Luca 6:14 - Tachi Ak'õre Pedea

¹⁴ Ãchi t'ɨ̃ nãɨ: Simón (Jesupa ichi t'ɨ̃ bɨsima Pedro), chi ũpẽa André, Santiago, Juan, P'elipe, Bartolomé,

Luca 6:14 ပူးပေါင်းရင်းမြစ်များ

Mateo 10:2

Jesupa peedaɨrã doce p'anɨrã nãɨrã pasima: Simón, Pedro apataɨ; chi ũpẽa André; Zebedeo warrarã Santiago mãɨnepa Juan;

Mateo 10:3

P'elipe; Bartolomé; Tomá; Romanepema pae erreara jɨrɨp'eparí pada Mateo; Alp'eo warra Santiago; Tadeo;

Mateo 4:18

Jesú Galilea senia ik'idá nine ẽpẽra ume unusima. Aba Simón pasima, ichiaba Pedro apataɨ. Abaɨ chi ũpẽa André pasima. Mãɨrã to batapachidama. Jesú chesipara to bat'amaa p'anasidama.

Mateo 4:21

Mãɨ wawari wãrune Jesupa ẽpẽra mãicha ume unusima. Aba Zebedeo warra Santiago pasima. Abaɨ chi ũpẽa Juan pasima. Ãchi ak'õre ome p'ãp'orrode t'ɨri k'õa bet'a wãamaa p'anasidama. Maapae Jesupa ãchi t'ɨ̃sima ichi ome wãnamẽrá.

Marco 1:19

Mãmãɨpa naa wãsidaɨde, Jesupa Santiago mãɨnepa chi ũpẽa Juan unusima. Ãchi Zebedeo warrarã pasima. P'ãp'orrode t'ɨri k'õa bet'a wãamaa p'anasidama.

Marco 1:29

Mãɨne chi judiorã ará pedeapataɨ tedepa wãnak'ari Simón tedea wãsidama Jesú, Santiago mãɨnepa Juan. Simón ũpẽa André sida mãma basima.

Marco 14:33

Maapae Pedro, Santiago mãɨnepa Juan awara ateewãsima. Ichi mãɨya bai bɨẽra, k'ĩra piawẽa beek'ari, sõp'ua beesima.

Marco 3:16

Chi ichia doce p'anɨ peeda nãɨrãpɨ: Simón (Jesupa ichi t'ɨ̃ bɨda Pedropɨ),

Marco 5:37

Maapae Jesupa Pedro, Santiago mãɨnepa Santiago ũpẽa Juan mãɨ Jairo tiidá ateewãsima. Chi waapẽarã itu wãpié pasima.

Marco 9:2

Ewari k'ak'o sei pak'ari Jesupa Pedro, Santiago mãɨnepa Juan ãchi tuaba eya ɨt'ɨ bɨmá ateewãsima. Mãma ãchi k'ĩrari Jesú k'ĩra awara unupisima.

Luca 5:8

Simón Pedropa ichi ome p'anɨ pida beta chok'ará peadada unusidaɨde k'awa k'ɨ̃risiadaé pasima. Santiago mãɨnepa Juan ichi ome basima. Ãchi Zebedeo warrarã pasima. Mãɨne Simón Jesú taade wãk'ari sĩraporode k'obeek'ari jarasima: —Mɨ Chipari, pia bɨma pɨ mɨk'aapema ãyá wãit'a, mɨ nemietá oopari pẽra. Jesupa Simonoa jarasima: —P'erarãse, idiipa waa pɨ mɨ pae ẽpẽerã jɨrɨparí paipɨ.

Luca 6:13

Ãsã pak'ari ichi ome p'anɨrã ará t'ɨ̃k'oak'ari mãɨrãnepema doce jɨrɨ atasima. Mãɨ doce jɨrɨ atadaɨrã “ichia peedaɨrã” bɨk'oasima.

Luca 6:15

Mateo, Tomá, Alp'eo warra Santiago, Simón Celote apataɨ,

Juan 1:45

Mãɨne P'elipepa Natanael jɨrɨde wãsima. Unuk'ari jarasima: —Taipa chi ẽpẽra k'orea Moisepa bɨdade eda jara bɨt'a unusidama. Tachi Ak'õre pari pedeapataɨrãpa ichi k'orea bɨsidama. José warra, Jesú Nazaredepemapɨ.

Juan 14:8

Mãɨne P'elipepa ichiá jarasima: —Tai Chipari, Tachi Ak'õre taiyá unupise. Ara mãɨpa ara bɨma.

Juan 6:5

Mãɨne Jesupa ẽpẽerã chok'ará k'aade cheuta unuk'ari, P'elipea nãɨya jarasima: —¿Sãma p'ana atadaima nãɨrã́ nek'opidai k'orea?

Juan 6:8

Mãɨne chi Jesú ome p'ɨrrɨaparí André, Simón Pedro ũpẽapa nãɨya jarasima:

Hecho 1:13

Jerusalene padak'ari chi te ɨt'ɨ pará bɨmá ãchi mãma k'ãipataɨmá wãsidama. Ãchi nãɨrã pasima: Pedro, Juan, Santiago, André, P'elipe, Tomá, Bartolomé, Mateo, Alp'eo warra Santiago, Simón chi Celote mãɨnepa Santiago warra Juda.

Hecho 12:2

Juan ũpẽa Santiago k'ĩruuparí nek'opa peapisima.

2 Pedro 1:1

Mɨ Simón Pedropɨ, Jesucristo pae pari mimiaparipɨ mãɨnepa ichia peedapɨ. Mɨa nãɨ k'art'a bɨruma chi Tachi Ak'õrene mãɨnepa Tachi K'aripaparí Jesucristode ĩjãapataɨrã pae. Ichi jĩp'a bɨ pẽra, mãra tai ome abarik'a pia ĩjãa p'anɨma.