Luca 24:46 - Tachi Ak'õre Pedea

⁴⁶ Nãɨya jarasima: —Tachi Ak'õre k'art'ade nãɨya bɨ bɨma: Tachi Ak'õrepa Tachi K'aripaparí teai jarada minachia mĩa bɨma. Piuk'ari ewari ũpeaɨde chok'ae p'irabariipɨ.

Luca 24:46 ပူးပေါင်းရင်းမြစ်များ

Mateo 26:24

Piarã mɨ, chi Ẽpẽra Warra piui bɨma Tachi Ak'õre pedeade bɨ bɨ jĩra. ¡Maamina chi mɨ jitapii bɨ ẽpẽra mãɨ chichupuria baipɨ! Pia basima, mãɨ ẽpẽra t'õwẽa badapara.

Luca 24:44

Mãɨya bak'ari ãchiá jarasima: —Mɨ wapida mãra ome baside jara bapachima mɨ k'orea naa bɨdada jõma mãɨyai bɨ. Mãɨ Moisepa bɨsima, Tachi Ak'õre pari pedeapataɨrãpa bɨsidama, mãɨnepa Salmo k'art'ade pida bɨ bɨma.

Luca 24:7

Ichia nãɨya jarasima: “Mɨ, chi Ẽpẽra Warra ẽpẽerã k'achiarã́ jita teadai p'anɨma. Mɨ k'urusude peadaipɨ, maamina ewari ũpeaɨde chok'ae p'irabariipɨ”.

Juan 20:9

Ara mãɨ ĩjãanamina, ãchia Tachi Ak'õre pedeade Jesú chok'ae p'irabarii bɨt'a mãɨ k'orea bɨ bɨt'a, mãɨ waidi pia ũrinawẽa p'anasima.

Hecho 17:3

Ichia pia jarateapachima Tachi Ak'õrepa Tachi K'aripaparí teai jarada mĩa bai basit'a mãɨnepa piuk'ari chok'ae p'irabarii basit'a. Mãɨ awara nãɨya jarapachima: «Mɨa mãrá jara bɨma Jesú piarã Tachi Ak'õrepa Tachi K'aripaparí teai jaradapɨ».

Hecho 4:12

Abapuru Jesupa tachi p'ue k'aripaipɨ. T'ɨ̃ awara waa newẽma mãɨ t'ɨ̃neepuru nãɨ ĩjũane tachi ẽpẽerã k'aripamẽrá.

1 Pedro 1:3

Tachi Chipari Jesucristo, Pajãnepema Ak'õrea pia pedeadai p'anɨma. Ichia tachi minachia k'ĩra chupuriada pẽra Jesucristo piu bada chok'ae p'irabaridadepa tachi chok'ae chiwidi jĩra p'aneepisima. Mãɨpuru piarã k'awa p'anɨma