Luca 4:20 - Tachi Ak'õre Pedea

²⁰ Eda jarak'ari, k'art'a pɨrak'ari chi ak'ɨparia teasima. Maapae suak'abari beesima jarateai k'orea. Jõmãɨrãpa ichi ak'ɨ tuanasidama.

Luca 4:20 ပူးပေါင်းရင်းမြစ်များ

Mateo 26:55

Maapae Jesupa ãchiá jarasima: —Mãrapa ¿k'ãre k'orea k'ĩruuparí nek'o mãɨnepa pak'uru paara mɨ jãɨya jitade chesidama? ¿Mãramá, mɨ chi nechɨaparí mietá bɨk'ãra? Mɨa ewaricha Tachi Ak'õre te eda mãrá jaratea suak'abari bapachima. ¿K'ãre k'orea mɨ mãma jõmãɨrã taade jitadaé pasima?

Mateo 27:60

Maapae p'ẽya uria chiwidi k'orodade eda bɨsima. Chi uria mãɨ Josedé pasima. Maapae mawara waibɨa bɨt'a chi uriadea pɨrabari ateewãk'ari jɨ̃ap'et'a nɨbak'ari wãsima.

Luca 19:48

Maamina p'ue peadaé pasima jõmãɨrãpa ichi pedea ewaricha ũri p'anɨ pẽra.

Luca 4:17

Mãɨne Tachi Ak'õre pari pedeaparí Isaía k'art'a bɨda ichiá teasidama. Mãɨ t'uya bɨ ẽrak'ari nãɨ pedea jɨrɨk'ari jĩk'ua eda jarasima:

Luca 4:21

Mãɨne Jesupa jarasima: —Mãɨ pedea eda jarada idi mãra k'ĩrari mãɨya baeruma.

Luca 5:3

Mãɨne Jesú Simón Pedro p'ãp'orrode batook'ari jarasima to ik'idaɨpa ãpia eda waa ateewãmẽrá. Maapae p'ãp'orrode suak'abari beek'ari jõma arí p'anɨrã́ jaratea beesima.

Juan 8:2

Norema tap'ede mãicha Tachi Ak'õre tede eda wãsima. Mãma bɨde ẽpẽerã minachia ichimá cheepɨrɨsidama. Jeeda suak'abari beek'ari ãchiá jaratea beesima.

Hecho 16:13

Mimianak'apɨ́ ewaride tai p'uuru tajatá wãnak'ari toedá wãsidama. Mãma judiorãpa Tachi Ak'õrea ɨt'aa chiidipataɨde ununai k'ɨ̃risiasidama. Wãutade wẽrarã ará posoa nɨbɨ unusidama. Jeeda suak'abari p'aneenak'ari taipa ãchiá pedeasidama.

Hecho 3:12

Pedropa mãɨ unuside jarasima: «Israeldepemarã, ¿k'ãre k'orea k'awa k'ɨ̃risiadawẽa p'anɨma? ¿K'ãre k'orea tai ak'ɨ p'anɨma? ¿K'ɨ̃risia p'anɨk'ãra ara tai jua chaareadepa wa tai Tachi Ak'õre k'ĩrari jĩp'a p'anɨ pẽra nãɨ ẽpẽra jɨpa beepisidat'a? ¡Mãɨyawẽma!