Luca 3:13 - Tachi Ak'õre Pedea

¹³ Juanpa ãchiá jarasima: —Mãrapa erreara jɨrɨp'eutade atepe idirãt'ɨ.

Luca 3:13 ပူးပေါင်းရင်းမြစ်များ

Mateo 7:12

Mãrapa k'ɨ̃ria p'anɨma waapẽarãpa mãra pia oodait'a. Mãɨpuru, ara mãɨ jĩra mãrapa waapẽarã pia oot'ɨ, chi Moisepa bɨdade mãɨnepa Tachi Ak'õre pari pedeapataɨrãpa bɨdade jãɨya jara bɨẽra.

Luca 19:8

Ichi tiida padak'ari Zak'eo Jesú k'ĩrari bai nɨbeek'ari jarasima: —Mɨ Chipari, nenea k'ederã́ mɨa erreara mãɨnepa neet'á uru bɨdepema ak'ɨk'ari, abarik'a teaipɨ. Mãɨ awara erreara aba sea chɨa badapɨra, mãɨ aba chɨada pari bari k'ak'o k'ĩmari teaipɨ.

Luca 3:12

Mãɨya bɨde Romanepema pae erreara jɨrɨp'epataɨrã porochoadai k'orea chesidama. Maapae ãchia idisidama: —Jarateaparí, taipa ¿k'ãre oodai p'anɨma?

Luca 3:14

Mãɨne papaká berã arí p'anɨpa Juaná idisidama: —Taipa ¿k'ãre oodai p'anɨma? Juanpa p'anoosima: —Wap'eapidak'ari chĩara erreara ẽemarirãt'ɨ mãɨnepa seadepa chĩara k'orea k'achia pedearãt'ɨ. Sõpia p'anat'ɨ ara mãrá erreara p'aa p'anɨnepa.

Ep'esio 4:28

Chi nechɨaparí pada waa nechɨaiwẽa bɨma, mãɨpari ara ichi juapa mimiai bɨma ne uru bai k'orea. Mãɨya ichia uru baipɨ nenea k'ede k'aripai k'orea.

Hebreo 12:1

Mãɨ ẽpẽerã minachia p'anɨrãpa Tachi Ak'õrene piarã ĩjãasida pẽra tachia pida ara mãɨ jĩra ĩjãa p'ananai p'anɨma. Chi tachiá itu ĩjãapik'aɨ mãɨnepa nemietaapa tachi pɨra uru baparí ãyá bɨdak'ari ãarea choa p'anɨnepa naa wãtɨma tachi wãnai p'anɨmá.