Luca 5:32 - Tachi Ak'õre Pedea

³² Mɨ chi jĩp'a berã t'ɨ̃i k'orea chewẽa bɨma, mãɨpari nemietá oopataɨrãt'u t'ɨ̃ bɨma Tachi Ak'õremá chedamẽrá.

Luca 5:32 ပူးပေါင်းရင်းမြစ်များ

Mateo 18:10

»Warra chak'erã k'ɨ̃rianawẽa p'anarãt'ɨ. Mɨa jararuma: Tachi Ak'õrepa ɨt'aripa peedarã mɨ Ak'õre k'ĩrari p'anɨpa ãchi ak'ɨpatama.

Mateo 9:13

Nãɨ pedea k'ãre jara bɨ k'awayá wãt'ɨ: “Ãnimara peadak'ari, mɨ pae paateadai k'aepẽra mɨa k'ɨ̃ria bɨma mãrapa waapẽarã k'ĩra chupuria p'ananait'a”. Mɨ chi jĩp'a berã t'ɨ̃i k'orea chewẽa bɨma, mãɨpari nemietá oopataɨrãt'u t'ɨ̃ bɨma Tachi Ak'õremá chedamẽrá.

Marco 15:7

Mãɨne ẽpẽra aba Barrabá apataɨ basima. Mãɨ Barrabá chi ichidirã paara mãɨ k'ĩruupik'asidaɨde mĩa pea p'anasidama. Mãɨ k'orea eda jɨ̃a nɨbɨsidama chi ẽpẽerã ichidirã paara.

Marco 2:17

Mãɨ ũrik'ari Jesupa jarasima: —Chi k'ak'ua pia bepa nẽará teaparí jɨrɨdak'ama. Mãɨpari chi k'ak'ua piawẽa bepa ichi jɨrɨpatama. Mɨ chi jĩp'a berã t'ɨ̃i k'orea chewẽa bɨma, mãɨpari nemietá oopataɨrãt'u t'ɨ̃ bɨma Tachi Ak'õremá chedamẽrá.

Luca 15:10

Mɨa jararuma ara mãɨ jĩra nemietá ooparí aba Tachi Ak'õremá cherude Tachi Ak'õrepa ɨt'aripa peedarã ome minachia arapaapatama».

Luca 15:7

»Ara mãɨ jĩra mɨa mãrá jararuma: 99 jĩp'a be k'orea pajãnepemarã sõ arapaapatamina, atepe sõ arapaapatama ẽpẽra aba nemietá ooparí Tachi Ak'õremá cherude.

Luca 19:10

Piarã mɨ, chi Ẽpẽra Warrapa chi o atua berã jɨrɨde chesima k'aripai k'orea.

Luca 24:47

Maapae ichi t'ɨ̃nepa ichide ĩjãa berãpa ẽpẽrarã́ jaradaipɨ ãchi nemietá itu bɨdak'ari Tachi Ak'õremá chedamẽrá. Mãɨya Tachi Ak'õrepa ãchi nemietá k'ɨ̃risia atuaipɨ. Mãɨ naa Jerusalén p'uurude jaradak'ari jõma p'uuru becha jarade wãnaipɨ.

Luca 5:31

Jesupa ãchiá jarasima: —Chi k'ak'ua pia bepa nẽará teaparí jɨrɨdak'ama. Mãɨpari chi k'ak'ua piawẽa bepa ichi jɨrɨpatama.

Luca 5:33

Waapẽarãpa Jesua jarasidama: —Juan chi Porochoaparí ome p'ɨrrɨapataɨrãpa Tachi Ak'õrea ɨt'aa chiidiutade minachia Tachi Ak'õrene k'ɨ̃risiadayá nek'odak'apɨ́ ewari oopatama. Ara mãɨ jĩra p'ariseorã ome p'ɨrrɨapataɨrã pida oopatama. Maamina chi pɨ ome p'ɨrrɨapataɨrãpa ¿k'ãre k'orea mãɨya oodak'ama?

Hecho 17:30

Ẽpẽerãpa chi Tachi Ak'õre atua p'ananapa naena mãɨya oodada ichia itu bɨsima. Maamina idiapae jara bɨma ãarea tuachadepemarãpa nemietá itu bɨdak'ari ichide ĩjãanamẽrá.

Hecho 2:38

Mãɨne Pedropa p'anoosima: —Machi nemietá oo p'anana itu bɨdak'ari Tachi Ak'õremá chet'ɨ. Jesucristo t'ɨ̃nepa porochoat'ɨ. Mãɨne mãrapa nemietá oo p'anana Tachi Ak'õrepa k'ɨ̃risia atuak'ari ichi Jaore mãrá teaipɨ.

Hecho 20:21

Judiorã́ mãɨnepa judiorãwẽa mɨa jarasima nemietá oopataɨ itu bɨdak'ari Tachi Ak'õremá chedamẽrá mãɨnepa tachi Chipari Jesucristode ĩjãanamẽrá.

Hecho 3:19

Chi mãrapa nemietá oodada itu bɨdak'ari Tachi Ak'õremá chet'ɨ. Mãɨya oosidara Tachi Chiparipa mãrapa nemietá oodaadat'a k'ɨ̃risia atuak'ari sõpiapiipɨ.

Hecho 3:26

Tachi Ak'õrepa chi ichi pae pari mimiaparí Jesú chok'ae p'irabarik'ari naa mãramá peesima k'aripamẽrá. Machicha k'aripa bɨma mãrapa nemietá oopataɨ itu bɨdamẽrá».

Hecho 5:31

Tachi Ak'õrepa Jesú ichi juaraari bɨsima Tachi Chipari mãɨnepa Tachi K'aripaparí bamẽrá. Ichidepa israel ĩjũanepemarãpa nemietá itu bɨdak'ari mãicha Tachi Ak'õremá p'ue chedaipɨ. Mãɨyara ãchia nemietá oodada Tachi Ak'õrepa k'ɨ̃risia atuaipɨ.

2 Pedro 3:9

Tachi Chipari cheyade adaedapema tãaraaru pẽra, waapẽarãpa cheiwẽane a k'ɨ̃risia p'anɨma. Maamina mãɨyawẽma. Mãɨpari mãra k'orea ãarea choa bɨ pẽra tãaraaruma. Ichia k'ɨ̃riawẽa bɨma mi aba pida atuait'a. K'ɨ̃ria bɨma ãareaɨrãpa nemietá itu bɨdak'ari ichimá chedait'a.