Luca 5:17 - Tachi Ak'õre Pedea

¹⁷ Ewariaba Jesupa jaratea bɨde p'ariseorã mãɨnepa Moisepa bɨda jarateapataɨrã arí suak'abari p'anasidama. Ãchi Galilea tuadepa, Judea tuadepa mãɨnepa Jerusalén p'uurudepa che p'anasidama. Mãɨne Tachi Chipari jua chaareadepa Jesupa k'ɨdade be jɨpa beepipachima.

Luca 5:17 ပူးပေါင်းရင်းမြစ်များ

Mateo 11:5

Tau p'ãrio beadapa unu p'aneesidama, bɨɨrɨ sorek'ea beada t'ɨa p'aneesidama; aidapa k'ɨdade bada jɨpa p'aneesidama; k'ɨɨrɨ k'ii beada ũri p'aneesidama; piudada pada chok'ae p'aneesidama. Mãɨ awara chupuria k'edea chi pedea pia Tachi Ak'õrepa ãchi k'aripai k'orea ũri p'anɨma.

Mateo 15:1

Mãɨya bak'ari waapẽarã p'ariseorã mãɨnepa Moisepa bɨda jarateapataɨrã Jerusalén p'uurudepa Jesumá chedak'ari idisidama:

Marco 1:45

Maamina ãareaɨrã́ ichi jɨpa beeda mẽrawẽa nepɨrɨ beesima. Mãɨ k'orea Jesú mi ãpia pida p'uurude waapẽarã p'uuru bemaapida wãiwẽa basima. Mãɨpari p'uuru awara nipapachima ẽpẽerã beadak'amá. Maamina ẽpẽerã p'uuruchadepemarã ichimá wãpachidama.

Marco 16:18

Taama ara ãchi juapa jitadaipɨ. Nearã́ mietá todaipɨra mãɨpa ãchi jitaiwẽma. Mãɨnepa chi k'ɨdade berã ãchi jua ɨ̃rɨ bɨutade mãɨ jɨpa p'aneenaipɨ».

Marco 3:22

Maamina Moisepa bɨda jarateapataɨrã Jerusalén p'uurudepa chedaadapa jarasidama: —Jãɨ Jesú jãɨya bɨma chi jaore mietaarã chi atepe bɨ Beelzebú ichi k'ak'uade uru bɨ pẽra. Ichia jaore mietá ãyá jeret'aaparima, Beelzebupa mãɨ jua chaarea teada pẽra.

Marco 5:30

Maamina Jesupa k'awasima ichi jua chaareadepa abaɨ jɨpa beesit'a. Mãɨpuru jĩitea ak'ɨk'ari idisima: —Mɨ neet'á ¿k'aipa t'õmarisima?

Marco 7:1

Ewariaba p'ariseorã mãɨnepa Moisepa bɨda jarateapataɨrã Jerusalén p'uurudepa Jesumá chesidama.

Luca 15:2

Mãɨpuru p'ariseorãpa mãɨnepa Moisepa bɨda jarateapataɨrãpa ichi k'orea nãɨya piawẽa pedea p'aneesidama: «Ichia nemietá oopataɨrã́ pia pedeak'ari ãchi ome nek'oparima».

Luca 2:46

Ewari ũpeaɨde ichi unusidama Tachi Ak'õre te eda Moisepa bɨda jarateapataɨrã t'ãena suak'abari bɨt'a. Ãchia jaratea p'anɨ ũri basima mãɨnepa ãchiá ne idipachima.

Luca 5:21

Mãɨ ũrisidaɨde chi arí p'anɨ p'ariseorãpa mãɨnepa Moisepa bɨda jarateapataɨrãpa nãɨya jarasidama: «Ichi ¿k'ai k'ɨ̃risia bɨma? ¿K'ãre k'orea mãɨya Tachi Ak'õre k'ĩrari piawẽa pedea bɨma? Aba Tachi Ak'õrepuru ẽpẽrapa nemietá ooda p'ue k'ɨ̃risia atuaipɨ».

Luca 5:30

Mãɨ unusidaɨde Moisepa bɨda jarateapataɨrãpa mãɨnepa p'ariseorãpa Jesú ome p'ɨrrɨapataɨrã́ nãɨya k'achia pedeasidama: —¿K'ãre k'orea Romanepema pae erreara jɨrɨp'epataɨrã ome mãɨnepa waapẽarã nemietá oopataɨrã ome ará nek'oparima?

Luca 6:19

Ãarea chi k'ak'ua piawẽa berãpa ichi t'õmari k'ɨ̃ria p'anasidama Tachi Ak'õre jua chaareadepa jɨpa beepii bɨẽra.

Luca 7:30

Maamina p'ariseorãpa mãɨnepa Moisepa bɨda jarateapataɨrãpa Tachi Ak'õrepa ãchi pae oo k'ɨ̃ria bada itu bɨsidama. Mãɨpuru Juanpa ãchi porochoaé pasima.

Luca 8:46

Maamina Jesupa jarasima: —Abaɨ pida mɨ t'õmarisima. Mɨa k'awa bɨma mɨ jua chaareadepa ichi jɨpa beesit'a.

Juan 3:10

Jesupa p'anoosima: —Pɨ Israeldepemarã́ Tachi Ak'õre pedea jarateaparí chi minachia k'awa bɨmina ¿mãɨ atua bɨk'ãra?

Juan 3:21

Maamina ãarea chi piarã oopataɨrã chi ɨnaa bɨdea che p'anɨma, ãchia mãɨ Tachi Ak'õrepa k'ɨ̃ria bɨ jĩra oopataɨ ãareaɨrãpa k'awadamẽrá.

Hecho 19:11

Tachi Ak'õrepa minachia ẽpẽerãpa ne p'ue oodak'apɨ́ waibɨa Pablodepa oopachima.

Hecho 4:30

Pɨ jua chaarea bɨdepa chi k'ɨdade berã jɨpa beepise mãɨnepa chi pɨ pae pari mimiaparí jĩp'a bɨ Jesú t'ɨ̃nepa ẽpẽerãpa ne p'ue oodak'apɨ́ ãarea oose».

Hecho 5:34

Mãɨne p'ariseo Gamaliel apataɨ basima. Mãɨ Gamaliel Moisepa bɨda jarateaparí chi minachia k'awa bɨ pasima. Ãareaɨrãpa ichi minachia wap'ea p'anasidama. Gamaliel p'irabarik'ari chi Jesupa peedaɨrã tajatá ateewãpisima.