Luca 23:35 - Tachi Ak'õre Pedea

³⁵ Jõma mãɨ ẽpẽrarãpa ak'ɨ tuanasidama. Mãɨne chi minachia k'awa berãpa ichi nãɨya oo uru p'anasidama: —Waapẽarã k'aripasima. Ichi chi Tachi Ak'õrepa Jɨrɨ Atadapɨra mãɨnepa Tachi K'aripaparí teai jaradapɨra, ¿ara ichi tuaba p'ue k'aripawẽk'ãra?

Luca 23:35 ပူးပေါင်းရင်းမြစ်များ

Mateo 12:18

Nãɨya jarasima: Nãɨ mɨa jɨrɨ atada chi mɨ pae pari mimiaparipɨ. Mɨa ichi k'ɨ̃ria bɨma. Ichi k'orea mɨ piarã sõpia bɨma. Mɨ Jaore ichiá teaipɨ. Ichia p'uuru becha mɨa jĩp'a ook'oa bɨ k'orea jaraipɨ.

Mateo 3:17

Mãɨ awara Tachi Ak'õre pajãnepa edá pedearu ũrisidama. Nãɨya jarasima: «Nãɨt'a mɨ Warra chi k'ɨ̃ria bɨpɨ. Mɨ ichi k'orea minachia sõ arapá bɨma».

Luca 16:14

Jesupa jarada p'ariseorãpa ãarea ũri tuanasidama. Ãchia erreara k'ɨ̃riapata pẽra Jesú oo uru p'aneesidama.

Luca 23:13

Maapae Pilatopa chi p'uurude minachia berã, chi p'aarerã chi mãɨrã chaarearã mãɨnepa p'uurudepemarã ará t'ɨ̃k'oasima.

Luca 23:39

Mãɨne ẽpẽra aba nemietá ooda k'orea k'urusude barijira bɨdaadapa Jesú nãɨya k'achia pedeapachima: —Pɨ piarã Tachi Ak'õrepa Tachi K'aripaparí teai jaradapɨra, pɨ tuaba k'aripak'ari tai sida k'aripase.

1 Pedro 2:4

Tachi Chipari Jesucristomá chet'ɨ. Ichi chok'ae bɨma mãɨnepa mawara te oopataɨ jĩra bɨma. Ẽpẽrarãpa ichi itu bɨsidama, maamina Tachi Ak'õrepa mãɨ mawara pia, neepɨa k'ɨrɨt'a jɨrɨ atasima.