Luca 4:17 - Tachi Ak'õre Pedea

¹⁷ Mãɨne Tachi Ak'õre pari pedeaparí Isaía k'art'a bɨda ichiá teasidama. Mãɨ t'uya bɨ ẽrak'ari nãɨ pedea jɨrɨk'ari jĩk'ua eda jarasima:

Luca 4:17 ပူးပေါင်းရင်းမြစ်များ

Luca 16:29

Maamina Abrahanpa ichiá jarasima: “Moisepa bɨda mãɨnepa Tachi Ak'õre pari pedeapataɨrãpa bɨdada sida ãchia uru p'anɨma. Mãɨt'a ĩjãanai p'anɨma”.

Luca 20:42

Davipa Salmo k'art'ade nãɨya jarasima: “Tachi Chiparipa jarasima Mɨ Chiparia: mɨ juaraari suak'abari beese, aba mɨa pɨchi nek'ĩramá pɨchi juade bɨrudea”.

Luca 4:16

Maapae Jesú ichi warida pada p'uuru Nazaredea wãsima. Mimianak'apɨ́ ewaride ichia oopari jĩra judiorã ará pedeapataɨ tede eda wãsima. Maapae ichi bai nɨbeesima Tachi Ak'õre pedea eda jarai k'orea.

Luca 4:18

«Tachi Ak'õre Jaore mɨ ome bɨma. Ichia mɨ jɨrɨ atasima chi nenea k'edea jaramẽrá Tachi Ak'õrepa ãchi k'aripait'a. Ichia mɨ peesima chi k'ɨ̃risia pará, sõp'ua be sõpiapik'oamẽrá, chi jita uadaadaɨrã ãchi k'ẽet'aapii jaramẽrá, tau p'ãrio be unupimẽrá, chĩara jua chaareade mĩa be pia bɨk'oamẽrá mãɨnepa jaramẽrá nãɨ ewaride Tachi Chiparipa ẽpẽrarã pia ooit'a».

Luca 4:20

Eda jarak'ari, k'art'a pɨrak'ari chi ak'ɨparia teasima. Maapae suak'abari beesima jarateai k'orea. Jõmãɨrãpa ichi ak'ɨ tuanasidama.

Hecho 13:15

Maapae chi chaarearãpa Moisepa bɨdadepema mãɨnepa Tachi Ak'õre pari pedeapataɨrãpa bɨdaadadepema jĩk'ua eda jarasidama. Maapae ãchia Pablo mãɨnepa Bernabé suak'abari p'anɨmá nãɨya jara peesidama: —Ũpẽarã, mãrapa pedea aba uru p'anɨpɨra tai k'aripadai k'orea, mãɨyara pedeat'ɨ.

Hecho 13:27

Jerusalenepemarãpa mãɨnepa ãchi chaarearãpa Jesú Tachi K'aripaparí k'awadaé pasima. Tachi Ak'õre pari pedeapataɨrãpa bɨdada mimianak'apɨ́ ewaricha jĩk'ua eda jarapatamina chi ichi k'orea bɨdada k'awadaé pasima. Mãɨpari Jesú peapisidaɨde mãɨ pedea jara bɨt'a piarã oosidama.

Hecho 7:42

Mãɨpuru Tachi Ak'õrepa ãchi itu bɨk'ari chi pajãnepema sãdo minachia p'anɨne itu ĩjãapisima. Mãɨne ãchia mãɨrã́ pia pedea p'aneesidama. Mãɨ k'orea chi Tachi Ak'õre pari pedeapataɨrã k'art'ade nãɨya bɨ bɨma: “Israel ĩjũanepemarã, mãra cuarenta ãyo ĩjũa pania newẽa bɨde tuanasidaɨde ¿ãnimara mɨá paateapachidak'ãra?