Luca 3:8 - Tachi Ak'õre Pedea

⁸ Mãrapa oo p'anɨnepa unupit'ɨ piarã machi nemietá ooparí itu bɨdak'ari Tachi Ak'õremá chesidaɨt'a. K'ɨ̃risiarãt'ɨ Abrahanepa chedaadarã pẽra Tachi Ak'õrepa ɨtɨaiwẽane arãt'ɨ. Mɨa mãrá jararuma: Tachi Ak'õrepa k'ɨ̃riaipɨra, cha be mawaradepa Abrahanepa chedaadarã papik'oaipɨ.

Luca 3:8 ပူးပေါင်းရင်းမြစ်များ

Mateo 3:8

Mãrapa oo p'anɨnepa mãra nemietá oo p'anana piarã itu bɨdada unupit'ɨ.

Mateo 3:9

K'ɨ̃risiarãt'ɨ Abrahanepa chedaadarã pẽra Tachi Ak'õrepa ɨtɨaiwẽane arãt'ɨ. Mɨa mãrá jararuma: “Tachi Ak'õrepa k'ɨ̃riaipɨra, cha be mawaradepa Abrahanepa chedaadarã papik'oaipɨ”.

Luca 13:25

Te chiparipa chi eda wãpataɨ jõat'ɨk'ari chi tajata p'anɨpa nãɨya t'ɨ̃ jaradaipɨ ewamẽrá: “Tai chipari, tai chipari, ewase”. Maamina chi te chiparipa p'anooipɨ: “Mɨa mãra unuk'ama mãɨnepa sãmapema atuama”.

Luca 13:26

Chi tajata p'anɨpa nãɨya jaradaipɨ: “Tai pɨ ome ará nek'osidama, netosidama mãɨnepa pɨa tai p'uurude jaratea nipaside arí p'anasidama”.

Luca 14:9

Mãɨyara chi chiparipa pɨá jaraipɨ: “Ãyá wãse. Cha bɨ ẽpẽra nãma suak'abari beeipɨ”. Mãɨya oorude pɨ minachia k'ĩra p'eraipɨ chi wariwẽa be ome suak'abari beei pẽra.

Luca 19:40

Maamina Jesupa ãchiá jarasima: —Mɨa piarã mãrá jararuma, ãchi k'ĩup'eadaipɨra mawara biadaipɨ.

Luca 19:9

Jesupa ichiá jarasima: —Idi Tachi Ak'õrepa pɨ, pɨ tiidaɨrã sida k'aripasima, pɨa ĩjãa bɨẽra Abrahanpa ĩjãana jĩra.

Luca 5:21

Mãɨ ũrisidaɨde chi arí p'anɨ p'ariseorãpa mãɨnepa Moisepa bɨda jarateapataɨrãpa nãɨya jarasidama: «Ichi ¿k'ai k'ɨ̃risia bɨma? ¿K'ãre k'orea mãɨya Tachi Ak'õre k'ĩrari piawẽa pedea bɨma? Aba Tachi Ak'õrepuru ẽpẽrapa nemietá ooda p'ue k'ɨ̃risia atuaipɨ».

Juan 8:33

Maamina ãchia jarasidama: —Tai Abrahanepa ununana pẽra, tai chipari pae pari mimiapataɨrãwẽpɨ. ¿Sãmaasã́ pɨa tai pari ãjã́ p'ananayane a bɨma?

Juan 8:39

Ãchia p'anoosidama: —Tai chõarãenapema ak'õre Abrahanpɨ. Maamina Jesupa jarasima: —Mãra piarã Abrahán warrarã padapara ichia ooda jĩra oodai pasima.

Hecho 26:20

Mɨa naena Damasco p'uurudepemarã́ jarasima ãchia nemietá oopataɨ itu bɨdak'ari Tachi Ak'õremá chedamẽrá. Mãɨya nak'ari Jerusalén p'uurude, ãarea Judea tuade mãɨnepa judiorãwẽmá pida abarik'a jarasima. Ãareaɨrã́ jarasima pia oo p'ananai p'anɨma, ãchia nemietá oodada piarã itu bɨdaadat'a unupidai k'orea.

Romano 4:16

Tachi Ak'õrepa teai jarada tachia jitadaipɨ ichide ĩjãa p'anɨ pẽra. Tachi Ak'õrepa ichi sõpiadepa mãɨ pari tea bɨma. Mãɨpuru jõma Abrahán ẽpẽrarã, chi Moisepa bɨdadepa p'anɨrãpa, mãɨ piarã jitadaipɨ. Maamina abapuru ãchiapuru jitadaiwẽma, mãɨpari judiorãwẽ pida Abrahán jĩra Tachi Ak'õrene ĩjãanaipɨra jitadaipɨ. Mãɨya Abrahán jõma tachi, chi Tachi Ak'õrene ĩjãa berã ak'õrepɨ.

Romano 9:7

Mãɨnepa jõma Abrahanepa chedada Tachi Ak'õre k'ĩrari Abrahán warrarãwẽma. Tachi Ak'õrepa Abrahaná nãɨya jarasima: «Pɨ warra Isaadepa warrarã minachia ununaipɨ».

P'ilipense 1:11

Mɨa ɨt'aa chiidi bɨma mãra Jesucristodepa ne ãareaɨne jĩp'a p'ananamẽrá. Mãɨya ẽpẽrarãpa Tachi Ak'õre chi atepe bɨade adaipɨ mãɨnepa ichiá pia pedeadaipɨ.