineepa ya Tachi Ak'õrea pia pedea nineepa, ãchi ome Tachi Ak'õre te minachia bɨde eda wãsima.

Hecho 5:41

Ara mãɨne Jesupa peedaɨrã chi judiorã chõarã ará p'anɨmãɨpa arapá wãsidama. K'awasidama Tachi Ak'õrepa ãchi pia unusit'a, Jesú t'ɨ̃ k'orea mĩasida pẽra.

Romano 5:3

Mãɨ awara tachi minachia mĩa p'anɨne arapá p'anapatama k'awa p'anɨ pẽra makɨɨdepa pia choa k'awadait'a.

2 Corintio 12:10

Cristo k'orea minachia mĩa bɨde, ɨbɨwẽa bɨde, nenea bɨde, ẽpẽrarãpa k'achia pedea p'anɨne mãɨnepa piawẽa oodai k'orea ẽp'ẽ p'anɨne mɨ arapá bɨma. Piarã mɨ ɨbɨwẽa bɨde Cristodepa chaarea bɨma.

Colosense 1:24

Naapae mɨa mãra k'aripai k'orea minachia mĩa bɨmina arapá bɨma. Mãɨnepa Cristo k'orea wapida mĩai bɨ pẽra, minachia mĩa nipaipɨ jõma ichi ẽpẽrarã k'aripai k'orea.

2 Timoteo 2:12

Tachi minachia mĩa p'anɨ choadaipɨra, ichi ome chi minachia k'awa p'anɨrã jĩra p'ananaipɨ. Tachia Cristo atua p'anɨane adaipɨra, ichia pida tachi atua bɨade aipɨ.

Hebreo 11:26

Tachi Ak'õrepa Tachi K'aripaparí teai jarada piarã cheide ĩjãana pẽra, ichia k'ɨ̃risiasima Egitodepema nepia uru bai k'aepẽra pia bɨma minachia mĩa bait'a. Tachi Ak'õrepa k'aadeapema ewaride teai jarada pia jita k'ɨ̃riana pẽra mãɨya k'ɨ̃risia basima.

Hebreo 11:6

Maamina chi Tachi Ak'õrene ĩjãak'apɨ́, Tachi Ak'õrepa mãɨ pia unuk'ama. Chi Tachi Ak'õremá che k'ɨ̃ria bɨpa ĩjãai bɨma Tachi Ak'õre piarã bɨt'a mãɨnepa ãarea chi ichi jɨrɨutat'a k'aripaparit'a.

Santiago 1:2

Ũpẽarã, ne wawariade mĩa p'anɨne minachia arapá p'anat'ɨ.

1 Pedro 4:13

Mãɨpari Cristo jĩra minachia mĩa p'anɨ pẽra arapá p'anat'ɨ. Mãɨya Tachi Ak'õrepa Cristo chi atepe bɨ unupirude mãra minachia arapaadaipɨ.

Apocalipsi 2:17

Chi k'ɨɨrɨ pará bɨpa ũrise Tachi Ak'õre Jaorepa ũpẽarã́ jara bɨt'a. Chi nemietá p'uedaadarã́ mɨa maná mẽra bada k'opiipɨ mãɨnepa mawara chak'e t'ot'oa bɨt'a teaipɨ. Mãɨ mawara chak'e bɨde t'ɨ̃ chiwidi bɨ bɨma. Abaɨ pida mãɨ t'ɨ̃ atuama. Maamina chi jitarupuru k'awaipɨ.

Apocalipsi 2:26

Chi nemietá p'uedaadarãpa mãɨnepa chi ewaricha mɨa k'ɨ̃ria bɨ oodaadarãpa mɨa mãɨrã bɨk'oaipɨ ãchi p'uurucha chiparirã padamẽrá, mɨ Ak'õrepa mɨ jõmãɨrã chipari bɨda jĩra. Maapae ãchia sõ chupuriadawẽa ãareaɨrã́ jok'ae oopidaipɨ, mãɨya oodamẽrá. Chok'o ãriuta jĩra jõmãɨrã p'uedaipɨ.

Apocalipsi 2:7

Chi k'ɨɨrɨ pará bɨpa ũrise Tachi Ak'õre Jaorepa ũpẽarã́ jara bɨt'a. Chi nemietá p'uedaadarã́ mɨa pak'uru chok'ae bapiparidepema nejõ itu jõpiipɨ. Mãɨ pak'uru bɨɨrɨ Tachi Ak'õre ĩjũa auk'ará bɨde bɨma.

Apocalipsi 21:7

Nemietá p'uedaadarãpa jõma mãɨ atadaipɨ warrapa chi ak'õrené atapari jĩra. Mɨ ãchi Tachi Ak'õre paipɨ mãɨnepa mɨ warrarã p'ananaipɨ.

Apocalipsi 3:12

Nemietá p'uedaadá mɨa Tachi Ak'õre te jĩru jĩra bɨipɨ. Mãɨya mãɨ tedepema ãyá ewariaba pida wãnaiwẽma. Ãchi tau bɨɨrɨde mɨ Ak'õre t'ɨ̃ bɨipɨ ichidirã k'awapiyá. Ichiaba ãchi tau bɨɨrɨde mɨ Ak'õre p'uuru t'ɨ̃ bɨipɨ mãmanepemarã k'awapiyá. Mãɨ Jerusalén P'uuru chiwidi apataɨ pajãnepa mɨ Ak'õre bɨmãɨpa cheipɨ. Mãɨnepa ãchi tau bɨɨrɨde mɨ t'ɨ̃ chiwidi bɨipɨ mõré k'awapiyá.

Apocalipsi 3:5

Nemietá p'uedaadapa ara mãɨ jĩra neet'á t'ot'oa bɨt'a jɨ̃naipɨ. Ãchi t'ɨ̃ chi ewaricha chok'ae p'ananai k'art'ade eda bɨ bɨ pẽra mɨa ãchi t'ɨ̃ wẽpapiiwẽma. Maawẽapuru mɨ Ak'õre k'ĩrari, mãɨnepa ichi pae pari mimiapataɨrã pajãnepema k'ĩrari ãchi mõréane aipɨ.