Luca 4:23 - Tachi Ak'õre Pedea

²³ Jesupa jarasima: —Mãrapa nãɨ pedea mɨá jaradaima: “Nẽará teaparí, ara pɨchi tuaba jɨpa beepise. Pɨa Capernaune ooda taipa ũrisidama. Nãma pɨ p'uurude pida ara mãɨya abarik'a oose”.

Luca 4:23 ပူးပေါင်းရင်းမြစ်များ

Mateo 13:54

Maapae ichi p'uurudea chesima. Ewariaba judiorã ará pedeapataɨ tede jaratea basima. Chi ũri p'anɨpa k'awa k'ɨ̃risiadaé pasi pẽra nãɨya jarasidama: —Nãɨpa ¿sãmãɨpa jãɨ k'ɨ̃risia k'awa atasima? ¿Sãmaasã́ ẽpẽerãpa ne p'ue oodak'apɨɨrã ichia mãɨ p'ue ooima?

Mateo 4:13

Maamina Nazaré p'uurude beé pasima, mãɨpari Capernaum p'uurude bade wãsima. Mãɨ p'uuru senia choma ik'idá bɨma. Nep'talidepa chedaadarã Israel ĩjũane bɨma ichiaba Zabulonepa chedaadarã ĩjũa k'ait'a bɨma.

Mateo 4:23

Jesú Galilea tuade ãarea p'ɨrrɨasima. Judiorã ará pedeapataɨ techa jarateapachima Tachi Ak'õrepa ichidirã ichi juade ua bai k'orea. Mãɨ pedea pia jarateade wãrucha ãarea ẽpẽrarã k'ak'ua piawẽa be jɨpa beepik'oapachima.

Marco 6:1

Mãmãɨpa Jesú ichi p'uurudea wãsima. Ichi ome p'ɨrrɨapataɨrã sida wãsidama.

Luca 2:39

Moisepa bɨdade bɨ jĩra jõma ook'ari José, María ome Galilea tuade ãchi p'uuru Nazaredea jĩitea wãsidama.

Luca 2:51

Maapae Jesú ãchi ome Nazaredea wãsima. Mãma ãchi ome chok'ea bapachima. Jõma Jerusalene mãɨyana chi naepa minachia pia k'ɨ̃risia bapachima.

Luca 4:16

Maapae Jesú ichi warida pada p'uuru Nazaredea wãsima. Mimianak'apɨ́ ewaride ichia oopari jĩra judiorã ará pedeapataɨ tede eda wãsima. Maapae ichi bai nɨbeesima Tachi Ak'õre pedea eda jarai k'orea.

Luca 4:31

Mãɨya bak'ari Jesú Galilea tuade Capernaum p'uurudea wãsima. Mimianak'apɨ́ ewaride ichia jaratea basima.

Luca 4:35

Jesupa chi jaore mietá nãɨya ɨtɨasima: —K'ĩup'ease. Jãɨ k'ak'uadepema ãyá wãse. Ara mãɨne chi jaore mietapa chi ẽpẽra jeeda baepik'ari ãyá wãsima, mãɨ p'ua oowẽa.

Luca 6:42

Pak'uru waibɨa machi taujãne bɨ ununawẽa p'anɨpɨra ¿sãmaasã́ waapẽarã́ nãɨya jaradaima: “Nejarra pɨ taujãne bɨ mɨa aubariipɨ”? ¡Mãrapa jarapataɨ jĩra oodak'ama! Nãɨrã pak'uru waibɨa machi taujãne bɨ aubarit'ɨ. Mãɨya p'ue ununaipɨ nejarra waapẽarã taujãne bɨ aubaridai k'orea. Ara mãɨ jĩra pɨa nemietá oo bɨ itu bɨse. Mãɨyapuru waapẽarã p'ue k'aripaipɨ.

Juan 4:28

Maapae wẽrapa ichi chok'o ameek'ari p'uurudea wãsima. Chek'ari ẽpẽerã́ jarasima:

2 Corintio 5:16

Mãɨ k'orea nãɨ ĩjũanepemarãpa waapẽarã ak'ɨpata jĩra naapae taipa mãɨya ak'ɨdak'ama. Naena taipa Cristo k'orea mãɨya k'ɨ̃risia p'anɨmina naapae mãɨya oodak'ama.