Luca 6:12 - Tachi Ak'õre Pedea

¹² Ewariaba Jesú eyadea wãsima. Mãma Tachi Ak'õrea ɨt'aa chiidi bɨt'a ewarisima.

Luca 6:12 ပူးပေါင်းရင်းမြစ်များ

Mateo 5:1

Ẽpẽrarã chok'ará unuside Jesú eyadea ɨt'aa wãk'ari suak'abari beesima. Mãɨne ichi ome p'ɨrrɨapataɨrã ichimá chesidama.

Mateo 6:6

Pɨa Tachi Ak'õrea ɨt'aa chiidirude pɨchi tede eda wãse. Chi eda wãpataɨ jɨ̃at'ɨk'ari pɨchi tuaba pɨ Ak'õrea ɨt'aa chiidise. Pɨa k'ĩup'ea nepia oo bɨ Tachi Ak'õrepa unuparima. Ichiapuru pɨá nepia teaipɨ.

Marco 1:35

Teamasieda wapida p'ãrio nɨbɨeda Jesú p'irabarik'ari, mẽa ẽpẽra newẽmá wãk'ari, mãma ɨt'aa chiidi beesima.

Marco 3:13

Mãɨya nak'ari Jesú eyadea wãk'ari chi ichia k'ɨ̃riarut'a t'ɨ̃sima. Ãchia orrobaridak'ari,

Marco 6:46

Jõmãɨrã wãpik'ari eyadea Tachi Ak'õrea ɨt'aa chiidide wãsima.

Luca 5:16

Maamina Jesú edaɨde ẽpẽra newẽmá wãpachima Tachi Ak'õrea pedeai k'orea.

Luca 6:11

Mãɨpuru arí p'anɨrã minachia k'ĩruunak'ari ãchi tuaba pedea para beesima Jesú k'orea sãɨya oodai k'awadayá.

Luca 6:17

Maapae Jesú ãchi ome eyadepa edá chedak'ari, k'oriide bai nɨp'aneesidama. Mãma ichi ome p'ɨrrɨapataɨrã chok'ará p'anɨ mãɨnepa waapẽarã ẽpẽerã minachia cheuta ome ará nɨbeesima. Mãɨ ẽpẽrarã Judea tuadepa, Jerusalenepa, senia choma ik'idaapema p'uuru Tirodepa mãɨnepa Sidonepa

Luca 9:18

Ewariaba Jesú itu ɨt'aa chiidimaa bɨde, chi ichi ome p'ɨrrɨapataɨrã ará p'anɨne, Jesupa idisima: —Ẽpẽrarãpa mɨ ¿k'aiyade a p'anɨma?

Luca 9:28

Mãɨya jarak'ari ewari ocho pa bɨde Jesú Tachi Ak'õrea ɨt'aa chiidide wãsima eyadea. Pedro, Juan, Santiago ome ateewãsima.

Luca 9:29

Mãma Jesupa Tachi Ak'õrea ɨt'aa chiidimaa bɨde ichi k'ĩra awara unupisima. Ichi neet'á t'ot'oa achiterrea beesima.

Juan 6:3

Maapae Jesú ichi ome p'ɨrrɨapataɨrã ome eyak'á p'eraade wãnak'ari jeeda suak'abari p'aneesidama.

Colosense 4:2

Ewaricha Tachi Ak'õrea ɨt'aa chiidi p'anat'ɨ. Ɨt'aa chiidiutade tau ɨbɨa p'anat'ɨ mãɨnepa Tachi Ak'õrea sõpia p'anɨane at'ɨ.

Hebreo 5:7

Cristo nãɨ k'ak'uade baside ɨbɨa jẽa bɨpa Tachi Ak'õrea jĩk'ua chichupuria idisima, ichi piui bɨdepema p'ue k'aripai bada pẽra. Mãɨne chi Tachi Ak'õrepa k'ɨ̃ria bɨ jĩra ooyade ada pẽra, Tachi Ak'õrepa ichi pedea ũrisima.