Luca 23:41 - Tachi Ak'õre Pedea

⁴¹ Tachi ume nãɨya piudai p'anɨma nemietá oodada pẽra. Maamina cha bɨ ẽpẽrapa ¿k'ãre nemietá oosima?

Luca 23:41 ပူးပေါင်းရင်းမြစ်များ

Mateo 27:19

Pilato ẽpẽrarã nepɨra ak'ɨparide suak'abari beeside, chi k'imapa nãɨ pedea ichimá jara peesima: «Jãɨ ẽpẽra jĩp'a bɨ k'ẽet'aase. Idi ichi ome k'ãmok'araada pẽra mɨ minachia wap'ea bɨma».

Mateo 27:24

Mãɨya p'anɨne Pilatopa k'awasima ẽpẽrarãpa ichi pedea ĩjãanawẽa p'anasit'a. Mãɨ awara unusima ẽpẽrarã minachia piuk'a nɨbɨt'a. Maapae jõmãɨrã k'ĩrari paniapa ichi jua sɨɨk'ari jarasima: —Nãɨ ẽpẽra jĩp'a bɨ peauta k'orea mɨ nepɨra pará beeiwẽma. ¡Mãɨt'u machi nepɨrapɨ!

Mateo 27:4

Ãchiá jarasima: —Mɨa ẽpẽra nepɨra newẽa bɨ jitapida pẽra nemietá oosima. Mãɨne ãchia jarasidama: —¿Taimá mãɨ sãima? Mãɨ porepɨ.

Mateo 27:54

Romanepema papaká berã chi mãɨrã chaarea bɨpa, ichi papaká berã pida Jesú ak'ɨ p'anasidama abaɨ pida k'aripapidaemaapa. Maamina iurumiapa mãɨyak'oaru unusidaɨde minachia p'eradak'ari jarasidama: —Piarã nãɨ ẽpẽra Tachi Ak'õre Warra pasima.

Luca 23:40

Maamina chi abaɨpa ichi nãɨya ɨtɨasima: —¿Pɨ sida ara mãɨya ɨtɨa p'anɨmina waidi Tachi Ak'õre wap'eawẽk'ãra?

Luca 23:42

Maapae ichia Jesua nãɨya jarasima: —Pɨchidirã pɨchi juade ua beerude mɨne k'ɨ̃risiase.

1 Tesalonicense 2:10

Mãrapa k'awa p'anɨma, Tachi Ak'õre pida k'awa bɨma tai mãra chi Cristode ĩjãapataɨrã t'ãena pia, jĩp'a mãɨnepa nepɨra pará bɨade adawẽa nipasidama.

Santiago 4:7

Mãɨ k'orea Tachi Ak'õre juade p'anat'ɨ. Tiore ĩjãarãt'ɨ. Mãɨya ichi mãramaapema mĩruwãipɨ.

1 Pedro 2:23

Ẽpẽrarãpa ichiá k'achia pedeasidaɨde ãchiá k'achia pedeaé pasima. Ichi piawẽa oosidaɨde ichia jõnea piawẽa ooyade a jaraé pasima. Mãɨpari Tachi Ak'õrepa jĩp'a nepɨra ak'ɨpari pẽra ichi piawẽa oo p'anɨt'a Tachi Ak'õre juade bɨpachima.