Luca 5:35 - Tachi Ak'õre Pedea

³⁵ Maamina chi ewari ará parude waapẽarã ẽpẽerãpa ichi ãyá ateewãnaipɨ. Mãɨ ewaridepuru ichia t'ɨ̃narãpa Tachi Ak'õrene k'ɨ̃risiadayá nek'odak'apɨ́ ewari oodaipɨ.

Luca 5:35 ပူးပေါင်းရင်းမြစ်များ

Mateo 9:15

Jesupa ãchiá jarasima: —Ɨmɨk'ĩrapa wẽra atarude ¿k'ai sõp'ua baima? Mãɨ ɨmɨk'ĩra chi ichia t'ɨ̃narã ome bɨmisa arapá p'ananaipɨ. Maamina chi ewari ará parude waapẽarã ẽpẽerãpa ichi ãyá ateewãnaipɨ. Maapaepuru ichia t'ɨ̃narãpa Tachi Ak'õrene k'ɨ̃risiadayá nek'odak'apɨ́ ewari oodai.

Marco 2:20

Maamina chi ewari ará parude waapẽarã ẽpẽerãpa ichi ãyá ateewãnaipɨ. Mãɨ ewaridepuru ichia t'ɨ̃narãpa Tachi Ak'õrene k'ɨ̃risiadayá nek'odak'apɨ́ ewari oodaipɨ.

Luca 17:22

Maapae Jesupa ichi ome p'ɨrrɨapataɨrã́ nãɨya jarasima: —Ewari chaarea cheipɨ. Mãɨ ewaride mãrapa mɨ, chi Ẽpẽra Warra abaɨpa unu k'ɨ̃rianaipɨ, maamina ununaiwẽma.

Luca 5:34

Jesupa ãchiá jarasima: —Ɨmɨk'ĩrapa wẽra atarupa arapaapataɨ ewari oo bɨde ¿ichia t'ɨ̃narã́ Tachi Ak'õrene k'ɨ̃risiadayá nek'odak'apɨ́ ewari oopiik'ãra?

Luca 5:36

Mãɨ awara Jesupa ãchiá nãɨya nepɨrɨsima jarateai k'orea: —Ẽpẽra abaɨ pida p'aru chiwidi k'õak'ari p'aru sorede wãak'ama. Mãɨya ooipɨra p'aru chiwidi ãriipɨ. Mãɨ awara chi p'aru chiwidi t'ɨɨda chi sore ome pia beeiwẽma.

Juan 12:8

Nenea k'ede ewaricha mãra t'ãena p'ananaipɨ, maamina mɨ mãra ome ewaricha baiwẽma.

Juan 13:33

Mãra mɨ warrarã pẽra mɨa jararuma: mɨ mãra ome tãaraa baiwẽma. Mɨa judiorã chi mãɨrã chaarearã́ jarada jĩra nãɨyana mãrá jararuma: mãrapa mɨ jɨrɨdaipɨ, maamina mɨ wãrumá p'ue wãnaiwẽma.

Juan 16:28

Mɨ Ak'õremãɨpa nãɨ ĩjũanea chesima. Maamina mɨa nãɨ ĩjũa ameeipɨ mɨ Ak'õremá mãicha wãi k'orea.

Hecho 1:9

Jesupa mãɨya jarak'ari ãareaɨrãpa ak'ɨ p'anɨne ɨt'aa ateewãsima. Mãɨne jɨ̃arapa ichi ɨ̃rɨ ãarea p'ãriona pẽra waa ununaé pasima.

Hecho 14:23

P'uurucha chi ĩjãapataɨrã t'ãena ũpẽarã ak'ɨpataɨrã bɨsidama. Maapae Tachi Ak'õrea ɨt'aa chiididak'ari, Tachi Ak'õrene k'ɨ̃risiadayá nek'odak'apɨ́ ewaride oodak'ari, chi Tachi Chipari ĩjãa p'anɨt'a ichi juade bɨsidama.

Hecho 3:21

Nãɨena Jesucristo pajãne bɨma aba Tachi Ak'õrepa ne ãarea mãicha pia oorudea. Tachi Ak'õrepa chõarãenapema ewaride chi ichi pari pedeapataɨrãnepa piarã mãɨya ooyade a basima.

1 Corintio 7:5

Mãra k'ak'ua mãra k'imá wãak'arãt'ɨ. Tachi Ak'õrea ɨt'aa chiidi k'ɨ̃ria p'anɨpɨra pedea aba bɨde bɨt'ɨ, mãɨ ewaride ará k'ãinawẽa p'aneenai k'orea. Maamina tãaraa mãɨya p'aneenaiwẽa p'anɨma. Mãɨya bak'ari mãicha ará k'ãinai p'anɨma, mãra p'ue choadawẽa p'aneeutade, tiorea tachi nemietá oopidaemaapa.

2 Corintio 11:27

Mimia bɨde mɨ minachia mĩapachima. Bari k'ak'o minachia k'ãiwẽa bapachima, jarra bapachima, opisia bapachima, nek'owẽa bapachima. K'õresãapa mɨ wɨwɨrrɨa bapachima, mãɨnepa neet'á nea bapachima.