Luca 24:47 - Tachi Ak'õre Pedea

⁴⁷ Maapae ichi t'ɨ̃nepa ichide ĩjãa berãpa ẽpẽrarã́ jaradaipɨ ãchi nemietá itu bɨdak'ari Tachi Ak'õremá chedamẽrá. Mãɨya Tachi Ak'õrepa ãchi nemietá k'ɨ̃risia atuaipɨ. Mãɨ naa Jerusalén p'uurude jaradak'ari jõma p'uuru becha jarade wãnaipɨ.

Luca 24:47 ပူးပေါင်းရင်းမြစ်များ

Mateo 28:19

Mãɨ k'orea ãarea p'uuru becha wãnak'ari jarateat'ɨ mɨ ome p'ɨrrɨadamẽrá. Ãchi chi Ak'õre t'ɨ̃nepa, chi Warra t'ɨ̃nepa, Tachi Ak'õre Jaore t'ɨ̃nepa porochoat'ɨ.

Mateo 3:2

Nãɨya jarapachima: «Pajãne Bɨ cheruma ichidirã ichi juade ua bai k'orea. Mãɨ k'orea mãrapa nemietá oopataɨ itu bɨdak'ari ichimá chet'ɨ».

Mateo 9:13

Nãɨ pedea k'ãre jara bɨ k'awayá wãt'ɨ: “Ãnimara peadak'ari, mɨ pae paateadai k'aepẽra mɨa k'ɨ̃ria bɨma mãrapa waapẽarã k'ĩra chupuria p'ananait'a”. Mɨ chi jĩp'a berã t'ɨ̃i k'orea chewẽa bɨma, mãɨpari nemietá oopataɨrãt'u t'ɨ̃ bɨma Tachi Ak'õremá chedamẽrá.

Luca 13:34

»¡Jerusalén, Jerusalén, mãrapa Tachi Ak'õre pari pedeapataɨrã peapatama! ¡Tachi Ak'õrepa peedarã sida mawarapa bat'a peapatama! Mɨa bari k'ak'o minachia mãra ará jerep'e k'ɨ̃ria basima et'erre wẽrapa ichi warrarã ĩk'arra ek'ari jerep'epari jĩra. Maamina mãrapa k'ɨ̃rianaé pasima.

Hecho 10:43

Ãarea Tachi Ak'õre pari pedeapataɨrãpa mãɨ k'orea pedeasidama. Ãchia k'awapisidama parituapa Jesude ĩjãaipɨra, mãɨ ẽpẽrapa nemietá oo bada Tachi Ak'õrepa ichidepa k'ɨ̃risia atuait'a.

Hecho 11:18

Jerusalenepema ũpẽarãpa mãɨ ũrisidaɨde waa k'achia pedeadaé pasima, mãɨpari Tachi Ak'õrea nãɨya pia pedeasidama: —¡Piarã Tachi Ak'õrepa judiorãwẽ sida k'aripasima ãchi nemietá oodada itu bɨdak'ari ichimá chedamẽrá! ¡Mãɨya ewaricha ichi ome chok'ae p'ananaipɨ!

Hecho 13:46

Mãɨne Pablo mãɨnepa Bernabepa ne wap'eawẽa ãchiá jarasidama: —Piarã taipa mãrá Tachi Ak'õre pedea naa jaradai p'anasidama. Maamina mãrapa mãɨ itu bɨ p'anɨ pẽra mãɨnepa mãramá ewaricha Tachi Ak'õre ome chok'ae bai piawẽa pẽra, taipa judiorãwẽmá mãɨ jarade wãnaipɨ.

Hecho 2:38

Mãɨne Pedropa p'anoosima: —Machi nemietá oo p'anana itu bɨdak'ari Tachi Ak'õremá chet'ɨ. Jesucristo t'ɨ̃nepa porochoat'ɨ. Mãɨne mãrapa nemietá oo p'anana Tachi Ak'õrepa k'ɨ̃risia atuak'ari ichi Jaore mãrá teaipɨ.

Hecho 20:21

Judiorã́ mãɨnepa judiorãwẽa mɨa jarasima nemietá oopataɨ itu bɨdak'ari Tachi Ak'õremá chedamẽrá mãɨnepa tachi Chipari Jesucristode ĩjãanamẽrá.

Hecho 26:20

Mɨa naena Damasco p'uurudepemarã́ jarasima ãchia nemietá oopataɨ itu bɨdak'ari Tachi Ak'õremá chedamẽrá. Mãɨya nak'ari Jerusalén p'uurude, ãarea Judea tuade mãɨnepa judiorãwẽmá pida abarik'a jarasima. Ãareaɨrã́ jarasima pia oo p'ananai p'anɨma, ãchia nemietá oodada piarã itu bɨdaadat'a unupidai k'orea.

Hecho 28:28

»Nãɨ k'awat'ɨ: Tachi Ak'õrepa tachi k'aripai jara bɨt'a judiorãwẽmá peesima. Ãchia mãɨ pia ũrinaipɨ.

Hecho 3:19

Chi mãrapa nemietá oodada itu bɨdak'ari Tachi Ak'õremá chet'ɨ. Mãɨya oosidara Tachi Chiparipa mãrapa nemietá oodaadat'a k'ɨ̃risia atuak'ari sõpiapiipɨ.

Hecho 4:12

Abapuru Jesupa tachi p'ue k'aripaipɨ. T'ɨ̃ awara waa newẽma mãɨ t'ɨ̃neepuru nãɨ ĩjũane tachi ẽpẽerã k'aripamẽrá.

Hecho 5:31

Tachi Ak'õrepa Jesú ichi juaraari bɨsima Tachi Chipari mãɨnepa Tachi K'aripaparí bamẽrá. Ichidepa israel ĩjũanepemarãpa nemietá itu bɨdak'ari mãicha Tachi Ak'õremá p'ue chedaipɨ. Mãɨyara ãchia nemietá oodada Tachi Ak'õrepa k'ɨ̃risia atuaipɨ.

Romano 5:20

Tachi Ak'õrepa Moisea ichi pedea bɨpisima ẽpẽrarãpa k'awadamẽrá nemietá minachia oo p'anɨt'a. Maamina ẽpẽrarãpa nemietá minachia oosidaɨde Tachi Ak'õrepa ichi sõpiadepa pia k'ĩra chupuriasima.

Ep'esio 1:6

Ichi minachia sõpia bɨdepa tachi k'aripasima ichia k'ɨ̃ria bɨ Warradepa. Mãɨ k'orea ichiá pia pedeadai p'anɨma.

Ep'esio 3:8

Jõma ẽpẽrarã Tachi Ak'õrenepemarã t'ãena mɨ k'aepe bɨmina, ichi sõpiadepa mɨt'u bɨsima judiorãwẽa chi Cristo k'orea nepia jõk'apɨ́ jarateamẽrá.

Colosense 1:27

Mãɨ pedea pia bɨt'a k'awapiwẽa bada ichidirã́ k'awapisima. Mãɨ pedea pia chi judiorãwẽ pae pida bɨma. Ichia k'awapiwẽa bada nãɨ: Cristo mãra sõne bɨma. Ichidepa k'awa p'anɨma ichi pia bɨdepema jitadaipɨ.

1 Juan 2:12

Warrarã, mɨa nãɨ k'art'a mãrá bɨruma Tachi Ak'õrepa Cristodepa mãra nemietá k'ɨ̃risia atuada pẽra.