Luca 24:27 - Tachi Ak'õre Pedea

²⁷ Maapae Tachi Ak'õre k'art'ade ichi k'orea bɨdada ãarea k'awa jarasima. Moisepa bɨda mãɨnepa Tachi Ak'õre pari pedeapataɨrãpa bɨdada ãarea k'awa jarasima.

Luca 24:27 ပူးပေါင်းရင်းမြစ်များ

Marco 4:34

Nepɨrɨwẽa jarateak'a pasima. Maamina ichi ome p'ɨrrɨapataɨrã ãchi tuaba ará p'anɨne ãarea jarateapachima.

Luca 24:25

Mãɨpuru Jesupa ãchiá jarasima: —¡Jõma Tachi Ak'õre pari pedeapataɨrãpa jaradada mãrapa ĩjãanawẽa p'anɨma! ¡Mãra k'ɨ̃risia nea p'anɨma!

Luca 24:44

Mãɨya bak'ari ãchiá jarasima: —Mɨ wapida mãra ome baside jara bapachima mɨ k'orea naa bɨdada jõma mãɨyai bɨ. Mãɨ Moisepa bɨsima, Tachi Ak'õre pari pedeapataɨrãpa bɨsidama, mãɨnepa Salmo k'art'ade pida bɨ bɨma.

Juan 1:45

Mãɨne P'elipepa Natanael jɨrɨde wãsima. Unuk'ari jarasima: —Taipa chi ẽpẽra k'orea Moisepa bɨdade eda jara bɨt'a unusidama. Tachi Ak'õre pari pedeapataɨrãpa ichi k'orea bɨsidama. José warra, Jesú Nazaredepemapɨ.

Juan 12:41

Isaíapa ichi k'art'ade mãɨya bɨsima Jesú chi Choma bɨ ununa pẽra. Mãɨ k'orea pedeasima.

Juan 5:37

Piarã mɨ Ak'õre, chi mɨ Peedapa mɨ k'orea pedea bɨma. Maamina mãrapa ichi pedea ũrinak'ama mãɨnepa ichi ununak'ama.

Juan 5:39

Mãrapa Tachi Ak'õre pedea pia unupatama, mãɨnepema Tachi Ak'õre ome ewaricha chok'ae p'ananait'a k'ɨ̃risia p'anɨ pẽra. ¡Mãɨ k'art'ade mɨ k'orea pedea bɨma!

Hecho 10:43

Ãarea Tachi Ak'õre pari pedeapataɨrãpa mãɨ k'orea pedeasidama. Ãchia k'awapisidama parituapa Jesude ĩjãaipɨra, mãɨ ẽpẽrapa nemietá oo bada Tachi Ak'õrepa ichidepa k'ɨ̃risia atuait'a.

Hecho 3:18

Maamina mãɨneepuru Tachi Ak'õrepa naena jarada ãarea mãɨyapisima. Chi ichi pari pedeapataɨrãnepa jarasima ichia Tachi K'aripaparí teai jarada minachia mĩak'ari piuit'a.

Hecho 3:22

»Moisepa tachi chõarãenapemarã́ nãɨya jarasima: “Tachi Ak'õre, machi Chiparipa mɨ peeda jĩra, chi ichi pari pedeaparí aba mãramá peeipɨ. Mãɨ ẽpẽra ara mãra p'uurudepema paipɨ. Ichia jararut'a ãarea ĩjãat'ɨ.

Hecho 3:24

Mãɨ awara Samuel ewaridepa ãarea Tachi Ak'õre pari pedeapataɨrãpa nãɨ ewari k'orea pedeasidama.

Hecho 7:37

Ara mãɨ Moisepa israel ĩjũanepemarã́ jarasima: “Tachi Ak'õrepa mɨ peeda jĩra chi ichi pari pedeaparí aba mãramá peeipɨ. Mãɨ ẽpẽra ara mãra p'uurudepema paipɨ. Ichia jararut'a ãarea ĩjãat'ɨ”.

Hecho 8:35

Ara mãɨne P'elipepa mãɨ pedeadepa chi pedea pia Jesú k'orea jaratea beesima.

Apocalipsi 19:10

Ara mãɨne mɨ chi Tachi Ak'õrepa ɨt'aripa peeda jĩru k'ait'a sĩraporode bedabari k'obeesima ichiá pia pedeai k'orea. Maamina ichia mɨá jarasima: «Jãɨya oorãse, mãɨpari Tachi Ak'õreapuru pia pedease. Mɨ Tachi Ak'õre pae pari mimiaparipɨ, pɨ jĩra mãɨnepa chi Jesupa jarateada ĩjãa berã jĩra». Jesupa jarateada Tachi Ak'õre Jaorepa chi ichi pari pedeapataɨrã́ pedeapiparima.