Luca 6:17 - Tachi Ak'õre Pedea

¹⁷ Maapae Jesú ãchi ome eyadepa edá chedak'ari, k'oriide bai nɨp'aneesidama. Mãma ichi ome p'ɨrrɨapataɨrã chok'ará p'anɨ mãɨnepa waapẽarã ẽpẽerã minachia cheuta ome ará nɨbeesima. Mãɨ ẽpẽrarã Judea tuadepa, Jerusalenepa, senia choma ik'idaapema p'uuru Tirodepa mãɨnepa Sidonepa

Luca 6:17 ပူးပေါင်းရင်းမြစ်များ

Mateo 11:21

Nãɨya jarasima: —¡Corazín p'uurudepemarã mãɨnepa Betsaidadepemarã chupuri p'anɨma, Tachi Ak'õrepa ɨtɨai pẽra! Mɨa ẽpẽrarãpa ne p'ue oodak'apɨ́ mãra t'ãena Tirode mãɨnepa Sidone oodapara, mãɨ p'uurudepemarãpa isapea nemietá oopataɨ itu bɨdak'ari Tachi Ak'õrene ĩjãanai pasima. Mãɨ k'orea neet'á sõp'ua p'anɨne jɨ̃pataɨ jɨ̃nai pasima, mãɨnepa et'abarra jora ɨt'aa p'odai pasima ãchi poro ɨ̃rɨ.

Mateo 12:15

Jesupa mãɨ k'ɨ̃risia k'awak'ari, mãmapema wãsima. Ẽpẽerã minachia ichi k'aade wãsidama. Mãɨne Jesupa chi k'ɨdade beada ãarea jɨpa beepik'oasima.

Mateo 14:14

Jesú p'ãp'orrodepa edá batoorude mãɨ ẽpẽerã minachia nɨbɨ chupuria unuk'asima. Mãɨpuru chi k'ak'ua piawẽa k'ede jɨpa beepik'oasima.

Mateo 15:21

Jesú mãmãɨpa Tiro mãɨnepa Sidón tuadea p'ɨrrɨade wãsima.

Mateo 5:1

Ẽpẽrarã chok'ará unuside Jesú eyadea ɨt'aa wãk'ari suak'abari beesima. Mãɨne ichi ome p'ɨrrɨapataɨrã ichimá chesidama.

Luca 5:15

Maamina Jesupa ooda k'orea mãɨ atepe t'ɨ̃ p'oa wãsima. Mãɨpuru ẽpẽrarã chok'ará chepachidama ichia jaratea bɨ ũrinai k'orea. K'ak'ua piawẽa be chepachidama jɨpa beepik'oamẽrá.

Luca 6:12

Ewariaba Jesú eyadea wãsima. Mãma Tachi Ak'õrea ɨt'aa chiidi bɨt'a ewarisima.

Luca 6:16

Santiago ũpẽa Juda mãɨnepa Juda Iscariote. Mãɨya bak'ari ichia Jesú jitapisima.

Luca 6:18

cheepɨrɨsidama Jesupa jaratea bɨ ũrinai k'orea mãɨnepa k'ak'ua piawẽa berã jɨpa beepik'oamẽrá. Mãɨ awara Jesupa jaore mietá berã ẽpẽrarã k'ak'uadepema ãyá jerek'oasima.