Luca 3:22 - Tachi Ak'õre Pedea

²² Ewa wãk'ari Tachi Ak'õre Jaore pajãnepa p'aloma jĩra ichi ɨ̃rɨ chesima. Mãɨne Tachi Ak'õrepa pajãnepa edá nãɨya pedeasima: «Pɨ mɨ Warra chi k'ɨ̃ria bɨpɨ. Pɨ k'orea mɨ minachia sõ arapá bɨma».

Luca 3:22 ပူးပေါင်းရင်းမြစ်များ

Mateo 12:18

Nãɨya jarasima: Nãɨ mɨa jɨrɨ atada chi mɨ pae pari mimiaparipɨ. Mɨa ichi k'ɨ̃ria bɨma. Ichi k'orea mɨ piarã sõpia bɨma. Mɨ Jaore ichiá teaipɨ. Ichia p'uuru becha mɨa jĩp'a ook'oa bɨ k'orea jaraipɨ.

Mateo 17:5

Pedro mãɨya pedeamaa bɨde jɨ̃ara ɨnaa bɨpa ãchi ãarea t'ausima. Jɨ̃ara mãɨya cheside nãɨ pedea jĩk'ua ũrisidama: «Nãɨt'a mɨ Warrapɨ. Mɨa ichi minachia k'ɨ̃ria bɨma. Mɨ ichi k'orea arapá bɨma. Ichia jara bɨ ũrit'ɨ».

Mateo 27:43

Ichia k'ɨ̃risia bɨma Tachi Ak'õre ichi ome bɨt'a. ¿Ichi Tachi Ak'õre Warraade aé pasik'ãra? Mãɨya bɨpɨra Tachi Ak'õrepa ichi piarã k'ɨ̃ria bɨpɨra, ara nãɨena k'aripai pia bɨma.

Mateo 3:13

Mãɨ ewaride Jesú Galilea tuadepa Jordán todea chesima Juanpa ichi porochoamẽrá.

Mateo 3:16

Jesú porochoak'ari toedaɨpa tuá wãrune mãɨya bɨde pajã ewa wãsima. Mãɨne Jesupa Tachi Ak'õre Jaore p'aloma jĩra ichi ɨ̃rɨ cheru unusima.

Mateo 3:17

Mãɨ awara Tachi Ak'õre pajãnepa edá pedearu ũrisidama. Nãɨya jarasima: «Nãɨt'a mɨ Warra chi k'ɨ̃ria bɨpɨ. Mɨ ichi k'orea minachia sõ arapá bɨma».

Marco 1:11

Tachi Ak'õrepa pajãnepa edá nãɨya pedeasima: «Pɨ mɨ Warra chi k'ɨ̃ria bɨpɨ. Pɨ k'orea mɨ sõ arapá bɨma».

Marco 1:9

Mãɨ ewaride Jesú Nazaré p'uuru Galilea ĩjũane bɨdepa Juan bɨmá wãsima. Mãma cheside Juanpa Jordán tode ichi porochoasima.

Marco 9:7

Mãɨya bɨde jɨ̃arapa ãchi ãarea t'ausima. Mãɨ jɨ̃aranepa nãɨ pedea jĩk'ua ũrisidama: «Nãɨ mɨ Warrapɨ. Ichi mɨa minachia k'ɨ̃ria bɨma. Ichia jara bɨt'a ũrit'ɨ».

Luca 2:14

«¡Tachi Ak'õre ɨt'ɨ pajãne bɨ pi-ia bɨma! ¡Tachi Ak'õrepa pia unu bɨ ẽpẽrarã nãɨ ĩjũane ne k'ɨ̃risiadawẽa p'ananaima!»

Luca 4:21

Mãɨne Jesupa jarasima: —Mãɨ pedea eda jarada idi mãra k'ĩrari mãɨya baeruma.

Juan 1:32

Mãɨnepa jarasima: «Mɨa unusima Tachi Ak'õre Jaore pajãnepa p'aloma jĩra chek'ari Jesú ɨ̃rɨ beesit'a.

Juan 12:28

Mãɨpari jararuma: Ak'õre, mãɨ mɨ mĩarunepa ãareaɨrã́ k'awapise pɨ chi Choma bɨt'a. Mãɨne ẽpẽerã arí p'anɨrãpa pedea pajãne ũrisidama. Mãɨ pedeapa jarasima: «Mɨa naena k'awapisima mɨ chi Choma bɨt'a mãɨnepa mãicha k'awapiipɨ».

Juan 5:37

Piarã mɨ Ak'õre, chi mɨ Peedapa mɨ k'orea pedea bɨma. Maamina mãrapa ichi pedea ũrinak'ama mãɨnepa ichi ununak'ama.

Hecho 10:38

Mãɨ ewaride Tachi Ak'õrepa ichi Jaore mãɨnepa ichi jua chaarea Jesú Nazaredepemá teasima. Tachi Ak'õre ichi ome bada pẽra Jesupa nepia oo p'ɨrrɨa bapachima mãɨnepa chi ẽpẽerã tiorepa piawẽa uru beadat'a ãarea jɨpa beepipachima.

Colosense 1:13

Tachi Ak'õrepa chi p'ãrionepema tiore juadepema tachi k'aripak'ari bɨsima ichi Warra k'ɨ̃ria bɨ juade ichidirã paara ua bamẽrá.

1 Pedro 2:4

Tachi Chipari Jesucristomá chet'ɨ. Ichi chok'ae bɨma mãɨnepa mawara te oopataɨ jĩra bɨma. Ẽpẽrarãpa ichi itu bɨsidama, maamina Tachi Ak'õrepa mãɨ mawara pia, neepɨa k'ɨrɨt'a jɨrɨ atasima.