Luca 6:21 - Tachi Ak'õre Pedea

²¹ Pia p'anɨma mãra chi jarrapisia berã Tachi Ak'õrepa jãwaapii pẽra. Pia p'anɨma mãra chi sõp'uapa jẽa berã, Tachi Ak'õrepa arapaapii pẽra.

Luca 6:21 ပူးပေါင်းရင်းမြစ်များ

Mateo 5:4

Pia p'anɨma mãra sõp'ua p'anɨrã, Tachi Ak'õrepa mãɨ sõp'ua bɨt'a jõpii pẽra.

Mateo 5:6

Pia p'anɨma chi ãchi sõne jĩp'a oo k'ɨ̃ria p'anɨrã, mãɨ ãchia k'ɨ̃ria be Tachi Ak'õrepa teai pẽra.

Luca 1:53

Chi nenea k'edea nejõma pia teasima, maamina chi minachia uru beadá jua k'ak'uá ãyá wãpik'oasima.

Luca 6:20

Jesupa ichi ome p'ɨrrɨapataɨrã ak'ɨk'ari nãɨya jarasima: «Pia p'anɨma mãra chi chichupuria berã mãɨ Tachi Ak'õrepa mãra ichi juade ua bɨẽra.

Luca 6:22

»Pia p'anɨma ẽpẽrarãpa mɨ, chi Ẽpẽra Warra k'orea mãra unuemaautade, itu bɨutade, k'achia pedeautade mãɨnepa mãra sõk'achiade autade.

Luca 6:25

Chupuri p'aneenaipɨ chi jãwaa berã, jarrapisia p'aneenai pẽra. Chupuri p'aneenaipɨ ara nãɨena ee p'anɨrã nãɨya bak'ari jẽanai pẽra mãɨnepa k'ɨ̃risia pará p'ananai pẽra.

Juan 11:35

Jesú jẽasima.

Juan 4:10

Jesupa p'anoosima: —Tachi Ak'õrepa teai bɨt'a pɨa k'awarupara mãɨnepa k'aipa jãɨ pania idi bɨt'a k'awarupara, pɨa mɨá pania idii pasima. Maapae mɨa chi chok'ae bapiparí pania teai pasima.

Juan 6:35

Jesupa jarasima: —Mãɨ Mɨpɨ. Mɨ mãɨ chok'ae bapiparí p'anapɨ. Mãɨpuru chi mɨmá cheru waa jarrapisia baiwẽma mãɨnepa chi mɨne ĩjãa bɨt'a waa opisia baiwẽma.

1 Corintio 4:11

Wapida ara nãɨ ewaride taipa jarra choa p'anɨma, opisia choa p'anɨma, mãɨnepa neet'á sore k'edet'a uru p'anɨma. Tai te nea p'anɨma mãɨnepa ẽpẽrarãpa tai piawẽa oopatama.

2 Corintio 11:27

Mimia bɨde mɨ minachia mĩapachima. Bari k'ak'o minachia k'ãiwẽa bapachima, jarra bapachima, opisia bapachima, nek'owẽa bapachima. K'õresãapa mɨ wɨwɨrrɨa bapachima, mãɨnepa neet'á nea bapachima.

2 Corintio 12:10

Cristo k'orea minachia mĩa bɨde, ɨbɨwẽa bɨde, nenea bɨde, ẽpẽrarãpa k'achia pedea p'anɨne mãɨnepa piawẽa oodai k'orea ẽp'ẽ p'anɨne mɨ arapá bɨma. Piarã mɨ ɨbɨwẽa bɨde Cristodepa chaarea bɨma.

2 Corintio 6:10

Tai sõp'uapatamina ewaricha arapá p'anɨma. Tai nenea k'edema. Maamina taipa chok'ará ẽpẽrarã́ Tachi Ak'õre k'orea k'awapipatama ãchi erreara uru be jĩra p'ananamẽrá. Tai nenea p'anɨmina Tachi Ak'õrenepa nejõma uru p'anɨma.

Santiago 1:12

Abaɨpa nemietá ooi k'ɨ̃risiadepema choa bɨpɨra, Tachi Ak'õremá minachia pia bɨma. Jõma choak'ari Tachi Ak'õrepa poro jũra jɨ̃parí tearu jĩra, ichi ewaricha chok'ae bɨipɨ. Tachi Ak'õrepa jõma ichi k'ɨ̃ria berã́ piarãnepa mãɨya chok'ae bɨyade asima.

Apocalipsi 21:3

Maapae mɨa ũrisima abaɨpa Tachi Ak'õre suak'a beeparí auk'ará bɨmãɨpa nãɨya jĩk'ua pedearut'a: «¡Ũrit'ɨ! Idi Tachi Ak'õre ẽpẽerã t'ãena bɨma. Ichi ãchi ome baipɨ. Mãɨne ãchi ichi ẽpẽerã p'ananaipɨ. Piarã ichit'a ãchi Ak'õre paipɨ mãɨnepa ãchi ome baipɨ.

Apocalipsi 7:16

Ewariaba pida waa jarrapisidaiwẽma mãɨnepa waa opisiadaiwẽma. Ɨmatapa mãɨya waa paaiwẽma mãɨnepa chi pisia sida waa ãchi ɨ̃rɨ baiwẽma.